Rut 4:6 - Bible in Tzeltal Bachajón

⁶ Hich la sjac' te mach'a ma yanuc parte yu'un: Ma xhu' ya jman, teme repente ya ya'bon jwocol soc te bintic ay cu'un. Mana ha'at, ich'a te bin ay ta jcuenta, como ma xhu' ya jman, xchi.

Bible in Tzeltal de Oxchuc y Tenejapa

⁶ C'alal la yaiy stojol te yermanoe, la sjac': —Teme jich ya sc'an, ma xju' cu'un smanel jiche, teme ayuc bit'il ya yac'bon jwocol ta patil soc te jbiluque. Jich yu'un teme ya ac'an aman te ja'ate, pasa me, ya jc'asesbat ta awenta —xi'.

Rut 4:6 ပူးပေါင်းရင်းမြစ်များ

Génesis 38:8

Ha yu'un te Judá la yalbe te Onán: Taha aba soc te yihnam chawinic abanquil, pasa te bin ya sc'an pasel te ha'at amu', ayuc me sts'umbal ya xc'oht te abanquile, xchi.

Levítico 25:25

Teme ay ya xhil ta pobrehil jtuhl alumal, teme ay ya schon j'ohlil te sq'uinale, ya me xtal te smohlol sts'ahquil, ya sman suhtel te bin la schon te yermanohe.

Deuteronomio 25:7

Yan teme ma sc'an te winic te ya yic' te smu'e, hich te smu' ya me xbaht ta yochibal te pueblo, ta stojol te mamaletic, hich ya xc'oht yalbe: Te jmu' ma sc'an ya ya'be hilel sbihil te yermano ta Israel; ma sc'an ya yic'on te bin ut'il ha jmu', xchi ya xc'oht.

Deuteronomio 25:8

Ha yu'un te mamaletic yu'un te pueblo ya me sticonic ta iq'uel tal te winic, ya xc'opojic soc. Teme hich ya yal te winic: Ma jc'an ya quic' te ants, teme xchihe,

Deuteronomio 25:9

hich te smu' ya me xnohpoj tal ta sts'ehl ta stojol te mamaletic, ya sloq'uesbe step ta yoc te winic, ya stuhbataybe yelaw soc hich ya yalbe: Hich ya yich' pasbeyel te winic te ma sc'an ya ya'be sts'umbal te yermano, ya me yut.

Rut 2:20

Te Noemí la yalbe te yalibe: ¡Ac'a a'botuc bendición yu'un Jehová! Ma ba quehchaj yu'un sc'uxultayel te mach'atic cuxulic soc te mach'atic chamenic. Te winic ini, ma yanuc parte cu'untic, ha nix te mach'a ay ta scuenta te ya scoltayotic, xchi.

Rut 3:13

C'axuc ahc'abal awu'un li'i. C'alal ya sacub q'uinal, teme ha ya scoltayat, lec ay, ac'a scoltayat; pero teme ma sc'ane, ho'on ya cal ta stojol Jehová te ya jcoltayat. Cuxa awo'tan hiche ha to c'alal ya sacub q'uinal, xchi.

Rut 3:9

¿Mach'ayat a? xchi. Ho'on te Rut, te a'bat awu'une. Muca ta sti'il amuc'ul c'u' te a'bat awu'un, como ma yanucat parte a, xchi.