Proverbios 24:7 - Bible in Tzeltal Bachajón

⁷ C'ax toyol ay te p'ijil-o'tanil yu'un te mach'a ma sna' q'uinal, ta yochibal te pueblo mayuc bin ya yal tey a.

Bible in Tzeltal de Oxchuc y Tenejapa

⁷ Te mach'a ma sna' q'uinal, ma sna' bila ya yal ta stojol juecetic, ta scaj te ma ba c'oem ta yo'tan te p'ijil c'ope.

Proverbios 24:7 ပူးပေါင်းရင်းမြစ်များ

Proverbios 14:6

Te jlabanwanej ya sle p'ijil-o'tanil, pero ma ba ya sta ta lehel, yan te mach'a ya sna' q'uinal, ma ba wocol ya sta te p'ijil-o'tanile.

Salmos 10:5

Spisil ora lec ya xloc' te bin ya spas; namal ya yil te chahpanel awu'un; ya slaban spisil te scontrataque.

1 Corintios 2:14

Te mach'a ma ba yich'oj te Espíritu, ma xc'oht ta yo'tan te bintic scuenta te Espíritu yu'un Dios, como scuyoj ta howilc'op, ma xhu' ya sna'be scuentahil, como ha ya sc'an tsahtayel ta scuenta te Espíritu.

Amós 5:15

Ihlayahic te bin chopol, c'ux me xawa'iy ta awo'tanic te bin lec, soc a'beya yich' yip te stojil chahpanel ta chapojibal; te Jehová te Dios te scuentahinej spisil ya wan sc'uxultay te jayeb ya xhilic yu'un José.

Amós 5:12

Como ya jna' te bayel bin chopol apasojic soc te bayel amulique; yac awuts'inic te mach'a toj yo'tan, yac awich'ic taq'uin te la achon abahic a, soc ta chapajibaletic yac awac' ch'ayuc te bin ya sc'an te pobre.

Amós 5:10

La sp'ajic te jtsitsawetic te ayic ta yochibal te pueblo, soc la yihlayic te mach'a smelelil bin ya yal.

Isaías 29:21

te mach'atic ta scuenta jp'ahl nax c'op ya yalbeyic ay smul te winique, te mach'atic ya schahpambeyic syacol te mach'a ya xchahpanwan ta ochibal, soc ta scuenta lotil c'op ya yac' te ma tojuc ya yich' chahpanel te mach'a mayuc smule.

Proverbios 22:22

Ma me xawelc'an te pobre ta scaj te ha pobre, soc ma me xaten ta c'op ta yochibal te pueblo te mach'a mayuc bin ay yu'un,

Proverbios 17:24

Chican p'ijil-o'tanil ta sit yelaw te mach'a ya sna' q'uinal, pero te sit te mach'a ma sna' q'uinal bayuc ya xbaht c'alal sti'il bahlumilal.

Proverbios 15:24

Te sbehlal cuxlejal mohel ya xbaht yu'un te mach'a p'ij yo'tan; hich ma ba cohel ya xbaht ta yawil mach'atic chamenic.

Job 31:21

teme la jach jc'ab ta scontrahinel te me'ba', te ayon ta cuenta yu'un ta chahpajibal,

Job 5:4

Ma ba seguro ay te snich'nab: ya xlajinotic ta ti'nahil, mayuc mach'a ya xcoltayotic yu'un.

Salmos 127:5

¡Bayel me yutsil te mach'a noj yu'un te yawil ya'tejibal t'ihmalte' yu'une! Ma ba ya sta q'uexlal te c'alal ya sc'opon te scontratac ta yochibal te pueblo. C'ayoj yu'un mohel bahel ta Jerusalén.

Proverbios 17:7

Te t'ujbil c'op ma ha'uc yu'un te mach'a ma sna' q'uinal, ¡c'ax to xan hich ma ha'uc yu'un príncipaletic te lote!

Proverbios 17:16

¿Banti ya xtuhun taq'uin ta sc'ab te mach'a ma sna' q'uinal yu'un ya sman p'ijil-o'tanil, teme ma sna' snopele?

Isaías 32:6

Como te mach'a ma sna' q'uinal ya yal te bin mayuc scuentahil, soc ya snop ta yo'tan spasel te bin chopol, yu'un ya spas te bin ma hichuc ya sc'an ta stojol Dios soc ya yal te bin ma meleluc sc'oblal te Jehová; mayuc bin ya ya'be te mach'a ay swi'nal, soc mayuc bin ya ya'be yuch' te mach'a ay ta taquinti'il.

Proverbios 28:5

Te mach'atic chopol yo'tanic, ma xc'oht ta yo'tanic stojil chahpanel, yan te mach'atic ya slehic te Jehová ya xc'oht ta yo'tanic spisil.

Proverbios 31:23

Te smamalal na'bil sba ta yochibal te pueblo, c'alal ya shuhcan sba soc te mamaletic yu'un te q'uinale.