Proverbios 22:4 - Bible in Tzeltal Bachajón

⁴ Te c'ulejalil, ich'el ta muc', soc te cuxlejal, ha mahtanil yu'un peq'uel-o'tanil soc xi'el te Jehová.

Bible in Tzeltal de Oxchuc y Tenejapa

⁴ Teme ya jpejc'an jbajtic ta stojol te Cajwaltique, soc teme ya quich'tic ta muq'ue, ya xtal jmajt'antic yu'un: ja' te c'ulejalil, te ich'el ta muc', soc te cuxlejale.

Proverbios 22:4 ပူးပေါင်းရင်းမြစ်များ

Proverbios 19:23

Te xi'el te Jehová ya yac' cuxlejal: te mach'a hich yo'tan, ma ba ya xtahot yu'un te bin chopole.

Proverbios 21:20

Ta sna te mach'a p'ij yo'tan ay c'ulejalil soc aceite, yan te mach'a ma sna' q'uinal spisil ya slajin te bintic ay yu'un.

Proverbios 21:21

Te mach'a ya st'un te bin toj ta pasel soc te c'uxultaywanej ya sta scuxlejal, te bin toj ta pasel, soc ich'el ta muc'.

Proverbios 22:3

Te mach'a p'ij yo'tan ya yil te bin chopol, ya snac' sba ta stojol, yan te mach'a ma p'ijuc yo'tan ya xc'ax xan bahel, ya xc'ax swocol yu'un.

Proverbios 22:5

Ay ch'ixetic soc yaquiletic ta sbe te mach'a chopol; pero te mach'a ya scanantay sba soc scuxlejal q'uejel ya yac' sba ta stojolic.

Proverbios 29:23

Ya xpehc'anot yu'un stoybahil te winique, yan te mach'a peq'uel yac'oj sba ya me x'ich'ot ta muc'.

Proverbios 3:16

Ta swa'el-c'ab ya yac' naht cuxlejal, soc ta sq'uexam-c'ab ya yac' c'ulejalil soc ich'el ta muc'.

Proverbios 31:30

Ya xlo'loywan te bin mulantic sba yilel, soc c'axel nax te st'ujbilal, pero te ants te ya xi' te Jehová, ha me lec sc'oblal stuquel.

Isaías 33:6

Ha ya xc'oht te mach'a ya yac' jun-o'tanil ta aworahil, ha bayel coltayel ya xc'oht, soc p'ijil-o'tanil soc bintic ay ta na'el; te yich'el ta muc' te Jehová ha c'ulejalil yu'un te Sión.

Isaías 57:15

Como hich ya yal te Mach'a toyol ay, te mach'a stalel cuxul, te Ch'ul Dios te sbihile: Ho'on nahinemon ta banti toyol soc ch'ultesbil, pero ha nix hich nahinemon soc te mach'a pich'il yo'tan soc peq'uel yo'tan, yu'un ya ca'be xan yip yo'tanic te mach'atic peq'uelic soc yu'un ya ca'be xan yip yo'tanic te mach'atic pich'il yo'tanique.

Daniel 4:36

Ha nix yorahil a te la jna' xan q'uinal, te suht ta jtojol te smuc'ul yutsil te bin ut'il ajwalilon, te quich'el ta muc' soc smuc'ul jc'oblal. Tal slehonic te gobernadorehetic soc te j'ac'-o'taniletic cu'un; cha'ochon xan ta ajwalil soc c'ax hich to xan muc'ub ca'tel a te bin ut'il ta nahil to.

San Mateo 6:33

Ha nahil xalehic te cuentahinel yu'un Dios soc te bin stojil ta pasel yu'un, hich me ya x'a'botex spisil a ini.

1 Timoteo 4:8

aunque ay stuc te slecubtesel baq'uet, ha bayel xan stuc te slecubtesel o'tanil, yu'un ay bin ya jtahtic yu'un ta cuxlejal ini soc ta patil te ya xtale.

Santiago 4:10

Pehc'ana abahic ta stojol te Cajwaltic, ha me ya stohytesbeyex ac'oblalic.

Santiago 4:6

Pero c'ax bayel xan yutsil-o'tanil ya yac' te Diose. Ha scuentahil te hich ya yal: Dios ya scontrahin te mach'a ya stoy sba, pero ya sc'uxultay te mach'a peq'uel ay, xchi.