Proverbios 3:3 - Bible in Tzeltal Bachajón

³ Ma me ayuc bin ora yac awihquitay te c'uxul-o'tanil soc te bin smelelil; chuca ta anuc', ts'ihbaya ta awo'tan,

Bible in Tzeltal de Oxchuc y Tenejapa

³ Ma me xawijq'uitay te c'uxul-o'tanil soc ma me xch'ay ta awo'tan te bila smelelile; chuca me ta anuc' jichuc ualil spisil ora, ts'ibuya me ta yolil awo'tan.

Proverbios 3:3 ပူးပေါင်းရင်းမြစ်များ

2 Samuel 15:20

Ach' to nax hulat, ¿bin ya xtal ale ajoquinon, yu'un ma jna' banti ya xbohon ho'on? Ha lec suhtan bahel, soc ic'a suhtel te alumale. ¡Ac'a sc'uxultayat te Jehová soc junuc me yo'tan ta atojol spisil ora! xchi.

Salmos 119:11

Cac'oj ta co'tan te ac'op scuenta yu'un ma ba ya jta jmul ta atojol a.

Salmos 25:10

Spisil te behetic yu'un Jehová ha sc'uxul-o'tanil soc smelelil yu'un te mach'atic ya scanantaybeyic te chapbil-c'op soc te testigo-c'opetic yu'une.

Salmos 85:10

Ya sta sbahic te c'uxul-o'tanil soc te bin smelelil, ya yuhts'uy sbahic te toj-o'tanil soc te lamal-o'tanil.

Éxodo 13:9

Te q'uin hich ac'a c'ohtuc awu'un te bin ut'il jun seña ta ac'ab soc sna'ojibal ta ati'ba, scuenta yu'un yac awalulan te ley yu'un Jehová; como ta scuenta yu'el sc'ab la sloq'uesat tal ta Egipto te Jehová.

Éxodo 34:6

Te Jehová c'ax bahel ta stojol Moisés soc hich la yal: ¡Jehová! ¡Jehová! te ay bayel sc'uxul yo'tan soc te ay yutsil yo'tan, ma orahuc ya x'ilin, mero muc' sc'uxul yo'tan soc stalel jun yo'tan,

Proverbios 1:9

como yutsil sch'ahlel ajol ya xc'oht soc uhalil ta anuc'.

Proverbios 14:22

¿Ma bal yacuc xhowiyic te mach'atic chopol bin ya snopic? yan te mach'atic ya snopic te bin lec, ya me stahic c'uxultayel soc te bin melele.

Proverbios 16:6

Ta scuenta sc'uxul-o'tanil soc smelelil ay ta pasel perdón yu'un mulil; soc ta scuenta xi'el te Jehová ya sq'uej sba te winic ta stojol te bin chopole.

Proverbios 20:28

Te c'uxul-o'tanil soc te bin smelelil, ha ya scanantay te ajwalil, ya yich' yip te shuctajib ta scuenta c'uxul-o'tanil.

Proverbios 6:21

Chuca ta awo'tan spisil ora, xoja ta anuc'.

Proverbios 7:3

Chuca ta yalatac ac'ab, ts'ihbaya ta awo'tan.

Jeremías 17:1

Te smul te Judá ts'ihbabil ta cincel-taq'uin soc ta jay sni'il diamante-ton, bojticlambil ochel ta yo'tanic soc ta xulubiletic yu'un te scajtajib ta chiq'uel mahtaniletic yu'unic,

Oseas 4:1

Israeletic, a'iya awa'iyic te sc'op te Jehová, como ay c'op yu'un soc te mach'atic nahinemic ta q'uinal, ma ba jun yo'tanic, mayuc sc'uxul yo'tanic, ma sna'beyic sba te Diose.

Malaquías 2:6

Ay ta ye te smelelil ley, mayuc bin chopol tahbot ta ye. Behen ta jtojol ta scuenta lamal q'uinal soc ta scuenta bin toj ta pasel, ay tsobol mach'atic la ya'be yihquitayic hilel te bin chopole.

San Mateo 23:23

¡Ay me awocolic, escribanohetic, fariseohetic, jchebal-o'tanex! como yac aloq'ues jun ta slajunebal te menta, anís, soc comino, pero yac awihquitayic te bin tulan sc'oblal ta Ley: ha te bin toj ta pasel, te c'uxultaywanej soc te sch'uhunel-o'tanil. Ha ya sc'an pasel soc nix te yane.

2 Corintios 3:3

Jamal chican te ha'ex cartahex yu'un Cristo te pasbil cu'uncotic, ma ba ts'ihbabil ta tinta, ha ts'ihbabil ta Espíritu yu'un te cuxul Dios; ma ha'uc ta pehchel tonetic, ha ts'ihbabil ta awo'tanic.

Efesios 5:9

(como te sit ya yac' te Espíritu, ha te lec-o'tanil, spasel bin toj, soc smelelil c'op)

Deuteronomio 6:8

Ya me achuc ta ac'ab soc ta ati'ba scuenta seña;

Hebreos 10:16

Ha ini te chapbil-c'op ya jpas soc te c'alal ya sta sc'ahc'alel, xchi te Cajwaltic: Ya ca'be ta yo'tanic te mandariletic cu'un, soc ya jts'ihbabe ta spensaric, xchi.