Sofonías 2:9 - Bible in Tzeltal Bachajón

⁹ Ha yu'un, ya cal ta jamal te bin ut'il cuxulon, xchi te Jehová te scuentahinej spisil, te Dios yu'un Israel, te Moab hich ya xc'oht te bin ut'il Sodoma, soc te amonetic hich ya xc'ohtic te bin ut'il Gomorra; ha q'uinal yu'un ch'ixetic ya xc'oht soc yawil banti ya xloc' ats'am, jimbil ya xhil sbahtel q'uinal. Te mach'atic cuxulic hilel yu'un te pueblo cu'un ya me spojbeyic sbiluquic soc ya me yich'beyic te sq'uinalique.

Sofonías 2:9 ပူးပေါင်းရင်းမြစ်များ

Isaías 11:14

ya x'anumajic bahel ta scontrahinel te filisteohetic ta smahlib c'ahc'al, soc ya spojbeyic sbiluquic te mach'atic ayic ta stojol sloq'uib c'ahc'al. Te Edom soc Moab ya me yac' sbahic ta a'batinel yu'unic, soc ya me xch'uhumbot sc'op yu'un te sts'umbal Amón.

Isaías 25:10

Te sc'ab Jehová ya xhil ta wits ini; yan te Moab ya me yich' ts'o'ts'o' teq'uel ta slumal hich te bin ut'il ya yich' teq'uel te ac ta yawil c'a'pal.

Isaías 49:18

Toya mohel asit, ilawil ta ajoyobal, spisil ya stsob sbahic, ya xtalic ta atojol. Ho'on cuxulon, xchi te Jehová, ya cal ta jamal, ya me alapic spisil ini hich te bin ut'il ch'albil c'u'ul; ha yac ach'al aba a hich te bin ut'il ach'ix te ya xnuhpune.

Jeremías 46:18

Hich te bin ut'il smelelil te cuxulon, xchi te Ajwalil, te ha Jehová te scuentahinej spisil te sbihile, ay mach'a ya xtal te ha pajal soc Tabor ta yohlil te witsiltic, te pajal soc Carmelo ta ti' mar.

Jeremías 48:1

Hich ay sc'oblal te Moab. Hich yaloj te Jehová te scuentahinej spisil, te Dios yu'un Israel: ¡Obol sba te Nebo, la yich'ix jinel! ¡Pehc'anot soc tsalot te Quiriataim; te joyob ts'ahc yu'un la yich' pehc'anel soc jinel!

Jeremías 49:1

Hich ay sc'oblal te amonetique. Hich yaloj te Jehová: ¿Ma bal ayuc snich'nab te Israel? ¿Ma bal ayuc mach'atic ya x'ich'bot hilel yu'un te bintic ay yu'une? ¿Bin yu'un te Milcom la yich' hilel te Gad, soc te nahinemic ta pueblohetic yu'un te ants-winiquetic yu'une?

Jeremías 49:18

Hich te bin ut'il jihn te Sodoma, Gomorra soc te pueblohetic ta sjoyobal, xchi te Jehová, ha nix hich mayuc mach'a ya xnahin tey a, ni jtuhluc ya xnahin tey a.

Jeremías 49:33

Yawil ha'mal ts'i'etic ya xc'oht te Hazor, jochol ya xhil sbahtel q'uinal. Mayuquix mach'a ya xnahin tey a, ni jtuhluc ya xnahin tey a, xchi.

Jeremías 50:40

Hich te bin ut'il jinot yu'un Dios te Sodoma soc Gomorra soc te pueblohetic ta sjoyobalic, xchi te Jehová, hich mayuc mach'a ya xnahinic tey a, ni jtuhluc mach'a ya xnahin tey a.

Amós 1:13

Hich yaloj te Jehová: Ta scuenta oxchahp mulil yu'un Amón, ta scuenta chanchahp, ma ba ya jcom te castigo yu'une; como la sjambe sch'uht ta espada te antsetic yu'un Galaad te swoloj yalic, yu'un ya smuc'ubtes xan te sq'uinale.

Amós 2:1

Hich yaloj te Jehová: Ta scuenta oxchahp mulil yu'un Moab, ta scuenta chanchahp, ma ba ya jcom te castigo yu'une; como la schic'be sbaquel te ajwalil yu'un Edom ha to tanub yu'un.

Sofonías 2:14

Jtsohb tuminchijetic ya slahman sbahic tey a, soc spisil te ha'mal chambahlametique; te pelícano-mut soc te erizo-mut ya xwayic ta sba te oyetic yu'une, ya xchicnaj sc'opic ta ventanahetic, ay jinel ta ti'nahiletic, como jamal ya xhil te sts'amte'el pasbil ta cedro.

Sofonías 2:7

Ha yu'un ya xc'oht te mach'atic hilemic yu'un Judá, tey ya sta swe'elic a. Ya xwayic ta ahc'abal ta nahetic yu'un Ascalón, yu'un ya xna'botic yu'un te Jehová te Dios yu'unic, ha ya yac'ticlan tal te banti chuculique.

Sofonías 3:13

Te mach'atic cuxul hilic yu'un Israel ma ba ya spasic te bin ma stojiluc ta pasel soc ma ba ya ya'iyic lot, ma ba ya xloc' ta yehic lo'loywanej, como ya xwe'ic soc ya scux yo'tanic, mayuc mach'a ya x'a'bot xiwel yu'un.

Zacarías 2:13

¡Ac'a ch'abuc ta stojol Jehová spisil mach'atic ayic ta bahlumilal, como hahchemix ta ch'ul awilal banti nahinem!

Números 14:21

Pero hich te bin ut'il smelelil te cuxulon soc te ya xnoj ta bahlumilal te cutsilale,

Romanos 14:11

Yu'un hich ts'ihbabil: Ho'on cuxulon, xchi te Cajwaltic, spisilic me ya squejan sbahic ta jtojol; soc spisil ehal ya me yalic ta jamal te ho'on Dioson, xchi.

Deuteronomio 29:22

Te jaycaj xan awal-anich'nab te ya xchicnaj ta patil, soc te jyanlum te ya xtal ta namal q'uinal, ya me yilic te bintic wocol c'oht ta q'uinal soc te chameletic te a'bot yu'un te Jehová.

Deuteronomio 29:23

Spisil te q'uinal ha azufre soc ats'am, c'ahq'uem spisil te lum, mayuc bin ya yich' ts'unel soc mayuc bin ya sitin, ni junuc ha'mal ya xch'ihy tey a, hich te bin ut'il c'oht ta pasel c'alal laj te Sodoma, Gomorra, Adma soc Zeboim, te la slajinlan te Jehová ta scuenta sc'ahc'al yo'tan soc yilimba.