Oseas 5:9 - Bible in Tzeltal Bachajón

⁹ Ya yich' jinel Efraín ta sc'ahc'alel castigo; ta chahpalchahp yu'un Israel ya cac' ta na'el te bin smelelile.

Bible in Tzeltal de Oxchuc y Tenejapa

⁹ Jo'on ya cal ta yolilal te sts'umbal Israel te bila ya xc'ot ta pasel ta mero melel: Efraín jinbil me ya xjil ta sc'aalelal castigo.

Oseas 5:9 ပူးပေါင်းရင်းမြစ်များ

Zacarías 1:6

Pero te c'opetic soc te mandariletic cu'un te la jcalbe ta mandar te jalwanejetic te a'batetic cu'un, ¿ma bal la stahic te ame'atatique? Ha yu'un la suhtes yo'tanic te ame'atatic, hich la yalic: Te Jehová te scuentahinej spisil hich la spasbotic te bin ut'il la sc'an te behetic soc te a'teliletic cu'untique, xchihic.

Isaías 46:10

Ya calbe sc'oblal te shahchibal c'alal ta slajibal, c'alal ta namey, te bin ma to ba c'ohem ta pasel; hich ya cal: Ya xc'oht ta pasel te bintic jnopoj, ya jpas spisil te bintic ya sc'an co'tan.

San Juan 16:4

Pero la me jcalbeyex ini scuenta yu'un te c'alal hich ya xc'oht ta pasel ya me ana'ic te hich nix calbeyejex a. Ma ba hich la jcalbeyex ta shahchibal, como joquinejex to a.

Amós 7:17

Ha yu'un hich yaloj te Jehová: Te awihnam ha j'antsinel ants ya xc'oht ta yohlil te muc'ul pueblo, te ach'ix-queremetic awu'un ya me xlajic ta espada soc te aq'uinal ya me yich' puhquel ta scuenta spasel seña ta na'el; te ha'at ya me xchamat ta q'uinal te ma lecuc sc'oblal, soc te Israel chucul ya x'ic'otic bahel, namal ya xhil sq'uinalic, xchi.

Amós 7:9

Te toyol awilaletic yu'un Isaac ya me yich'ic jinel, te ch'ul awilaletic yu'un Israel ya me yich'ic jinel, soc ya jach espada ta scontrahinel te sna Jeroboam, xchi.

Amós 3:7

Mayuc bin ya spas te Jehová teme ma ba ya ya'be sna'ic te a'batetic yu'un, ha te jalwanejetic, te bin muquen ay ta yo'tan.

Oseas 8:8

¡Lajimbil ya xc'oht te Israel! yo'tic ay ta yohlil te nacionetic hich te bin ut'il vasija te mayuc sc'oblal.

Oseas 5:14

Como hichon te bin ut'il choj ta stojol Efraín, hichon te bin ut'il jcolel choj ta stojol te sna Judá; ho'on nix ya jbutsticlan, hich ya xloc'on bahel; ya jtsacticlan bahel, mayuc mach'a ya xhu' ya scoltay loq'uel ta jc'ab.

Oseas 5:12

Hich ya xc'ohon ta stojol Efraín te bin ut'il chan te ya sjoch'obtes, hich te bin ut'il sjoch'ol te sna Judá.

Isaías 48:5

Ha scuentahil te nameyix la jcalbat; te c'alal ma to xc'oht ta pasel a la jcalbat scuenta yu'un ma xhu' te hich yac awal: Ha la spas te jcahcanan, te loc'omba te pasbil ta te' soc ta uhltesbil taq'uin, ha la yac' ta pasel ini, ma me xchihucat.

Isaías 48:3

Nahil caloj te bin c'axemix ta pasel, loc' ta que, la jpucbe sc'oblal; la jpas ta ora, hich c'oht ta pasel.

Isaías 37:3

Hich la yalbeyic: Hich yaloj te Ezequías: Te c'ahc'al ini ha sc'ahc'alel mel-o'tan, castigo soc q'uexlal, hich te bin ut'il yorahilix te ya x'ayin alal pero mayuc yip yu'un ya yayintes.

Job 12:14

Te bin ya sjin, mayuc mach'a ya xhu' ya scha'pas xan; teme ya schuc te winique, mayuc mach'a ya xhu' ya xjahm loq'uel.

Isaías 7:16

Te c'alal ma to sna' tsahtayel a te banti lec soc te banti ma lecuc, jochol ya xhil sq'uinal te cha'tuhl ajwaliletic te axi'oje.

Oseas 7:12

Te c'alal ya xbahtic tey a, ya jlim bahel jyac ta stojolic; hich ya cac' cohuc tal te bin ut'il mutetic ya xwihlic ta toyol, ya ca'be castigo hich te bin ut'il halbil ta tsoblej yu'unique.

Oseas 9:7

C'ohtix sc'ahc'alel te castigo, c'ohtix sc'ahc'alel te ya x'a'bot stojolic. ¡Ya me sna' Israel! Cuyot ta sonso te jalwanej soc te sohquem sjol te winic te ay bin a'bot sna' yu'un Dios, ta scaj bayel achopolil soc bayel slab awo'tanic.

Miqueas 6:13

Ha yu'un hahch quehchentesat, hahch jinat ta scaj te muliletic awu'une.