1 Juan 1:7 - Bible in Tzeltal de Oxchuc y Tenejapa

⁷ Yan teme ayotic ta bay te saquil q'uinale, jich bit'il ja' saquil q'uinal stuquel te Diose, jich jun nax ayotic ta jpisiltic abi, soc jich ya spocbotic spisil jmultic ta xch'ich'el te Jesucristoe, ja' te Snich'an te Diose.

Nuevo Testamento Tzeltal de Amatenango

⁷ Pero teme ayotik ta sakil kꞌinale, jich tutꞌil ay ta sakil kꞌinal te Diose, jich jun nax ayotik ta jpisiltik. Sok te xchꞌichꞌel te Xnichꞌan Diose, jaꞌ te Jesucristoe, ya spokbotik spisil te jmultike.

Bible in Tzeltal Bachajón

⁷ Yan teme yacotic ta behel ta sacal q'uinal, hich te bin ut'il ay ta sacal q'uinal stuquel te Diose, talel c'axel jun co'tan jbahtic, soc ha ya spocbotic loq'uel spisil jmultic te sch'ich'el Jesús, te Snich'ane.

1 Juan 1:7 ပူးပေါင်းရင်းမြစ်များ

Salmos 104:2

potsolat ta axojobil, jich c'oem te bit'il ac'u'e. Ja'at la alich' bael jichuc pac' te ch'ulchane;

Salmos 51:2

Pocbon loq'uel te bila amen jpasoje; pasbon ta sac te co'tane.

Salmos 56:13

Melel ja'at la acoltayon ta lajel; melel ja'at la acoltayon, jich ma ba yalon; swenta yu'un jich me ya xbeenon ta atojol ta saquil q'uinal yu'un te jcuxlejale.

Salmos 89:15

Cajwal cu'un, bayal yutsil te lum te bin nax yo'tan ya sna' yalel yutsil ac'oplal, soc te chican q'uinal ya xbeen yu'un te saquil q'uinal awu'une.

Salmos 97:11

Te luz ya xtil ta stojol te mach'a lec yo'tan; te sbujts'-o'tanil, ay ta swenta te mach'atic toj yo'tane.

Isaías 2:5

Ya xbootic, lum yu'un Jacob, beenucotic ta saquil q'uinal yu'un te Cajwaltique.

Isaías 33:24

Ma'yuc jtuluc yajwal Sión te ya yal: “Ayon ta chamel”, te xie. Dios me ya spasbey perdón yu'un smul te mach'atic yajwal Sión.

Isaías 6:7

La scusbon ta que, jich la yalbon: —Aiya awaiy stojol, te ac'al la jcusbat ta ati'e. Te bitic ma lecuc apasoje, la yich'ix loq'uesel, jich pasbilatix perdón yu'un a te amule —la yuton.

Amós 3:3

Teme ay cheb te ya sjoin sbaic ta beele, yu'un pajal yo'tan sbaic.

Zacarías 13:1

“Te c'alal ya sta sc'aalelal ya me yich' jamel sloq'uibja' c'oem, swenta yu'un tey me ya xju' ya spoc a te smulic soc te sbolil yo'tanic te patil alnich'anetic yu'un David soc te mach'atic nainemic ta Jerusalén.

San Mateo 6:12

Pasbotic perdón yu'un te bila amen jpasojtique, jich te bit'il ya jpasbeytic perdón uuc te mach'atic amen bila spasojbotique.

San Juan 1:29

Ta yan c'aal te Juan la yil te yac ta noptsajel tel Jesús tey a te banti aye. Jich caj yal yu'un: —Ilawilic in to. Ja' te mero Alalchij yu'un Dios, te ya xch'aybey smul spisil te mach'atic ayic ta balumilale.

San Juan 12:35

Te Jesús jich la yalbey yaiyic: —Ma ba jalix c'aal te ay saquil q'uinal ta atojolic. Jich yu'un ac'a me puersa te ya xbeenex ta bay te saquil q'uinal, swenta yu'un ma me ch'ayemuc atsaic ya staex te ijc' q'uinale. Melel te mach'a ya xbeen ta ijc' q'uinale, ma sna' te banti beil ya xbajt'e.

San Juan 5:4

yu'un ay ch'ul abat ya xco tel ya xtal stij te ja'e. Te c'alal nax ya xtijot te ja'e, te mach'a neel ya yotses sba ta ja'e ya xcol ta chamel, biluc chameliluc te yich'oje.]

Romanos 13:12

Te ajc'ubale nopol xc'axix bael. Ja' nopol ya sacubix tel te q'uinale. Jich yu'un, ya sc'an ya quijq'uitaytic jilel ta pasel te bila swenta te ijc' q'uinale. Ya sc'an te ya c'u'intiquix te cat'ejibtic ta swenta te saquil q'uinale.

1 Corintios 6:11

Ay nax la apasic jich ta neelal to uuc. Ja'uc me to, la awich'iquix poquel yu'un te Diose, soc ch'ultesbilexix soc libre c'oemex yu'un amulic ta swenta sbiil te Cajwaltic Jesús soc te Espíritu yu'un te Diose.

Efesios 1:7

La smanbotiquix jcoleltic ta swenta te xch'ich'ele. Jich la spasbotiquix perdón yu'un jmultic ta scaj te bayal yutsil yo'tan cu'untique.

Efesios 5:8

Melel ta neelal to ainemex ta ijc' q'uinal te ja'exe. Yan ta ora to sacuben q'uinal awu'unic ta swenta te Cajwaltique. Jich me xcuxinex te bit'il mach'atic yal-snich'an te saquil q'uinale.

1 Timoteo 6:16

Ja' te mach'a stalel ma xlaj stuquel, te cuxul ta bay te xojobal q'uinal, te jtul ma'yuc mach'a ya xju' ya xnoptsaj tey a. Jtul ma'yuc mach'a la yilix, soc ma'yuc mach'a ya xju' yu'un yilel. Ja' me ac'a ich'otuc ta muc', soc ja' ac'a yich' ajwalinel sbajt'el q'uinal stuquel. Jichuc.

Tito 2:14

Ja' la yac' sba ta lajel ta jwentatic stuquel. Jich la scoltayotic loq'uel ta bay te bila amen jpasojtique, soc jich la yutstesbotic co'tantic swenta yu'un lumotic yu'un ya xc'ot te toyol co'tantic ta spasel spisil te bila lec ta pasele.

Hebreos 9:14

Yan te xch'ich'el Cristo c'axem to xan ay yip stuquel. Melel ta swenta Espíritu te sbajt'el q'uinal aye, ju' yu'un stuquel te Cristo te la yac' sba ta lajel ta stojol Dios swenta milbil smajt'an te xujt' ma ba ts'ilajeme. Jich te xch'ich'ele jc'axel ya spocbotic co'tantic te ts'ilajemic yu'un cat'eltic te quechelotic ta lajel yu'une, swenta yu'un jich me ya cac' jbajtic ta abatinel yu'un te cuxul Diose.

Santiago 1:17

Spisil bila lec te quich'ojtique soc spisil jmajt'antic te jelawen yutsile, coem tel ta cajal spisil, te ja' yac'ojbotic te Jtatic te la spas te c'aal, u, soc eq'uetique. Stalel ay stuquel, soc xujt' ma xyanaj te xojobile.

1 Pedro 1:19

Ja' tojbil acolelic a te xch'ul xch'ich'el te Cristoe te milbil smajt'an Dios c'ot, jich bit'il alal chij te ma'yuc bila boloben soc ts'ilajem ta sbaq'uetale.

1 Juan 1:3

Ja' ya calbeyex awaiyic te bila quilojtic soc te bila caiyojtic stojole, swenta yu'un jich me jun nax ya xc'ootic ta jpisiltic, jich nix te bit'il jun nax ayotic soc te Dios Tatile soc uuc te Snich'ane, ja' te Jesucristoe.

1 Juan 1:5

Ja' in sc'op Dios to, ja' la yac'botic jnoptic te Jesucristoe. Ja' te ya calbeyex awaiyic: Te Diose, ja' saquil q'uinal, ma'yuc ijc' q'uinal ta swenta stuquel.

1 Juan 5:6

Ja' xtaluc te Jesucristo te chicnaj ta swenta ja' soc ta swenta ch'ich'. Ma ja'uc nax chicnaj ta swenta te ich' ja'e, chicnaj xan ta swenta te la smal te xch'ich'ele. Te Espíritu ja' ya yal ta testigo, melel te Espiritue smelelil te bila ya yale.

1 Juan 5:8

Soc ay oxeb testigoetic yu'un ta balumilal: Ja' te Espiritue, soc te ja'e, soc te ch'ich'e. Jun nax te bila ya yalic ta yoxebalique.

2 Juan 1:4

Bayal bujts'naj co'tan yu'un te awalatac, yu'un la quil te yacalic ta spasel te bi ya yal te smelelil c'ope, jich bit'il spasojotic ta mandal te Jtatic Diose.

3 Juan 1:4

Ma'yuc yan te bila ya xbujts'naj co'tan ta lec yu'une, ja' nax te c'alal ya caiy stojol te jun yo'tanic ta spasel te bi ya yal te smelelil c'op te mach'atic cal-jnich'nabe.

Apocalipsis 1:5

soc uuc te Jesucristoe te jun yo'tan ay ta testigoe, te ja' sbabial cha'cux tel yu'un te mach'atic lajemique, te ja' Muc' Ajwalil te cajal yat'el yu'un te muc' ajwaliletic ta balumilale. Ja' te mach'a c'uxotic ta yo'tan, soc te la spocbotiquix loq'uel spisil jmultic ta xch'ich'ele,

Apocalipsis 12:11

Te quermanotactique la stsaliquix ta swenta xch'ich'el te Alalchije soc ta swenta te sc'op Dios te la stejc'an sbaic ta testigo yu'une. Melel ma la xc'uxtay sbaic soc te xcuxlejalique. Jun nax yo'tanic la yac' sbaic ta lajel yu'un.

Apocalipsis 7:14

La calbey: —Tatic, ja'at ya ana' —la cut. Jich la yalbon: —Ja'ic in to te mach'atic c'axix yu'unic te bayal uts'inele. Sac'ojiquix sc'u'-spaq'uic. Ja' la sacubtesic a te xch'ich'el te Alalchije.