1 Juan 1:10 - Bible in Tzeltal de Oxchuc y Tenejapa

¹⁰ Yan teme ya caltic te ma'yuc jmultic jpasojtique, ja' jpas-lot ta jc'optic te Diose, soc ma ba c'oem ta co'tantic ta melel te sc'ope.

Nuevo Testamento Tzeltal de Amatenango

¹⁰ Teme ya kaltik te maꞌyuk jtaoj jmultike, jaꞌ ya jlebetik lot te Diose y ma jchꞌuunejtikuk te batsꞌi jich te skꞌope.

Bible in Tzeltal Bachajón

¹⁰ Teme ya caltic te mayuc jmultic, ha yac ta lot te Dios ta jc'optic, soc ma ba ay ta co'tantic te sc'ope.

1 Juan 1:10 ပူးပေါင်းရင်းမြစ်များ

Job 15:14

Ma'yuc winic te mero leque, ma'yuc mach'a libre ay yu'un smul.

Job 24:25

Teme ma jichuc te bit'il ya cale, ¿mach'a ya xju' ya yalbon ta jamal te jowejemon ta c'ope? —xi' te Zofar.

Salmos 130:3

Cajwal, te ayuc ta wenta awu'un te bitic amen jpasojtic, ma'yuc mach'a ya xju' yu'un te jichuque.

Jeremías 2:35

Ja'uc me to, manchuc me jich ay, jich ya awal: “Jo'on ma'yuc jmul. Ma ba ilinemix Dios ta jtojol”, xaat. Lec ay, te bit'il ya awal te ma ba apasoj mulile, ya me quic'at ta chajbanel.

San Juan 3:33

Yan teme ay mach'a ya xch'uune, ya yac' ta na'el te bit'il melel te bila ya yal te Diose.

Colosenses 3:16

Ja'uc me nojel ta awo'tanic spisil ora te sc'op te Cristoe. Ayuc me sp'ijil awo'tanic te ya ap'ijubtes abaic soc te ya atac'uy abaique. C'ajintayaic soc awo'tanic ta yalel wocol Dios ta salmoetic, c'ayojetic yu'un te Diose, soc c'ayojetic ta swenta Espíritu.

1 Juan 1:8

Teme ya caltic te ma'yuc jmultique, jtuqueltic nax yacotic lo'laybel jbajtic abi, yu'un ma'yucotic tey ta bay te bila melele.

1 Juan 2:14

Ja'ex te me'il-tatilexe, jich la jts'ibubeyex in to, yu'un na'bilix sba awu'unic te Mach'a stalel ay ta xjajch'ibale. Ja'ex te jch'iel ants-winiquexe, jich la jts'ibubeyex in to, yu'un ay yip awo'tanic soc jc'axel ay ta awo'tanic te sc'op Diose. Jich tsalbilix awu'unic te pucuje.

1 Juan 2:4

Yan teme ay mach'a ya yal: “Te jo'one jna'ojbey sba te Diose”, teme xie, ja'uc me to, teme ma ba ya xch'uunbey te smandale, yac ta spasel lot abi. Yu'un ma'yuc tey a ta bay te bila melele.

1 Juan 4:4

Cal-jnich'nab te ja' yu'unex te Diose, atsalojiquix te lotil j'alwanejetique, yu'un ja' cajal yip te mach'a jun ayex soque. Yan te mach'atic ayic ta swenta te balumilale, alan yip stuquel.

1 Juan 5:10

Te mach'a ya xch'uun te Snich'an Diose, ay ta yo'tan te testigo-c'op yaloj te Diose. Yan te mach'a ma xch'uun te testigo-c'op yalojix te Diose, ja' la spas lot ta sc'op te Diose, melel ma ba xch'uunej te testigo-c'op yu'un Dios ta swenta te Snich'ane.

2 Juan 1:2

C'uxex ta co'tan ta scaj te smelelil c'op te jc'axel ayix ta co'tantic spisil orae.