Rut 3:10 - Bible in Tzeltal Bachajón

¹⁰ Hich la yal te Booz: Ac'a ya'bat bendición te Jehová, cantsil-nich'an. Te bin la apas ta ora ini c'ax hich yutsil a te bin ut'il la apas ta nahil to, te ma ha'uc baht ale jtuhl querem, chican teme pobre o jc'ulej.

Bible in Tzeltal de Oxchuc y Tenejapa

¹⁰ La yal te Booz: —Ya me yac'bat bendición te Cajwaltique. Ta ora to la awac' ta ilel te jun awo'tan tel ta stojol te anima amamlale, melel ma ja'uc la ale te querem te jc'uleje soc ni ja'uc te me'bae.

Rut 3:10 ပူးပေါင်းရင်းမြစ်များ

Génesis 24:31

Hich c'oht yalbe: Conic, ha'at te awich'oj bendición yu'un te Jehová. ¿Bin yu'un te teq'uelat li'i? La jchahpanix te jna soc banti ya x'ayin te camellohetic awu'un, xchi.

Rut 1:8

Te Noemí hich la yalbe ta schebal te yalib: Bahan, suhtanic bahel ta sna te ananique. Ac'a me sc'uxultayex te Jehová, hich te bin ut'il la ac'uxultayic te chawinic amamalalic soc te ho'one.

Rut 2:11

La sjac' te Booz: Yu'un ca'iyej spisil te bin la apasbe te awalibme'el te c'alal chamenix a te amamalal, soc te la awihquitay hilel te ame'atat soc alumal, te talat ta nahinel soc jun pueblo te ma ba la ana'be sbahe.

Rut 2:20

Te Noemí la yalbe te yalibe: ¡Ac'a a'botuc bendición yu'un Jehová! Ma ba quehchaj yu'un sc'uxultayel te mach'atic cuxulic soc te mach'atic chamenic. Te winic ini, ma yanuc parte cu'untic, ha nix te mach'a ay ta scuenta te ya scoltayotic, xchi.

Rut 2:4

Ha yorahil a te loc' tal ta Belén te Booz, hich la yalbe te j'a'teletic yu'une: Ac'a sjoquinex te Jehová, xchi. Ac'a ya'bat bendición te Jehová, xchihic.

Rut 3:9

¿Mach'ayat a? xchi. Ho'on te Rut, te a'bat awu'une. Muca ta sti'il amuc'ul c'u' te a'bat awu'un, como ma yanucat parte a, xchi.

1 Samuel 15:13

Hich baht te Samuel te banti ay Saúl, hich halbot yu'un te Saúl: Ac'a ya'bat bendición te Jehová. C'ohtix ta pasel cu'un te bin la yal te Jehová, xchi.