Rut 2:12 - Bible in Tzeltal Bachajón

¹² Te Jehová ac'a stojat yu'un te bintic la apas, soc yacuc x'a'botat amahtan yu'un Jehová te Dios yu'un Israel, te tal awac' aba ta ye'tal xic' yu'une, xchi.

Bible in Tzeltal de Oxchuc y Tenejapa

¹² Dios me ya stojat. Te Cajwaltic Dios yu'un Israel te tal ale coltayel yu'une, ya me xc'uxtayat, ya me scanantayat. Ya me smajt'antesat yu'un spisil te bitic t'ujbil apasoj tele —xi'.

Rut 2:12 ပူးပေါင်းရင်းမြစ်များ

Salmos 17:8

Canantayawon hich te bin ut'il sch'uhlel asit; nac'awon ta ye'tal yaxinal axic',

Salmos 19:11

Ha ya yich' tsitsel a te a'bat awu'une; ay muc' bin ya sta yu'un te ya yich' canantayel.

Salmos 36:7

¡Bayel yutsil, Dios cu'un, te sc'uxul awo'tan! Ha scuentahil te ants-winiquetic ya snac' sbahic ta yaxinal axic'.

Salmos 57:1

C'uxultayawon, Dios cu'un, c'uxultayawon, como snac'oj sba ta atojol te jch'uhlele; ya jnac' jba ta yaxinal axic' ha to c'alal c'axix bahel a te wocole.

Salmos 58:11

Hich me ya yal te winiquetic: Melel nix a ay spremio te mach'a toj yo'tan; melel ay Dios te stojil ya xchahpanwan ta q'uinal, xchihic.

Salmos 61:4

Ya jc'an ya xnahinon ta Nahilpac' awu'un spisil ora, soc te ya jnac' jba ta ye'tal axic'. Selah

Salmos 63:7

como ha'at jcoltaywanejat cu'un, hich tse'el co'tan ya xc'ayojinon ta ye'tal axic'.

Salmos 91:4

Ya me sluts'at ta ye'tal sc'uc'umal, ta ye'tal xic' yac ata canantayel; te bin ut'il stalel jun yo'tan ha amahquil soc ats'ahcul.

Proverbios 11:18

Te mach'a chopol yo'tan, ya sta stojol ya'tel te ma stojiluc, yan te mach'a ya sts'un bin stojil ta pasel, ya me yich' smahtan.

Proverbios 23:18

Como lec me ya xc'ohat yu'un, soc ma ba ya xlaj sc'oblal te bin yac amahlibel.

Jeremías 31:16

Hich yaloj te Jehová: Coma aba ta oq'uel soc ma xawac' loc'uc ya'lel asit, como ya yich' tojel te awa'tel, xchi te Jehová, ya suhtic loq'uel tal ta sq'uinal te contrahe.

San Mateo 23:37

¡Jerusalén, Jerusalén te yac amilticlanic te jalwanejetic soc te yac ach'ojticlanic ta ton te mach'atic ticombilic tal ta atojolic! ¡Bayel buelta c'an jtsob te awal-anich'nabic hich te bin ut'il ya stsob yalatac ta ye'tal xic' te me'mut, pero ma la ac'anic!

San Mateo 5:12

Tse'eluc me awo'tanic soc ayuc me yutsil awo'tanic yu'un, como muc' amahtan yac awich'ic ta ch'ulchan, como hich nix la yuts'inic te jalwanejetic te nahil ay awu'unique.

San Mateo 6:1

Tsahtaya me abahic bin ut'il yac apasic bintic stojil ta pasel ta stojol ants-winiquetic scuenta yu'un ya yilat. Teme hich yac apasic, mayuc amahtanic ya x'a'botex yu'un te Atatic ay ta ch'ulchan.

San Lucas 6:35

Ha yu'un c'ux me xawa'iy ta awo'tan te acontratac, pasbeyahic te bin lec, a'beyahic ta majanel, ma me xamahliyic te ay bin ya ya'beyex a. Hich muc' mahtanil yac awich'ic, soc hich yal-snich'anex te Mach'a toyol ay ya xc'ohex, como ay yutsil yo'tan ta stojol mach'atic ma sna'ic yalel wocol soc mach'atic chopol yo'tanic.

Colosenses 2:18

Ma me xawac' spojbeyex te premio awu'unic te mach'a sp'isoj sba te peq'uel ay soc te ya sch'uhuntay ch'ul a'batetique. Ha ya slom ta halel te bin ma ba yiloj, tojol ya stoy sba yu'un te bin snopoj ta scuenta ch'ich'-baq'uet;

2 Timoteo 1:18

Ac'a me yich' c'uxultayel yu'un te Cajwaltic te c'alal ya sta yorahil ya xtale. Soc ana'oj ta lec bin ut'il bayel la scoltayotic ta Éfeso.

2 Timoteo 4:8

Ta ora ini q'uejbilix ta jtojol te corona yu'un toj-o'tanil te ya ya'bon te Cajwaltic, te stojil Jchahpanwanej, ta sc'ahc'alel. Ma jtuqueluc nax, ha nix hich ya ya'be spisil te mach'atic toyol yo'tanic yac smahliybelic ya xtal te Cajwaltique.

Hebreos 11:26

ha bayel xan sc'oblal ta yo'tan te bohlc'optayel ta scuenta Cristo te bin ut'il te sc'uhlejal te egipciohetic, como yac'oj sit tey a te mahtanile.

Hebreos 11:6

Teme mayuc sch'uhunel-o'tanil, ma xhu' te lec yo'tan Dios yu'un, como te mach'a ya xnohpoj ta stojol Dios ya sc'an ya sch'uhun te ay Dios soc te ya ya'be smahtan te mach'atic ya xlehot yu'une.

Hebreos 6:10

Ma yu'unuc te ma tojuc yo'tan te Dios, te ya sch'ay ta yo'tan te awa'telic soc te sc'uxul awo'tanic te la awaq'uic ta ilel ta scuenta sbihil, te bin ut'il la awac' abahic ta a'batinel ta stojol te mach'atic ch'uhltesbilic, soc te hich nix yaquex ta spasel c'alal ora.

Rut 1:16

Pero la sjac' te Rut: Ma xawalbon te ya quihquitayat soc te ya jpihtesat; yu'un bayuc ya xbahat, tey ya xbohon a; soc bayuc ya xnahinat, tey ya xnahinon a. Ha jlumal ya xc'oht te alumale, soc ha Dios cu'un ya xc'oht te Dios awu'une.

Rut 2:11

La sjac' te Booz: Yu'un ca'iyej spisil te bin la apasbe te awalibme'el te c'alal chamenix a te amamalal, soc te la awihquitay hilel te ame'atat soc alumal, te talat ta nahinel soc jun pueblo te ma ba la ana'be sbahe.

Rut 2:13

La sjac' te Rut: Cajwal, bayel yutsil awo'tan ta jtojol soc la amuc'ubtesbon q'uinal ca'iy; la awutsil c'opon te a'bat awu'un aunque ma criadahucon awu'un, xchi.

Rut 4:15

Ha ya smuc'ubtesbat awo'tan soc ya scoltayat te c'alal me'elatix a; como ha alatayotix yu'un te awalib te c'uxat ta yo'tan, te c'ax hich yutsilal ta atojol a te bin ut'il huqueb aquerem-al, xchihic.

1 Samuel 24:19

Como ¿mach'a a te ya sta scontra te lec ya scoltay bahele? Te Jehová ac'a stojbat te bin lec, yu'un te bin la apasbonix ha'i c'ahc'al ini.

1 Samuel 24:20

Yo'tic ya jna'ix te melel ya x'ochat ta ajwalil, soc te ban c'alal smacoj te Israel ya me yich' yip ta acuenta.