Rut 3:7 - Bible in Tzeltal Bachajón

⁷ C'alal we' uch' te Booz soc ay yutsil q'uinal la ya'iy, baht ta wayel ta sti'il banti busajtic te cebada. Patil muquen tal te Rut, la sjolbe smuhquil yoc, la smehtsan sba tey a.

Bible in Tzeltal de Oxchuc y Tenejapa

⁷ Te Booz we'-uch'aj, la yac' ta ilel te bin nax yo'tane. Patil bajt' ta wayel, tey bajt' ta bay busajtic te sbac' cebada. C'alal wayajtiquix ta lec a, c'unc'un nax och bael te Rut, la sjolbey te yacane, la smejts'an sba tey a.

Rut 3:7 ပူးပေါင်းရင်းမြစ်များ

Génesis 43:34

Te José la spucticlambe te we'elil ay ta smesa; pero te bin a'bot te Benjamín ha ho'eb buelta c'axem a te bin ut'il a'bot te yantique. Hich we' uch'ic, tse'el yo'tanic soc.

2 Samuel 13:28

Te Absalón hich la yalbe te a'batetic yu'un: Ya me awilic ta lec te Amnón te c'alal yacubenix yu'un vino a. Te c'alal hich ya cal: Milahic te Amnón, teme xchihone, ya me amilic. Ma me xiwex, como ho'on jmandar. Ac'a fuersa, ayuc me yip awo'tanic ta spasel, xchi.

1 Reyes 21:7

Te Jezabel te yihnam la yalbe: ¿Ma bal ha'ucat ajwalilat yu'un Israel? Hahchan, we'an, tse'eluc me awo'tan. Ho'on ya ca'bat te sts'usubil Nabot ta Jezreel, xchi.

Ester 1:10

Ta shuquebal c'ahc'al, te c'alal tse'el yo'tan a te ajwalil ta scaj te vino, la sticon bahel te Mehumán, Bizta, Harbona, Bigta, Abagta, Zetar soc te Carcas, huqueb eunuco-winiquetic te ayic ta a'batinel yu'un te ajwalil Asuero,

Salmos 104:15

soc te vino te ya yac' stse'ejin yo'tan, te aceite te ya yac' te xch'ulet yelaw yu'un, soc te pan te ya xcuxaj ants-winiquetic yu'un.

Eclesiastés 10:19

Ya yich' pasel bayel we'elil scuenta tse'el-o'tanil, te vino ya yac' yutsil q'uinal, soc spisil bin ya xtuhun a te taq'uine.

Eclesiastés 2:24

Mayuc bin yan xan lec ya spas te winic, ha nax te ya xwe' ya x'uch' soc te ya ya'iybe yutsil te ya'tele. Quiloj te ha nix talem ta stojol Dios ini.

Eclesiastés 8:15

Ha yu'un ya cal te ha lec te yutsil-o'tanil, como mayuc bin lec xan ya spas te winic ta ye'tal ch'ulchan, ha te ya xwe' ya x'uch' soc te ay yutsil q'uinal ya ya'iy. Ha ya xjoquinot yu'un te jayeb c'ahc'al te scuxlejal ta ye'tal ch'ulchan te ya x'a'bot yu'un te Diose.

Eclesiastés 9:7

Bahan, tse'eluc me awo'tan ya xwe'at, soc tse'eluc me awo'tan yac awuch' te vino awu'une, como lequix yo'tan Dios yu'un te awa'tele.

1 Corintios 10:31

Ha yu'un teme ya xwe'ex o ya x'uch'ex o biluc yac apasic, pasahic spisil ta scuenta yich'el ta muc' te Diose.

Efesios 5:18

Ma me xyacubex yu'un vino, te ha ya xbohlobteswan; ha'uc me nojel ta awo'tanic te Ch'ul Espíritu.

Jueces 16:25

Te c'alal tse'el yo'tanic a, hich la yalic: Ic'ahic tal te Sansón scuenta yu'un ya yac' jtse'ejtic, xchihic. Hich la yiq'uic loq'uel tal ta cárcel te Sansón, la stse'layic. La stehc'anic ta yohlil te muc'ul oyetic.

Jueces 19:22

Pero c'alal tse'el yo'tanic a, te winiquetic yu'un te pueblo te mero chopol yo'tanic la sjoytayic te na, tulan la stijic te ti'nahil soc hich la yalbeyic te mamal, te yajwal na: Loq'uesa tal te winic te ochem ta ana, scuenta yu'un ya joquin jbahcotic ta wayel soc, xchihic.

Jueces 19:6

Ta schebalic pajal la shuhcan sbahic ta we'el uch'el. Te stat te ach'ix la sc'ambe te winic: Awocoluc, c'axuc xan ahc'abal awu'un li'i, ayuc yutsil awo'tan, xchi.

Jueces 19:9

Patil te winic la stehc'an sba yu'un ya xbaht soc te ants yu'un soc te ya'bate. Ha yu'un te snihal-mamal, te stat te ach'ix, hich la yalbe: Tibilix, ya x'ihc'ubix q'uinal, awocoluc, c'axuc ahc'abal awu'un li'i. Te bin ut'il mahlix c'ahc'al, wayan li'i scuenta yu'un ayuc yutsil awo'tan a. Sab pajel ya xhahchex, hich ya xbahex ta ana, xchi.

Rut 3:6

Hich co bahel ta swuyojibal trigo, la spas spisil te bin halbot yu'un te yalibme'ele.

Rut 3:8

Ta ohlil ahc'abal la xach' sba te winique, la sut sba, la yil jtuhl ants metsel ta yoc.