Rut 4:11 - Bible in Tzeltal Bachajón

¹¹ Spisil te mach'atic ayic ta yochibal te pueblo soc te mamaletic hich la sjaq'uic: Ho'otcotic testigohotcotic yu'un. Te ants te ya x'och ta ana, hichuc ac'a c'ohtuc yu'un Jehová te bin ut'il Raquel soc Lea te la shachbeyic sna te Israel. Soc te ha'ate muc'uc me ac'oblal ta Efrata, soc na'biluc aba ta Belén.

Bible in Tzeltal de Oxchuc y Tenejapa

¹¹ Te mamaletic soc spisil te mach'atic tey ayic a, la sjaq'uic: —Melel nix a, jo'otic testigootic awu'un. Te ants te ya x'och ta ana, jichuc me c'otuc yu'un Cajwaltic te bit'il Raquel soc Lea, te ja'ic jts'umbalinejtic jpisiltic jo'otic te israelotique. Ayuc me awip ta Efrata, muc'uc me ac'oplal ta Belén.

Rut 4:11 ပူးပေါင်းရင်းမြစ်များ

Génesis 23:10

Te Efrón te heteo-winic tey ay a ta yohlil te snich'nab Het, ha la sjac'be sc'op te Abraham ta stojol te snich'nab Het soc spisil te mach'atic yacalic ta ochel bahel ta yochibal te pueblo, hich la yal:

Génesis 24:60

La ya'beyic bendición te Rebeca, hich la yalic: Ha'at quihts'inatcotic, ha'uc me nanil ya xc'ohat yu'un tsobol ta mil, soc te ats'umbal ya yu'untaybeyic spuertahul te scontratac, xchihic.

Génesis 29:16

Te Labán ay cheb yantsil-nich'nab: Lea sbihil te wixil, Raquel sbihil te ihts'inale.

Génesis 29:25

Sacub q'uinal, te Jacob la yil te ha Lea, hich la yalbe te Labán: ¿Bin a te la apasbon? ¿Ma bal ha'uc la jcac' jba ta a'batinel awu'un ta scuenta Raquel? ¿Bin yu'un la alo'loyon? xchi.

Génesis 29:32

Hahch yal te Lea, ayin squerem-al, Rubén sbihil, yu'un la yal: Te Jehová la yil te jwocole. Yo'tic, c'ux ya me ya'iyon ta yo'tan te jmamalal, xchi.

Génesis 35:23

Te yalatac te Lea: ha Rubén te sba snich'an te Jacob, soc Simeón, Leví, Judá, Isacar soc Zabulón.

Génesis 35:24

Te yalatac te Raquel: ha José soc Benjamín.

1 Reyes 21:8

Ha yu'un te Jezabel la spas cartahetic ta scuenta sbihil Acab, la ya'be te sello yu'un, la sticombe te mamaletic soc te príncipaletic te nahinemic ta pueblo yu'un Nabot.

1 Crónicas 2:51

te Salma, te stat Belén; soc te Haref, te stat Bet-gader.

Salmos 132:6

Ta Efrata la jca'iytic, la jtahtic ta ha'maltic ta Jaar.

Proverbios 14:1

Te p'ijil ants ya spas sna, yan te ants ma sna' q'uinal, ha nix ya sjihn ta sc'ab.

Proverbios 31:23

Te smamalal na'bil sba ta yochibal te pueblo, c'alal ya shuhcan sba soc te mamaletic yu'un te q'uinale.

Jeremías 32:10

La jpasbe shunal, la jca'be sello, la jquic' tal testigohetic soc la jlicbe yalal te taq'uin ta balanza.

Miqueas 5:2

Pero ha'at, Belén Efrata, aunque tut ayat ta yohlil te mach'atic yu'un Judá, ya xloc' tal ta atojol te mach'a ajwalil ya xc'oht yu'un Israel; nameyix te shahchibal, c'ax bayel ha'bil.

San Mateo 2:6

Ha'at, Belén, te ayat ta sq'uinal Judá, ma ba tut pueblohat yu'un te principaletic yu'un Judá; como tey ya xloc' tal ta atojol jtuhl jtsobaw te ya scuentahin te pueblo Israel cu'un, xchi.

Deuteronomio 25:7

Yan teme ma sc'an te winic te ya yic' te smu'e, hich te smu' ya me xbaht ta yochibal te pueblo, ta stojol te mamaletic, hich ya xc'oht yalbe: Te jmu' ma sc'an ya ya'be hilel sbihil te yermano ta Israel; ma sc'an ya yic'on te bin ut'il ha jmu', xchi ya xc'oht.

Deuteronomio 25:9

hich te smu' ya me xnohpoj tal ta sts'ehl ta stojol te mamaletic, ya sloq'uesbe step ta yoc te winic, ya stuhbataybe yelaw soc hich ya yalbe: Hich ya yich' pasbeyel te winic te ma sc'an ya ya'be sts'umbal te yermano, ya me yut.

Rut 1:2

Elimelec sbihil te winique, Noemí sbihil te yihnam; Mahlón soc Quelión sbihilic te snich'nab; ha efrateohetic talemic ta Belén ta sq'uinal Judá. C'ohtic ta sq'uinal Moab, tey nahinic a.