Rut 2:20 - Bible in Tzeltal Bachajón

²⁰ Te Noemí la yalbe te yalibe: ¡Ac'a a'botuc bendición yu'un Jehová! Ma ba quehchaj yu'un sc'uxultayel te mach'atic cuxulic soc te mach'atic chamenic. Te winic ini, ma yanuc parte cu'untic, ha nix te mach'a ay ta scuenta te ya scoltayotic, xchi.

Bible in Tzeltal de Oxchuc y Tenejapa

²⁰ Te Noemí la sjac': —Te Cajwaltic ac'a yac'bey bendición ta stojol. Melel te Cajwaltic la xc'uxtayotiquixe, jich nix bit'il la spasbon soc te animaetic cu'untique. Te winique ja' quermanotic nix a, ay me ta swenta te ya scoltayotique —xi'.

Rut 2:20 ပူးပေါင်းရင်းမြစ်များ

2 Samuel 2:5

te David la sticon bahel winiquetic ta stojol te winiquetic yu'un Jabes ta sq'uinal Galaad, hich la yalbeyic: Ac'a ya'beyex bendición te Jehová yu'un te la ac'uxultayic te Saúl te ajwalil awu'unic, te la amuquique.

2 Samuel 9:1

La sjoc'oy te David: ¿Ay to bal mach'a ay yu'un Saúl te cuxul hilel te ya xhu' ya jc'uxultay ta scuenta sna'ojibal te Jonatán? xchi.

Job 19:25

Ya jna' te cuxul te Jcoltaywanej cu'un, te ta slajibal ya stehc'an hahchel sba ta lum,

Proverbios 17:17

Te mach'a jun yo'tan sbahic, spisil ora ay sc'uxul yo'tan, soc hich c'ohem te bin ut'il sbanquil ta yorahil wocol.

Levítico 25:25

Teme ay ya xhil ta pobrehil jtuhl alumal, teme ay ya schon j'ohlil te sq'uinale, ya me xtal te smohlol sts'ahquil, ya sman suhtel te bin la schon te yermanohe.

Filipenses 4:10

C'ax bayel tse'el co'tan ta scuenta Cajwaltic yu'un te la acha'na'onic xan. La ana'onic, ha nax te ma ba weht awu'unic bin ut'il yac acoltayonic.

Rut 2:21

Hich la yal xan te Rut te moab-ants: Hich la yalbon xan te winique: Joquina te criadahetic cu'un ha to c'alal ya xlaj spisil ta bojel, xchi.

Rut 3:12

Aunque ma yanucon parte awu'un, ay yan te mach'a nopol xan awu'un.

Rut 4:14

Te antsetic hich la yalbeyic te Noemí: Bayel me yutsil te Jehová te la yac' te ay mach'a ma yanuc parte awu'un te ya scoltayat; muc' me sc'oblal sbihil ac'a c'ohtuc ta Israel te alale.

Rut 4:4

Ya jc'an ya ca'bat ana' yu'un yac aman te q'uinal ta stojol te mach'atic li' huhcajtic ini soc te mamaletic yu'un te pueblo cu'une. Teme yac ac'an yac aman te q'uinal, mana hiche; yan teme ma xac'an, halbon ca'iy scuenta yu'un hich ya jna' a, como mayuc yan mach'a ay ta scuenta te ya sman, ha'at nax, patil te ho'one, xchi. Ya jman, xchi.

Rut 4:6

Hich la sjac' te mach'a ma yanuc parte yu'un: Ma xhu' ya jman, teme repente ya ya'bon jwocol soc te bintic ay cu'un. Mana ha'at, ich'a te bin ay ta jcuenta, como ma xhu' ya jman, xchi.