Sofonías 3:2 - Bible in Tzeltal Bachajón

² Ma ba la ya'iy c'op soc ma ba la yich' tojobtesel; ma ba la smuc'ulin yo'tan te Jehová, ma ba nohpoj ta stojol te Dios yu'une.

Bible in Tzeltal de Oxchuc y Tenejapa

² Ma la ach'uunbey sc'op te Cajwaltique; ma la awich' ta muc' te tojtesel yu'une. Ma la smuc'ulin awo'tan; ma ba baat ta stojol te Dios awu'une.

Sofonías 3:2 ပူးပေါင်းရင်းမြစ်များ

Nehemías 9:26

Pero la sc'axuntayic te mandariletic awu'un soc la stoy sbahic ta atojol, la swalac'patiyic te Ley awu'un, la smilticlanic te jalwanejetic awu'un te tsitsotic yu'unic te yacuc suhtic xan ta atojol; soc bayel la sbohlc'optayat.

Salmos 10:4

Te mach'a chopol yo'tan, ta scaj stoybahil ma ba ya sle te Diose; mayuc Dios ta spisil spensar.

Salmos 50:17

Yac ap'aj te tojobtesel cu'un soc yac awac' ta apat te jc'ope.

Salmos 73:28

Pero te ho'one, lec te nopol ayon ta stojol Dios. La jcac' te ha smuc'ul co'tan te Cajwaltic Jehová, ya calbe sc'oblal spisil bintic apasoj.

Salmos 78:22

como ma ba la sch'uhunic te Diose, soc ma ba la smuc'ulin yo'tanic te coltayel yu'une.

Proverbios 1:7

Te shahchibal te p'ijil-o'tanil ha te xi'el te Jehová; te mach'atic ma sna'ic q'uinal ya yihlayic te p'ijil-o'tanil soc te nohptesele.

Proverbios 5:12

te hich yac awal: ¡Mero la jp'aj te tojobtesele! ¡Mayuc sc'oblal c'oht ta co'tan te tsitsele!

Isaías 1:5

¿Bin yu'un te yac ac'an yac awich'ic xan castigo? ¿Ya to bal atoy abahic? Ay ta chamel swohlol ajol, ay ta wocol spisil awo'tan.

Isaías 29:13

Hich la yal te Jehová: Te pueblo ini ya xnohpojic tal ta jtojol soc sc'opic soc ya yich'onic ta muc' ta sti'il nax yehic, pero namal ay ta jtojol te yo'tanic soc te ya yich'onic ta muc', ha nax smandar winic te nohptesbilic a.

Isaías 31:1

¡Ay me swocolic te mach'atic ya xcohic bahel ta Egipto ta slehel coltayel, te ha smuc'ulinej yo'tanic te cawuhetic, te ya smuc'ulin yo'tanic te bin ut'il ay bayel carretahetic yu'unic, soc te bin ut'il ay yipic te jmoheletic ta cawu, te ma ba ya yac' sitic ta stojol te Ch'ul Dios yu'un Israel, ma ba ya slehic te Jehová!

Isaías 43:22

Pero ma ba la ac'oponon, Jacob, luhbat ta jtojol, Israel.

Isaías 9:12

ha te siriahetic ta banti ya xloc' tal c'ahc'al soc te filisteohetic ta smahlib c'ahc'al; jamal yehic ya me sbiq'uic cohel te Israel. Ta spisil ini, ma ba lahmaj yilimba te Jehová, shachoj to te sc'ab ta yaq'uel castigo.

Jeremías 13:25

Hich ya xc'oht ta acuenta, ha te bin la jp'is te yac awich', xchi te Jehová, como la ach'ayon ta awo'tan, soc ha la smuc'ulin awo'tan te lot.

Jeremías 2:30

Tojol la jca'be castigo te anich'nabic, ma ba la yich'ic ta cuenta te tojobtesele. Te espada awu'unic la slajinlan te jalwanejetic hich te bin ut'il choj ya xbutsticlanwan.

Jeremías 22:21

La jc'oponat te c'alal ay bayel bintic ay awu'un, pero hich la awal: ¡Ma ba ya ca'iy! xchihat. C'alal ta aqueremil hich ay te atalele, mayuc bin ora la awa'iybon te jc'ope.

Jeremías 32:33

La yac' spatic ta jtojol, ma ha'uc te yelawique. Aunque ta shahchibal to tal la jca'be snopic, ma ba la ya'iyic soc ma ba la sc'anic tojobtesel.

Jeremías 35:13

Hich yaloj te Jehová te scuentahinej spisil, te Dios yu'un Israel: Bahan, halbeya te winiquetic yu'un Judá soc te mach'atic nahinemic ta Jerusalén: ¿Ma bal yacuc anopic te yac ach'uhumbonic te jc'ope? xchi te Jehová.

Jeremías 35:17

Ha yu'un hich yaloj te Jehová, te Dios te scuentahinej spisil, te Dios yu'un Israel: Ilawil, ya cac' ta stojol Judá soc spisil te mach'atic nahinemic ta Jerusalén spisil te bintic chopol calbeyejix ta scontrahinel, como la jc'opon pero ma ba la ya'iybonic jc'op, la jquic'ticlan, pero ma ba la sjac'bonic te jc'ope, xchi.

Jeremías 5:3

Jehová, ¿ma bal yacuc yil asit te bin melele? La amajticlan, pero ma ba c'ux la ya'iyic; la alajinlan, pero ma ba la sc'anic tojobtesel. La stulantes sit yelawic c'ax hich a te bin ut'il ton, ma ba la sc'an la suhtes yo'tanic.

Ezequiel 22:24

Snich'an winic, halbeya te q'uinal: Ma lequil q'uinalucat soc ma ba liliha'taybilat ta ha'al ta sc'ahc'al ilinel.

Ezequiel 24:13

Te abohlil ha te bin chopol yac amulan. La jc'an la jpocat pero ma ba pocbil c'ohat yu'un abohlil; ma ba pocbil ya xc'ohat ha to c'alal ya xc'ax co'tan te quilimba ta atojol.

Sofonías 1:6

te mach'atic ya yihquitayic st'unel te Jehová, te mach'atic ma ba ya slehic te Jehová o te ya sjoc'oyic.

2 Timoteo 3:16

Spisil te bin ts'ihbabil hilel ta Shun hich nix la sc'an Dios te ya yich' ts'ihbayel, soc ya xtuhun scuenta nohptesel, tsitsel, tojobtesel soc yaq'uel ta nopel bin stojil ta pasel,

Hebreos 10:22

Ha yu'un jun co'tantic ac'a nohpojucotic bahel ta stojol Dios soc lec sch'uhunel co'tantic, pocbiluc me loq'uel spisil sbohlil co'tantic soc pocbiluc ta lequil ha' te jbaq'uetaltique.