1 Juan 2:11 - Bible in Tzeltal de Oxchuc y Tenejapa

¹¹ Yan te mach'a yilintayej te yermanoe, yu'un nanix ainem ta ijc' q'uinal, tey yac ta beel a. Jich ma sna' te banti ya xbajt'e, melel ma'sit c'oem yu'un te ijc' q'uinale.

Nuevo Testamento Tzeltal de Amatenango

¹¹ Pero te machꞌa ya spꞌaj te yermanoe, ay ta ijkꞌal kꞌinal sok teꞌ ya xbeen a. Y ma snaꞌ te ba ya xbajte, porke te site makbil yuꞌun te ijkꞌal kꞌinale.

Bible in Tzeltal Bachajón

¹¹ Yan te mach'a ya sp'aj te yermano, ay ta yihc'al q'uinal, soc yac ta behel ta yihc'al q'uinal, ma sna' banti ya xbaht, como ha macbibil sit yu'un te yihc'al q'uinale.

1 Juan 2:11 ပူးပေါင်းရင်းမြစ်များ

2 Samuel 13:22

Jich nix te Absalón ma'yuc bi la yalbey te Amnón, manchuc me xcupet slab yo'tan yu'un te la sjinbey sc'oplal te yijts'in Tamar.

Proverbios 4:19

Pero te be yu'unic te mach'atic amen yo'tanique, mero ijc' stuquel; ni yacuc xju' ya yilic bila ya sc'ojch'in yacanic a.

Eclesiastés 2:14

Te mach'a ay sp'ijile, buen lec ya stuuntes te site; yan te mach'a ma sna' q'uinal yac ta beel ta ijc' q'uinal stuquel. Pero la jna' te pajal spisil, melel te bila ya xc'ot ta stojolique, ja' nix ya xc'ot ta jwenta uuc.

Levítico 19:17

“Ma me xcupetuc slab awo'tan ta stojol awermano. “Tojtesa me te alumal teme tojtesel ya sc'ane, ma me xamulinbey smul, ma me xapaj awo'tan soc.

San Juan 12:35

Te Jesús jich la yalbey yaiyic: —Ma ba jalix c'aal te ay saquil q'uinal ta atojolic. Jich yu'un ac'a me puersa te ya xbeenex ta bay te saquil q'uinal, swenta yu'un ma me ch'ayemuc atsaic ya staex te ijc' q'uinale. Melel te mach'a ya xbeen ta ijc' q'uinale, ma sna' te banti beil ya xbajt'e.

San Juan 12:40

“Dios la sc'atp'un ta ma'sit soc la yac' tulanajuc yo'tanic, swenta yu'un ma xyilic q'uinal ta sitic, ni ya xc'ot ta yo'tanic te bila ya x'albotique. ‘Ma ba ya sujt'es yo'tanic ta jtojol swenta ya jlamantes te xchamel’, xi' te Diose”, te xie.

2 Corintios 3:14

Ja'uc me to, ma c'ot ta yo'tanic te bila la yilique. Ja' to c'alal ta ora to, te c'alal ya yilic te pocol tratoe, ja' nanix jich macal to sitic yu'un te paq'ue. Melel ja' nax ta swenta Cristo te ya xju' ya xloc' te paq'ue.

2 Corintios 4:4

Melel te dios yu'un in balumilal to, sc'atp'unej ta ma'sit te mach'atic ma ba xch'uunejic te Diose. Jich ma xju' ya sna'ic stojol xujt'uc. Swenta yu'un jich ma xyilbeyic xojobil yutsilal te lec yach'il c'op yu'un te Cristoe, melel te Cristoe pajal yilel soc te Diose.

Tito 3:3

Melel te jo'otique jichotic ta neelal uuc. Ma jna'tic q'uinal, jc'axintay-mandalotic, jowejemotic, mosoinbilotic yu'un te bila ya smulan te jbaq'uetaltique. Jich ayotic tel ta spasel spisil ta jten mulil, bic'tal-o'tanil, jex-o'tantaywanej, talel c'axel lab-o'tantayej jbajtic.

2 Pedro 1:9

Yan te mach'a ma'yuc yu'une, pajal c'oem soc jtul ma'sit, soc pajal c'oem soc te mach'a ma'yuc yip te site. Melel ch'ayix ta yo'tan te bit'il la yich' poquel te smul sleoj ta neelal toe.

1 Juan 1:6

Teme ya caltic te jun ayotic soc te Diose, teme ja' yacotic ta spasel te bila swenta te ijc' q'uinale, yacotic nax ta lot abi. Yu'un ma ba yacotic ta spasel te bila melele.

1 Juan 2:10

Te mach'a c'ux ya yaiy ta yo'tan te yermanoe, ainemix ta bay te saquil q'uinale. Jich ma'yuc bi ya syalesot xan ta mulil yu'un.

1 Juan 2:9

Te mach'a ya yal te ayix ta bay te saquil q'uinale, teme yilintayej te yermanoe, yu'un nanix ay to ta ijc' q'uinal abi.

1 Juan 3:15

Spisil mach'a yilayej te yermanoe, ja' jmilawal abi. Soc ana'ojic stojol te jc'axel ma'yuc ta swenta cuxinel sbajt'el q'uinal te mach'a jmilawale.

1 Juan 4:20

Teme ay mach'a ya yal: “C'ux ya caiy ta co'tan te Diose”, teme xie, teme yilayej te yermanoe, yu'un nanix jpas-lot abi. Te mach'a ma c'uxuc ya yaiy ta yo'tan te yermano te ya yilbey site, ¿ja'uc to bal c'ux ya yaiy ta yo'tan te Diose te ma xyilbey sit stuquele?

Apocalipsis 3:17

Melel te ja'ate jich ya awal: “C'ulejon te jo'one. Ju'ix cu'un tsobel bayal te jc'ulejale. Xujt' ma'yuquix jwocol”, te xaate. Ja'uc me to, ma x'ana' te ay bayal awocol soc te bayal yo'bolil aba ta q'uinale, xujt' ma'yuc bila ay awu'un te ma'sitate soc te t'analate.