1 Juan 1:3 - Bible in Tzeltal de Oxchuc y Tenejapa

³ Ja' ya calbeyex awaiyic te bila quilojtic soc te bila caiyojtic stojole, swenta yu'un jich me jun nax ya xc'ootic ta jpisiltic, jich nix te bit'il jun nax ayotic soc te Dios Tatile soc uuc te Snich'ane, ja' te Jesucristoe.

Nuevo Testamento Tzeltal de Amatenango

³ Ya kalbetikex te tut kilojtik y kaꞌiyejtike, yuꞌun te jaꞌexe junuk nax me ya xkꞌootik, jachik tutꞌil jun nax ayotik sok te Dios Tatile y sok te Xnichꞌane, jaꞌ te Jesucristoe.

Bible in Tzeltal Bachajón

³ Te bin quilojcotic soc te ca'iyejcotic, ha ya calbeyexcotic sc'oblal, scuenta yu'un junuc co'tan jbahtic; soc junuc co'tan jbahtic soc te Tatil soc te Snich'an, ha te Jesucristo.

1 Juan 1:3 ပူးပေါင်းရင်းမြစ်များ

Job 13:1

“Spisil in to, jo'on nix quiloj ta jsit, soc jo'on nix caiyoj ta jchiquin.

Salmos 2:7

Ya me jpuc ta alel ta bayuc te bila snopoj ta jtojol te Cajwaltique te la yalbonix: “Ja'at jnich'anat; nax to nax la jnich'nantayat.

Salmos 22:22

Ya me calbat ac'oplal ta stojol te quermanotac; ya me calbat yutsil ac'oplal ta bay te tsoblej yu'unique.

Isaías 66:19

Ya me cac'bey jun señail: ya me cac' te ay ya xcol loq'uel, soc ya me jticun bael ta nacionetic: ta Tarsis, ta Libia, ta Lidia, ja' te lum te ya sna'ic yaq'uel te t'ime, ta Tubal, ta Grecia, soc te lumetic te ayic ta ti'ti'mar. Ja' te mero ma'yuc bay yaiyojbonic te jc'oplale, soc te ma'yuc bay yilojbonic te xojobil cutsilale. Ja'ic te ticunbilic cu'un ya me yaq'uic ta na'el cutsilal ta bay te nacionetique.

Números 10:32

Teme ya ajoinotic bael, pajal ya jpucbey jbajtic spisil te bitic lec ya yac'botic te Cajwaltique —la yut te sbale. Jich bajt' soc.

San Juan 17:11

“Te jo'one ma ba ya x'ainonix ta balumilal. Te ja'ique ya xjilic ta balumilal stuquelic. Yan te jo'one ya xtalonix ta atojol. Ch'ul Jtat, te mach'atic awac'ojbone, canantaybon me ta awu'el swenta yu'un jun nax me ya xc'otic ta spisilic, jich te bit'il jun nax ayotique.

San Juan 17:21

Jun nax me ac'a c'otuc ta spisilic, Jtat, jich te bit'il jun ayotique. Soc jun nax me ac'a c'otuc ta jwentatic, swenta yu'un ya me xc'ot ta yo'tanic te mach'atic ayic ta balumilal te ja'at la aticunon tele.

San Juan 17:25

Jtat, te toj awo'tane, ma sna'bat aba te mach'atic ayic ta swenta te balumilale. Yan te jo'one ya jna'bat aba jtuquel. Te mach'atic xch'uunejonixe sna'ojiquix te ja'at la aticunon tele.

San Juan 17:3

Ja' ay xcuxlejalic sbajt'el q'uinal yu'un te ya sna'bat aba ja'at te jip jtul mero Diosate, soc te ya sna'beyic sba uuc te Jesucristo te la aticun tele.

San Juan 19:35

Te mach'a la yil te bila c'ot ta pasele ja' testigo yu'un. Ma slotuc te bila ya yale. Soc sna'oj te melel te bi ya yale, swenta yu'un ya me ach'uunic te ja'exe.

Hechos 13:32

“Jich te jo'otique, ja' ya calbeyex awaiyic te lec yach'il c'ope, melel c'otix ta pasel yu'un Dios te bila la yalbey te antiguo jme'-jtatique.

Hechos 13:41

“Aiya awaiyic stojol ja'ex te jp'ajawalexe, xiwanic me soc ch'ayanic ta q'uinal, melel te jo'on ya jpas jchajp at'elil ta atojolic te ma xach'uunique. Ma ba ya xc'ot ta awo'tanic manchuc teme ay mach'a ya xcholbeyex awaiyic sc'oplale”, te xie —xi' ta yalel te Pabloe.

Hechos 2:42

La yat'elinic snopel te bila la yaq'uic ta nopel te jpuc-c'opetique, jun nax yo'tan la yaiy sbaic ta spisilic. Soc la stsobilay sbaic ta swe'el waj soc ta sc'oponel Dios.

Hechos 20:27

melel spisil la calbeyex ta jamal te bila chapal yu'un te Diose. Ma'yuc bila la jmuc ta co'tan xujt'uc.

Hechos 4:20

Melel ma xju' ya jcom jbatic ta yalel te bila quilojtique soc te bila caiyojtic stojole —xiic.

Romanos 15:27

La snopic soc spasemal yo'tanic, jich lec c'ot te bila la spasique. Ja' ya sna'ic te ay sbetic ta stojol te judio jch'uunjeletique, melel ja' ta swenta te judio jch'uunjeletic te c'ot bendición ta stojolic te jyanlumetique. Ja' swentail ta ora to ja' ayix ta swentaic scoltayel uuc te bila ya xtuun yu'unic te judio jch'uunjeletique.

1 Corintios 1:30

Yan te ja'exe, Dios la yaq'uex ta jun nax soc te Cristoe, ja' jp'ijiltic yac'ojbotic te Diose. Ja' la yac'otic ta libre yu'un jmultic, soc ja' ch'ultesbilotic yu'un, soc manbil jcoleltic yu'un.

1 Corintios 1:9

Puersa ya sc'otes ta pasel te bila yaloj te Diose, ja' te Mach'a la yiq'uex ta swenta te Snich'ane, ja' te Cajwaltic Jesucristoe.

1 Corintios 15:1

Ta ora to, quermanotac, ya calbeyex xan ta jamal te lec yach'il c'op te la jcholbeyex awaiyique. La awich'ic ta muc' te c'alal la awaiyic stojole soc jun awo'tanic ach'uunejic ta ora to.

2 Corintios 13:14

Ich'aic te yutsil yo'tan te Cajwaltic Jesucristoe, soc te xc'uxul yo'tan te Diose, soc ja' me ac'a sjoinex spisil ora ta apisilic te Ch'ul Espiritue. Jichuc.

Efesios 3:6

Ja' bi ja' ta swenta te lec yach'il c'ope, te jyanlumetic pajal me ya yich'ic soc te judioetic te bila ya yac' te Diose. Jun nax sbaq'uetal ya me xc'otic ta spisilic, soc pajal me ya yich'ic te bila yaloj Dios ta swenta Cristo Jesús.

Filipenses 1:7

Ja' lec te jich ya jna'ex ta co'tan ta apisilic te melel ayex ta co'tan ya caiy. Melel pajal ay yutsil yo'tan Dios cu'untic ta jpisiltic. Manchuc teme chuculon li'to o teme ya quich' tejc'anel ta stojol te ajwaliletique, ya me xc'opojon yu'un te lec yach'il c'ope. Tey me ya cac' ta na'el a te ma lotil c'opuc stuquele.

Filipenses 2:1

Jich yu'un teme muc'uben q'uinal ya awaiyic yu'un te Cristoe, soc teme muc'uben q'uinal ya awaiyic yu'un te bit'il c'uxex ta yo'tane, soc teme sjoinejex te Espíritu yu'une, soc teme bayal c'ux ya awaiy abaique,

Filipenses 3:10

Ja' ya jc'an te yacuc jna'bey sba ta lec te Cristoe, soc te yacuc caiy ta co'tan te yu'el Dios te la yich' cuxesel tel ae, soc te yacuc cac' jba ta woclajel uuc jich te bit'il c'ax swocole, soc te yacuc jnopbey yo'tan te bit'il la yac' sba ta lajele.

Colosenses 1:13

Melel ta swenta yu'el Dios la scoltayotiquix loq'uel ta bay ainotic ta ijc' q'uinale, soc tey la yac'otiquix c'axel ta banti ay ta ajwalinel te Snich'an te bayal c'ux ta yo'tane.

1 Tesalonicenses 1:10

Soc yacalic ta yalel te bit'il yacalex ta smaliyel te ya xloc' tel ta ch'ulchan te Snich'ane. Ja' te Jesús te cha'cux tel ta bay te animaetique, soc te ya scoltayotic loq'uel ta tulan castigo te ya xtale.

1 Timoteo 6:2

Teme ay yajwalic te xch'uunej Diose, ya me sc'an ya yich' ta muc' yu'un te bit'il yermano sba soc ta stojol te Diose. Ja' ya sc'an te jun yo'tan ya yac' sba ta abatinel, te melel pajal xch'uunej Dios soc te mach'a ay ta abatinel yu'une, soc te c'ux ya yaiy ta yo'tane. Jich me xawac'bey snopic, soc jich me xatac'uyic.

Hebreos 2:12

Jich te bit'il la yale: “Ya me cac'at ta ich'el ta muc' ta stojol te quermanotaque. Ya me jc'ajintayat ta bay yolil te mach'atic stsoboj sbaique”, xi' te Snich'an Diose.

Hebreos 3:1

Jich yu'un, quermanotac te ch'ultesbilexe soc te pajal ic'bilex yu'un te Diose, swenta yu'un ya yu'uninex, ja' me ac'a bajt'uc ta awo'tanic sna'el te Cristo Jesús te ja' mero Jpuc-c'op soc te ja' Muc' Sacerdote cu'untic te jch'uunejtique.

Hebreos 3:14

Melel teme ayotiquix ta swenta te Cristoe, jich bit'il jun awo'tanic te jajch' ach'uunic ta xjajch'ibale, jich nix ya sc'an, ja' to c'alal ta slajibal te c'aale.

1 Pedro 5:1

Ta ora to ya jtac'uy te ancianoetic awu'unique, yu'un pajal ancianoon soc. Soc jo'on la quil ta jsit te bit'il c'ax swocol te Cristoe, soc pajal me ya quil utsilal soc te ancianoetic te c'alal ya xchicnaj tel ta patil te Cristoe.

2 Pedro 1:16

La cac'beyex anopic te bit'il ay yu'el te ya xcha'tal xan te Cajwaltic Jesucristoe. Ma ja'uc la calbeyex awaiyic jowil lo'laywanej c'op te ay lajel ta swentae, melel la quiltic ta jsitic soc smuc'ul yutsilal te Cajwaltique.

1 Juan 1:1

Ya calbeyex sc'oplal te mach'a stalel ay ta xjajch'ibale. La caiybeytic stojol te sc'ope soc la quiltic ta jsitique, melel la jna'beytic sba te bi yilele soc la jpictic ta jc'abtic te C'opil te ay cuxinel ta swentae.

1 Juan 1:5

Ja' in sc'op Dios to, ja' la yac'botic jnoptic te Jesucristoe. Ja' te ya calbeyex awaiyic: Te Diose, ja' saquil q'uinal, ma'yuc ijc' q'uinal ta swenta stuquel.

1 Juan 1:7

Yan teme ayotic ta bay te saquil q'uinale, jich bit'il ja' saquil q'uinal stuquel te Diose, jich jun nax ayotic ta jpisiltic abi, soc jich ya spocbotic spisil jmultic ta xch'ich'el te Jesucristoe, ja' te Snich'an te Diose.