Proverbios 17:7 - Bible in Tzeltal Bachajón

⁷ Te t'ujbil c'op ma ha'uc yu'un te mach'a ma sna' q'uinal, ¡c'ax to xan hich ma ha'uc yu'un príncipaletic te lote!

Bible in Tzeltal de Oxchuc y Tenejapa

⁷ Te mach'a ma sna' q'uinal, ma'yuc swentail te bi ya yale; yan te mach'a lec yo'tane, ma xlo'laywan ta c'op.

Proverbios 17:7 ပူးပေါင်းရင်းမြစ်များ

Proverbios 29:12

Teme ay ajwalil te ya yich' ta cuenta te lotil-c'op, ha nix hich chopol yo'tanic spisil te j'a'teletic yu'une.

San Mateo 7:5

¡Jchebal-o'tanat! Ha nahil xaloq'ues te ts'amte' ay ta asit, hich ya xhu' yac awil ta lec te yac aloq'uesbe te c'a'pal ay ta sit te awermano.

Proverbios 26:7

Hich te bin ut'il yacan te coxo' te hich nax jipil ay, hich ay te tsahbil c'op ta ye te mach'a ma sna' q'uinal.

Proverbios 12:19

Te mach'a melel ya xc'opoj, stalel ya xhil sbahtel q'uinal, yan te mach'a ya ya'iy lot, jts'ihn nax ay stuquel.

Job 34:12

Ta mero melel, te Dios ma ba ya spas te bin ma stojiluc, te Mach'a spisil ya xhu' yu'un ma ba ya sjin te bin toj ta pasel.

2 Samuel 23:3

Te Dios yu'un Israel c'opojix; hich la yalbon te Muc'ul Ton yu'un Israel: Te mach'a stojil ya scuentahin te ants-winiquetic, te ya xcuentahinwan ta scuenta xi'el te Diose,

Salmos 31:18

Ac'a ch'abuc ta c'op te lotil-ehaletic, te ta scuenta toybahil soc p'ajel ya scontrac'optayic te mach'a toj yo'tane.

Proverbios 6:17

ha te toyba ta sit, ya'iyel lot, te c'abaletic te ya smilic mach'a mayuc smul,

Proverbios 12:22

Te Jehová ya yihlay te mach'atic ya ya'iyic lot, pero lec yo'tan yu'un te mach'atic stojil bin ya spasic.

Proverbios 19:10

Ma snuhp'in te ya xnahin ta yohlil bayel bintic t'ujbil te mach'a ma sna' q'uinal, c'ax to xan hich a te a'bat te ya scuentahin príncipaletic.

Proverbios 24:7

C'ax toyol ay te p'ijil-o'tanil yu'un te mach'a ma sna' q'uinal, ta yochibal te pueblo mayuc bin ya yal tey a.

Proverbios 26:1

Hich te bin ut'il me'sic ta yorahil sq'uepelal q'uinal, o te ha'al ta yorahil c'ajoj, ha nix hich ma snuhp'uc te ya x'ich'ot ta muc' te mach'a ma sna' q'uinal.