Sofonías 2:3 - Bible in Tzeltal Bachajón

³ Lehahic te Jehová apisilic te peq'uelex ta bahlumilal, ha'ex te la apasic te mandariletic yu'une; lehahic te bintic stojil ta pasel, lehahic bin ut'il peq'uel yac awac' abahic, ya wan xcolex ta sc'ahc'alel yilimba te Jehová.

Bible in Tzeltal de Oxchuc y Tenejapa

³ Leaic Cajwaltic ta apisilic te ja'ex te peq'uelex ta balumilal, mach'aex ach'uunejbeyic te smandale. Toj xawac' abaic soc pejc'ana abaic, te ayuc bit'il ya ataic canantayel a te sc'aalelal yilimba te Cajwaltique.

Sofonías 2:3 ပူးပေါင်းရင်းမြစ်များ

2 Samuel 12:22

Hich la sjac': Te c'alal cuxul to a te alale, la jcom jwe'el soc oc'on, yu'un la jcal: Ma jna' teme ya sna'bon yo'bolil jba te Jehová, te ya xcuxaj te alale.

Salmos 105:4

Lehahic te Jehová soc te yu'ele; lehahic spisil ora te sit yelaw.

Salmos 149:4

como te Jehová ya smulan te pueblo yu'une; ya ya'be ya'iyic tsalaw te mach'atic peq'uel yo'tanic, ha sch'ahlelic c'oht yu'un.

Salmos 22:26

Ya me xwe'ic te pobrehetic soc ya me xnoj sch'uhtic; ya me yalbeyic yutsil sc'oblal Jehová te mach'atic ya slehic; cuxul ya xhil awo'tanic sbahtel q'uinal.

Salmos 31:20

Ta banti muquen ay ta atojol tey yac anac'ticlan a ta stojol te bin chopol schahpanej te winiquetique; yac anac'ticlan ta Anahilpac' ta stojol te chopol c'opetique.

Salmos 45:4

Ta scuenta smuc'ul awutsilal behenan bahel ta tsalaw ta scanantayel te bin smelelil soc te bin stojil ay ta pasele. Te awa'el-c'ab ac'a pasuc bintic xiweltic sba ta ilel.

Salmos 57:1

C'uxultayawon, Dios cu'un, c'uxultayawon, como snac'oj sba ta atojol te jch'uhlele; ya jnac' jba ta yaxinal axic' ha to c'alal c'axix bahel a te wocole.

Salmos 76:9

te c'alal hahchat ta chahpanwanej, Dios cu'un, ta scoltayel spisil mach'atic ay swocolic ta bahlumilal. Selah

Salmos 91:1

Te mach'a ya xnahin ta banti canantaybil yu'un te Mach'a toyol ay, ya me xnahin ta yaxinal te Mach'a spisil ya xhu' yu'une.

Éxodo 12:27

ya me ajaq'uic: Ha te milbil mahtanil yu'un te Pascua yu'un Jehová te sohl bahel ta sba te nahetic yu'un te snich'nab Israel ta Egipto te c'alal la yehchentes te egipciohetic, pero hil yu'un te jnatique, xchi. Hich te pueblo la snijan sbahic soc la yich'ic ta muc' te Diose.

Proverbios 18:10

Ha toyol ts'ahc te sbihil te Jehová; tey ya x'ahnimaj bahel a te mach'a toj yo'tan soc hich ya xcol.

Isaías 1:17

nopahic spasel te bin lec, lehahic te bin stojil ta pasel, coltayahic te mach'a ay ta tulan uts'inel, toj me xachahpanic te me'ba' alaletic, c'opojanic yu'un te me'ba' antsetique.

Isaías 11:4

ha toj ya schahpan te pobrehetic, stojil ya schahpan te mach'atic peq'uel ayic ta bahlumilal. Ya me yehchentes te q'uinal ta xul te ay ta ye; te ic' te ya shu'xiy loq'uel ta ye ya yac' lajuc a te mach'a chopol yo'tan.

Isaías 61:1

Ay ta jtojol te espíritu yu'un te Cajwaltic Jehová, yu'un ha la stsahon te Jehová. La sticonon bahel ta yalbeyel lec yach'il c'op te pobrehetic; ta spoxtayel te mach'atic pich'il yo'tanic, ta yalbeyel te ya xcolic ta libre te mach'atic ayic ta chuquel, soc ta yalbeyel te mach'atic chuquelic te jamalix te cárcel;

Jeremías 39:18

Ya cac'at ta libre, ma ba ya xlajat ta espada, ha pojbil ta guerra ya xc'oht acuxlejal, como la smuc'ulinon awo'tan, xchi te Jehová.

Jeremías 45:5

¿yu'un bal ha'at yac ale te muc' ac'oblal ya xc'ohat? ¡Ma me xale! como ya me cac' taluc bin chopol ta stojol spisil mach'atic cuxajtic, xchi te Jehová; pero te ha'ate ya cac' te cuxul ya xhilat bayuc ya xbahat, xchi.

Ezequiel 13:5

Ma ba mohemex bahel ta banti jamal te ts'ahc, ma ba acha'pasojic xan ts'ahc ta sjoyobal te sna Israel scuenta yu'un ya xcuhch yu'un guerra ta sc'ahc'alel yu'un Jehová.

Oseas 10:12

Ts'unahic te bin toj ta pasel, tsobahic te c'uxul-o'tanil; chahpanahic lum te ma to tucbiluc, como yorahilix slehel te Jehová, ha to c'alal ya xtal soc ya yac' tal ta atojolic te bin toj ta pasel hich te bin ut'il ha'al.

Oseas 7:10

Te stoybahil Israel ha nix ya xhalot yu'un; pero ma ba ya suhtic tal, ma ba ya slehic te Jehová te Dios yu'unique.

Jonás 3:9

Ya wan suht sc'op te Diose, ya wan sch'ay te sc'ahc'al yilimba, hich ma ba ya xlajotic, xchi.

Zacarías 8:19

Hich yaloj te Jehová te scuentahinej spisil: Te scomel we'elil ta schanebal u, ta yo'ebal, shuquebal soc ta slajunebal u, ya xc'atp'uj ta tse'el-o'tanil soc yutsil-o'tanil, soc ta muc'ul q'uinetic yu'un te sna Judá. Ha yu'un c'uxuc ta awo'tanic te bin smelelil soc te lamal q'uinale.

San Mateo 5:5

Bayel me yutsilic te mach'atic manso yo'tanic, como ya x'a'bot yu'untayic te bahlumilale.

1 Tesalonicenses 4:1

Ha yu'un, quermanotac, ya calbeyexcotic wocol soc ya jtsitsexcotic ta scuenta te Cajwaltic Jesús, te hich te bin ut'il la anopic ta jcuentacotic bin ut'il ya sc'an ya xcuxajex te lec yo'tan yu'un te Diose, c'axemuc hich xapasulanic a.

1 Tesalonicenses 4:10

soc ha nix hich yac apasbelic ta stojol spisil te quermanotactic ayic ta spahmal sq'uinal Macedonia. Pero hawocolicuc, quermanotac, c'axemuc hich yac apasulanic a.

1 Pedro 1:22

Te bin ut'il la alecubtesbeyex ach'uhlelic ta scuenta te la ach'uhunic te smelelil c'op, ta scuenta te Espíritu, te hich c'ux yac awa'iy abahic ta awo'tanic ta melel, talel c'axel c'ux me xawa'iy abahic ta spisil awo'tanic,

1 Pedro 3:4

ha'uc me ach'ahlelic te bin ay ta awo'tanic, te sch'ahlel te ma xlaj sc'oblal, ha te yutsil awo'tanic soc lamal awo'tanic, te ha lec yo'tan yu'un te Diose.

2 Pedro 3:18

Behbehuc me muc'ubel te yutsil-o'tanil soc ta sna'beyel xan sba te Cajwaltic Jesucristo, te Jcoltaywanej cu'untique. Ac'a yich' halbeyel yutsil sc'oblal ta ora ini soc ta sbahtel q'uinal. Hichuc.