Proverbios 17:3 - Bible in Tzeltal Bachajón

³ Te plata ya xtsajot ta banti ya yich' uhltesel, te oro ya xtsajot ta horno, pero te Jehová ya stsaj te o'tanile.

Bible in Tzeltal de Oxchuc y Tenejapa

³ Oro soc plata ya yich'ic tsajel ta c'ajc'; ja' nix jich te bila ya snop te co'tantique, ya me yich' tsajel yu'un te Cajwaltique.

Proverbios 17:3 ပူးပေါင်းရင်းမြစ်များ

1 Crónicas 29:17

Ya jna', Dios cu'un, te yac ana'ticlan o'taniletic soc te yac amulan te bin stojil. Ha scuentahil te ta scuenta stojil co'tan soc ta sc'anojel co'tan la jca'bat spisil ini, soc yo'tic tse'el co'tan la jquilix te pueblo awu'un te stsoboj sbahic ta ora ini, te la ya'bat soc yutsil yo'tanic.

Job 23:10

Pero ha ya sna' te be cu'une: teme ya spason ta prueba, lec ya xloc'on hich te bin ut'il oro.

Job 28:1

Ay banti ya xloc' te plata, soc ay banti ya yich' lecubtesel te oro.

Salmos 139:23

Na'bon co'tan, tsahtayawon, Dios cu'un; tsajawon soc na'bon bintic jnopoj ta co'tan.

Salmos 26:2

Tsahtayawon, Jehová, pasawon ta prueba; pasbon ta prueba te jpensar soc te co'tan,

Salmos 66:10

Como ha'at la apasotcotic ta prueba, Dios cu'untic, ha'at la alecubtesotcotic hich te bin ut'il ya yich' lecubtesel plata.

Proverbios 15:11

Te yawil mach'atic chamenic soc te yawil jinel jamal chicanic ta stojol Jehová, ¿ha'uc to balix a te yo'tanic te ants-winiquetique?

Proverbios 16:2

Spisil te behetic yu'un te ants-winiquetic lec c'ohem ta yo'tanic, pero te Jehová ya stsahtay te bin yu'un te hich ya spase.

Proverbios 17:2

Te a'bat te ay sp'ijil yo'tan ya me scuentahin te nich'anil te q'uexlaltic sba, soc pajal ya yich' soc te sbanquiltac te bin ya x'a'bot yich'ic hilel yu'un te state.

Proverbios 21:2

Spisil te behetic yu'un te winic ya scuy ta toj, pero te Jehová ya xna'bot yo'tan yu'un stuquel.

Proverbios 27:21

Te plata ya xtsajot ta banti ya x'uhltesot, te oro ya xtsajot ta horno, te winic ya stsajot yu'un te lec sc'oblal ya xhalot.

Isaías 48:10

Ilawil, la jlecubtesat, pero ma hichuc te bin ut'il plata; la jtsajat ta horno yu'un wocol.

Jeremías 17:10

Ho'on Jehovahon ya jtsahtay te o'tanil, soc ya jtsahtay te bin snopoj, yu'un ya ca'be stoj ta tuhlutuhl ha chican bin ya spasic, ha chican bin yilel sit te ya'tele, xchi te Jehová.

Ezequiel 22:18

Snich'anat winic, te sna Israel hich ay ta jtojol te bin ut'il ya'baquil taq'uin; spisilic pajal soc bronce, estaño, hierro soc plomo te hilem ta horno; ha ya'baquil plata c'ohemic.

Daniel 11:35

Soc ay p'ijil winiquetic te ya xyahlic, scuenta yu'un ya yich'ic lecubtesel soc poquel, ha to c'alal ya xc'oht yorahil te chapale, como ay to sc'an ya xc'oht yorahil te halbile.

Zacarías 13:9

Te jtsal xan ini ya cotses ta c'ahc', ya jlecubtes hich te bin ut'il ya yich' lecubtesel te plata, ya jtsaj hich te bin ut'il ya yich' tsajel te oro. Ya sc'oponon ta jbihil, soc ho'on ya ca'iybe sc'opic. Hich ya cal: Ha pueblo cu'un, xchihon; hich me ya yal: Ha Dios cu'un te Jehová, xchi.

Deuteronomio 8:16

te la smac'linat ta maná ta jochol taquin q'uinal, ha te we'elil te ma ba la sna'beyic sba te ame'atatic, te la ya'bat apehc'an aba soc la yilbat awo'tan, scuenta awutsil alequil ya xc'ohat yu'un;

Deuteronomio 8:2

Ya me ana' spisil te be banti la yic'at tal te Jehová te Dios awu'un te cha'winic (40) ha'bil ta jochol taquin q'uinal yu'un la ya'bat apehc'an aba, la yilbat awo'tan, yu'un hich ya sna' a te bin ay ta awo'tan, teme yac apas o ma ba yac apas te mandariletic yu'une.

1 Pedro 1:7

scuenta yu'un teme la yich'ix tsajel te sch'uhunel awo'tanic, te c'ax hich yutsil a te bin ut'il oro, (aunque ya xlaj, pero ya xtsajot ta c'ahc'), lec me sc'oblal ya xc'oht, soc ay me yutsilal soc ich'bil ta muc' ya xc'oht te c'alal ya xchicnaj tal te Jesucristo.

Apocalipsis 2:23

Ya cac' lajuc te yalatac, hich spisil te iglesiahetic ya me sna'ic te ho'on ya jtsahtay te snopojibal yu'unic soc te bin ay ta yo'tanic. Ho'on ya ca'beyex jujutuhl ha chican bin yilel te awa'telique.