Proverbios 22:7 - Bible in Tzeltal Bachajón

⁷ Te jc'ulej ya ya'batin te pobre, soc te mach'a ay bin ya smajan, ha a'bat ya xc'oht yu'un te mach'a la yac' ta majanel.

Bible in Tzeltal de Oxchuc y Tenejapa

⁷ Te me'baetic ja' yajwalinejic te jc'uleje; te mach'atic ay sbetique, ja' mosoinbilic yu'un te mach'a ay bila ya yac' ta majanele.

Proverbios 22:7 ပူးပေါင်းရင်းမြစ်များ

2 Reyes 4:1

Ay jtuhl me'ba' ants te ha yihnam jtuhl winic yu'un te jchahp jalwanejetic, hich la yalbe wocol te Eliseo: Te a'bat awu'un, ha te jmamalal, chamix; ana'oj te xi'oj te Jehová. Yo'tic talix te jc'an-betil yu'un ya yic'bon bahel smosohin te cheb calatac, xchi.

Proverbios 22:16

Te mach'a ya yuts'in te pobre yu'un sp'ohltesel sc'ulejal, o te ya smahtantes te jc'ulej, ya me xpobrehub.

Proverbios 18:23

Te pobre xbic'talti'ij ya xc'opoj, yan te jc'ulej tulan ya sut te c'ope.

Santiago 2:6

Pero ha'ex la ap'ajic te pobre. ¿Ma bal ha'uc te jc'uhlejetic te ya yuts'inex, soc ma bal ha'uc te ya sjochex bahel ta stojol te chahpajibal?

San Mateo 18:25

Te bin ut'il ma ba hu' yu'un stojel te sbete, la yal mandar te yajwal te ya yich' chonel soc yihnam soc yal-snich'nab soc spisil bintic ay yu'un scuenta stojel te sbete.

Proverbios 22:22

Ma me xawelc'an te pobre ta scaj te ha pobre, soc ma me xaten ta c'op ta yochibal te pueblo te mach'a mayuc bin ay yu'un,

Proverbios 14:31

Te mach'a ya yuts'in te pobre ya yil-o'tantay te Jpaswanej yu'une, yan teme ya sc'uxultay te pobre ya yich' ta muc' te Jpaswanej.

Santiago 5:1

A'iya me awa'iyic, jc'uhlejetic, oc'anic soc awetanic yu'un te wocoletic te ya xtal ta atojolique.

Amós 8:6

ya jmantic ta taq'uin te pobrehetic, ya jeltic ta jchahp zapato te mach'atic mayuc bin ay yu'unic, soc ya jchontic te sts'ubil te trigohe, xchihex.

Amós 8:4

A'iya awa'iyic ini, ha'ex te yac ats'o'ic ta teq'uel te mach'atic mayuc bin ay yu'unic soc te yac ajinic te pobrehetic ta q'uinal,

Amós 4:1

A'iya awa'iyic te c'op ini, ha'ex wacaxetic yu'un Basán, te nahinemex ta wits yu'un Samaria, te yac awa'beyic swocol te pobrehetic soc yac awuts'inic te mach'atic mayuc bin ay yu'unique; te hich yac awalbeyic te amamalalic: Ich'ahic tal bin ya cuch'tic, te xchihexe.

Isaías 24:2

Pajal bin ya xc'oht ta stojol te pueblo soc te sacerdote, te a'bat soc te yajwal, te criada soc te yajwal, te jmambajel soc te jchombajel, te mach'a ya yac' ta majanel soc te mach'a ya smajan, te mach'a ay sbet soc te mach'a ya yac' ta betanel.

Santiago 5:4

A'iya me awa'iyic, yaquic ta aw ta scontrahimbelex te j'a'teletic te la stsobeyex sit te ats'unub awawalic, te ta scuenta lo'loyel ma ba la atojique. Te yawic te mach'atic la stsobic te sit ats'unub awawalic c'ohtix ta stojol te Cajwaltic te scuentahinej spisil.

Amós 2:6

Hich yaloj te Jehová: Ta scuenta oxchahp mulil yu'un Israel, ta scuenta chanchahp, ma ba ya jcom te castigo yu'une; como la schonic ta taq'uin te mach'a toj yo'tan soc la schonic te pobre ta stojol jchahp zapato.