Rut 2:19 - Bible in Tzeltal Bachajón

¹⁹ Hich halbot yu'un te yalibme'el: ¿Banti c'ohat ta stamel cebada? ¿Banti a'tejat nax? ¡Bayel me yutsil te mach'a la sc'uxultayat! xchi yu'un. Hich te Rut la yalbe ya'iy te yalibme'el mach'a a te la sjoquin ta a'tel, soc la yal: Ha Booz sbihil te winic te banti a'tejon nax, xchi.

Bible in Tzeltal de Oxchuc y Tenejapa

¹⁹ La sjojc'obey te Noemí: —¿Banti at'ejat nax? ¿Banti la ata bayal cebada? Wocol me la yal te mach'a la scoltayat tele —xi' yu'un. Te Rut la yalbey yaiy te yalib-me'el te mach'a la sjoin ta at'ele: —Te winic at'ejon ta swenta, Booz sbiil —xi'.

Rut 2:19 ပူးပေါင်းရင်းမြစ်များ

1 Reyes 7:21

Ha la stehc'anlan te bahlal bronce ta sjamalil yochibal te templo. C'alal la stehc'an te bahlal bronce ta wa'el, la ya'be sbihilin Jaquín; c'alal la stehc'an te bahlal bronce ta q'uexam, la ya'be sbihilin Boaz.

Salmos 41:1

Bayel me yutsil te mach'a ay ta yo'tan te pobre; ya xcoltayot yu'un Jehová ta yorahil wocol.

Salmos 41:2

Te Jehová ya scanantay, ya ya'be scuxlejal soc lec ya xc'oht ta q'uinal; ma ba ya x'ac'ot ta sc'ab te scontratac yu'un spasbeyel bin ya sc'an yo'tanic.

Salmos 44:1

Dios cu'un, ca'iyej ta jchiquincotic, la yalbotcotic te me'iltatiletic cu'uncotic te bin la apas te c'alal cuxulic a, ha te bin la apas ta namey.

Rut 2:10

Ha yu'un te Rut la snijan cohel sba ta lum, soc hich la yalbe: ¿Bin ut'il ay a te ay yutsil awo'tan ta jtojol, te yac ac'uxultayon te ho'on jyanlumon? xchi.