Rut 4:1 - Bible in Tzeltal Bachajón

¹ Patil, te Booz baht ta yochibal te pueblo, la shuhcan sba tey a. Ha yorahil te c'ax tey a te winic te ma yanuc parte yu'un te Rut, te halbot sc'oblal yu'un Booz. Hich la yalbe: A'iya awa'iy, la', huhcana aba, xchi. Hich tal shuhcan sba te winique.

Bible in Tzeltal de Oxchuc y Tenejapa

¹ Te Booz ba snajc'an sba ta yochibal lum, yu'un tey ya stsob sbaic a te winiquetique. Jich yorail c'ax tel te sts'umbal te anima smamlal Noemí, te la yalbey sc'oplal Booz. Albot yu'un te Booz: —Aiya awaiy stojol, li' xtalat to, la', naclan —la yut. Jich tal snajc'an sba.

Rut 4:1 ပူးပေါင်းရင်းမြစ်များ

Génesis 19:1

Yaquix ta ihc'ubel q'uinal a c'ohtic ta Sodoma te cheb ch'ul a'batetique. Te Lot hucul ta yochibal te Sodoma. C'alal la yilbe sitic, hahch spatbe yo'tanic, la spahcan sba ta lum,

Génesis 23:10

Te Efrón te heteo-winic tey ay a ta yohlil te snich'nab Het, ha la sjac'be sc'op te Abraham ta stojol te snich'nab Het soc spisil te mach'atic yacalic ta ochel bahel ta yochibal te pueblo, hich la yal:

Génesis 34:20

Ha yu'un te Hamor soc te Siquem talic ta yochibal te pueblo, la sc'oponic te slumalic, hich la yalbeyic:

2 Samuel 15:2

Te Absalón ya xhahch ta sab, ya yac' sba ta ti'be ta yochibal te pueblo. Mach'ahuc a te ay c'op yu'unic te ya xtal yac' sbahic ta chahpanel yu'un te ajwalil, ya yic'ticlan soc ya sjoc'obe: ¿Banti talemat? xchi. Hich ya sjaq'uic: Te a'bat awu'un talem ta jchahp yu'un Israel, xchi.

2 Crónicas 18:9

Te ajwalil yu'un Israel soc te Josafat ajwalil yu'un Judá huhcajtic ta huctajibaletic yu'unic, soc slapojic c'u'ul scuenta ajwalil, ayic ta plaza ta nopol te yochibal te Samaria, spisil te jalwanejetic yacalic ta c'op ta stojolic.

Job 29:7

Te c'alal bohon ta yochibal te pueblo, soc la jchahpan te huctajibal cu'un ta plaza.

Job 31:21

teme la jach jc'ab ta scontrahinel te me'ba', te ayon ta cuenta yu'un ta chahpajibal,

Salmos 69:12

Te mach'atic huculic ta yochibal te pueblo ya scontrac'optayonic, soc ya slabonic ta c'ayoj te jyacubeletique.

Proverbios 31:23

Te smamalal na'bil sba ta yochibal te pueblo, c'alal ya shuhcan sba soc te mamaletic yu'un te q'uinale.

Isaías 55:1

¡Ha'ex te taquin awo'tanic, la'ic, la'ic ta banti ay te ha'e; ha'ex te mayuc ataq'uinic, la'ic, manahic soc we'anic! ¡La'ic, ma ta taq'uinuc yac amanic, mayuc stojol te vino soc te leche!

Jeremías 32:10

La jpasbe shunal, la jca'be sello, la jquic' tal testigohetic soc la jlicbe yalal te taq'uin ta balanza.

Amós 5:15

Ihlayahic te bin chopol, c'ux me xawa'iy ta awo'tanic te bin lec, soc a'beya yich' yip te stojil chahpanel ta chapojibal; te Jehová te Dios te scuentahinej spisil ya wan sc'uxultay te jayeb ya xhilic yu'un José.

Zacarías 2:6

¡Bahanic! loc'anic ta ahnel ta q'uinal te ay ta stojol norte, xchi te Jehová, como ho'on la jpuquex bahel ta schanebal ic' ta ch'ulchan, xchi te Jehová.

Deuteronomio 16:18

Ta spisil te pueblohetic ya ya'bat te Jehová te Dios awu'un a'beya yich' ya'tel juecetic soc jcuentahinwanejetic scuenta chahpalchahp ats'umbal, te stojil ya schahpanic te pueblo.

Deuteronomio 17:5

ya me aloq'ues bahel ta yochibal te pueblo awu'un te winic o ants te la spas te bin chopol ini, ya me ach'oj ta ton ha to ya xlaj.

Deuteronomio 21:19

hich te sme'stat ya me yiq'uic bahel ta stojol te mamaletic te ayic ta yochibal te pueblo banti nahinem,

Deuteronomio 25:7

Yan teme ma sc'an te winic te ya yic' te smu'e, hich te smu' ya me xbaht ta yochibal te pueblo, ta stojol te mamaletic, hich ya xc'oht yalbe: Te jmu' ma sc'an ya ya'be hilel sbihil te yermano ta Israel; ma sc'an ya yic'on te bin ut'il ha jmu', xchi ya xc'oht.

Josué 20:4

Te mach'a ya xbaht ta ahnel ta bayuc ahnibal pueblo, ya stehc'an sba ta yochibal te pueblo, ya yalbe ya'iyic te mamaletic yu'un te pueblo bin yu'un te taleme; ha ya yiq'uic ochel ta pueblo soc ya ya'beyic banti ya xhu' ya xnahin tey a.

Rut 3:12

Aunque ma yanucon parte awu'un, ay yan te mach'a nopol xan awu'un.

Rut 3:18

Ha yu'un la yal te Noemí: Mahliya, cantsil-al, ha to c'alal yac awa'iy bin ut'il ya xc'oht te c'ope; como te winic ini ma ba ya scux yo'tan ha to teme chahpaj yu'un yo'tic te c'ope, xchi.