1 Juan 1:6 - Bible in Tzeltal de Oxchuc y Tenejapa

⁶ Teme ya caltic te jun ayotic soc te Diose, teme ja' yacotic ta spasel te bila swenta te ijc' q'uinale, yacotic nax ta lot abi. Yu'un ma ba yacotic ta spasel te bila melele.

Nuevo Testamento Tzeltal de Amatenango

⁶ Teme ya kaltik te jun nax ayotik sok te Diose, y mismo tiempo ayotik ta ijkꞌal kꞌinal, jaꞌ nax ya jloꞌlay jbajtik ta jkꞌoptik y sok te tut ya jpastike.

Bible in Tzeltal Bachajón

⁶ Teme ya caltic te ha jun co'tan jbahtic soc te Diose, pero teme yacotic ta behel ta yihc'al q'uinal, ya ca'iytic lot soc ma ba yacotic ta spasel te bin ya yal te smelelil c'ope.

1 Juan 1:6 ပူးပေါင်းရင်းမြစ်များ

Salmos 82:5

“Pero te ja'exe ma x'ana'ic, ma xc'ot ta awo'tanic; melel yacalex ta beel ta ijc' q'uinal. Ac'a nijc'uc te yiptajib te lumq'uinale.

Salmos 94:20

Te ja'at ma xju' ya ajoin te mach'atic ma stojiluc ya xchajbanwane, te ma lecuc ya x'at'ejic soc te ma ja'uc ya stuuntesic te mandaliletique.

Proverbios 2:13

ja' te mach'atic ya yijq'uitayic te lequil be, te ya st'unbeyic sbelal yijc'al q'uinale,

San Mateo 7:22

Ta slajibal c'aal ay me tsobol ya yalbonic: “Cajwal, Cajwal, ¿yu'un bal ma ba la caiytic j'alwanej ta swenta abiil? Soc ta swenta abiil la jloq'uestic pucujetic, soc ta swenta abiil, la jpastic bayal jchajp at'eliletic”, xiic me ta jtojol.

San Juan 11:10

Yan te mach'a ya xbeen ta ajc'ubale, ya sc'ojch'in yacan stuquel, melel ma sacubenuc q'uinal ta stojol —xi'.

San Juan 12:35

Te Jesús jich la yalbey yaiyic: —Ma ba jalix c'aal te ay saquil q'uinal ta atojolic. Jich yu'un ac'a me puersa te ya xbeenex ta bay te saquil q'uinal, swenta yu'un ma me ch'ayemuc atsaic ya staex te ijc' q'uinale. Melel te mach'a ya xbeen ta ijc' q'uinale, ma sna' te banti beil ya xbajt'e.

San Juan 12:46

Jo'on te sacuben q'uinal cu'un, talemon ta balumilal swenta yu'un spisil te mach'a ya xch'uunone ma x'ain ta ijc' q'uinal.

San Juan 8:12

Te Jesús cha'c'opoj xan. Jich la yal: —Jo'on J'ac'-saquil-q'uinalon yu'un te balumilale. Jich yu'un te mach'a ya st'unone, ma ba ya xbeenix ta ijc' q'uinal, ayix xcuxlejal ta swenta te saquil q'uinale —xi' te Jesuse.

San Juan 8:55

Ja'uc me to, ma x'ana'beyic sba. Yan te jo'one, ya jna'bey sba. Te yacuc cal te ma jna'bey sbae pajal jpas-lototic ta jpisiltic te jichuque. Ja'uc me to, ya jna'bey sba ta mero melel. Soc ja' ya quich' ta muc' te bila ya yale.

1 Timoteo 4:2

Soc ya me xjajch' yantaybeyic sc'op te mach'atic cheb yo'tanique, te puro lotil c'op ya yalique, te jc'axel pimuben yo'tanic. Ma'yuc bila ya xc'otix ta yo'tanic xujt'uc.

Santiago 2:14

Quermanotac, ¿bi ya xloc' yu'un a te ay mach'a ya yal te ay xch'uunjel yo'tan teme xujt' ma xchicnaj ta swenta te yat'ele? ¿Ya bal xcol yu'un awaiy ta swenta te xch'uunjel yo'tane?

Santiago 2:16

soc teme ay jtulex te ja'exe te jich ya awalbeyique: “Lec ay, quermano, baan, ma me xamel awo'tan. Q'uixinan me, we'an uch'ajan, mac'lina aba ta lec”, teme ya awute, ja'uc me to, teme ma ba ya awac'bey ts'iin te bila ya xtuun yu'un soc te sbaq'uetale, ¿bila ya sta yu'un awaiy te jich la awalbeye?

Santiago 2:18

Ay mach'a jich ya yal: “Te ja'ate ay xch'uunjel awo'tan, yan te jo'one jpasoj lequil at'elil”, xi'. ¿Bit'il ya awac'bon quil te xch'uunjel awo'tan teme ma ba chican ta awat'ele? Yan te jo'one ya me cac'bat awil te xch'uunjel co'tan ta swenta te cat'el jpasoje.

1 Juan 1:10

Yan teme ya caltic te ma'yuc jmultic jpasojtique, ja' jpas-lot ta jc'optic te Diose, soc ma ba c'oem ta co'tantic ta melel te sc'ope.

1 Juan 1:3

Ja' ya calbeyex awaiyic te bila quilojtic soc te bila caiyojtic stojole, swenta yu'un jich me jun nax ya xc'ootic ta jpisiltic, jich nix te bit'il jun nax ayotic soc te Dios Tatile soc uuc te Snich'ane, ja' te Jesucristoe.

1 Juan 1:8

Teme ya caltic te ma'yuc jmultique, jtuqueltic nax yacotic lo'laybel jbajtic abi, yu'un ma'yucotic tey ta bay te bila melele.

1 Juan 2:4

Yan teme ay mach'a ya yal: “Te jo'one jna'ojbey sba te Diose”, teme xie, ja'uc me to, teme ma ba ya xch'uunbey te smandale, yac ta spasel lot abi. Yu'un ma'yuc tey a ta bay te bila melele.

1 Juan 4:20

Teme ay mach'a ya yal: “C'ux ya caiy ta co'tan te Diose”, teme xie, teme yilayej te yermanoe, yu'un nanix jpas-lot abi. Te mach'a ma c'uxuc ya yaiy ta yo'tan te yermano te ya yilbey site, ¿ja'uc to bal c'ux ya yaiy ta yo'tan te Diose te ma xyilbey sit stuquele?