Oseas 13:9 - Bible in Tzeltal Bachajón

⁹ Ch'ayatix, Israel, pero ay ta jcuenta te coltayel awu'une.

Bible in Tzeltal de Oxchuc y Tenejapa

⁹ Ya me jinat ta jc'axel, Israel, soc ma'yuc mach'a ya xju' ya scomon yu'un.

Oseas 13:9 ပူးပေါင်းရင်းမြစ်များ

2 Crónicas 28:23

yu'un la ya'be milbil mahtaniletic te diosetic yu'un Damasco te ha nix tsalot yu'unic, hich la yal: Te bin ut'il te ajwaliletic yu'un Siria coltayotic yu'un te diosetic yu'unic, ha nix hichon ya ca'be milbil mahtaniletic yu'un ya scoltayonic, xchi. Pero ha sjinojibal c'oht soc spisil Israel.

Salmos 146:5

Bayel me yutsil te mach'a ya xcoltayot yu'un te Dios yu'un Jacob, te ha smuc'ulinej yo'tan te Jehová te Dios yu'un,

Salmos 33:20

Smuc'ulinej co'tantic te Jehová, ha jcoltaywanej soc ha mahquilal cu'untic.

Salmos 46:1

Te Diose ha ahnibal cu'untic soc ha quiptic, ha ya scoltayotic ta ora te c'alal ay jwocoltic.

Proverbios 6:32

Soc te mach'a ya ya'iy antsiwej, mayuc snopojibal yu'un; te mach'a hich ya spas ha nix ya sjin sba.

Proverbios 8:36

Pero te mach'a ya sta smul ta jtojol, ya ya'be sba swocol, spisil te mach'atic ya sp'ajonic ha c'ux ta yo'tanic te lajele, xchi te P'ijil-o'tanile.

Isaías 3:11

¡Ay me swocol te mach'a chopol! Ma ba lec ya xc'oht ta loq'uel, como ya x'a'bot stojol sc'ab ha chican te bin spasojique.

Isaías 3:9

Ha nix ya xchicnaj ta sit yelawic te smulique; hich te bin ut'il Sodoma ya spuquic ta halel te smulique, ma ba ya smuquic. ¡Ay me swocolic! Ha nix ta scuentahic te ay swocolique.

Jeremías 2:17

¿Ma bal ha'uc hich pasbotat yu'un te la awihquitay hilel te Jehová te Dios awu'un te c'alal la stojobtesat bahel ta be?

Jeremías 2:19

Ya ya'bat castigo te amule, ya yalbat amul te ma junuc awo'tan. Nopa awa'iy hiche soc na'a me te ha chopol soc ch'a te yac awihquitay hilel te Jehová te Dios awu'un, soc te ma ba ya xiw awo'tan ta jtojol, xchi te Jehová te scuentahinej spisil.

Jeremías 4:18

Ha nix ta scaj te atalel soc te bintic apasoj la yac' c'ohtuc ta pasel ini. Ha awocol ini, mero ch'a, c'ohemix c'alal ta awo'tan, xchi.

Jeremías 5:25

Ta scaj achopolilic te yanijem spisil ini; ta scaj amulic ma ba la atahic bintic lec.

Oseas 13:4

Pero Ho'on Jehovahon te Dios awu'un c'alal ayat to ta sq'uinal Egipto; mayuc yan dios te yac ana'be sba, mayuc yan jcoltaywanej, ho'on nax jtuquel.

Oseas 14:1

¡Israel, suhtan tal ta stojol Jehová te Dios awu'un, como ta scaj amul te yahlate!

Oseas 7:14

Ma ba la yawtayon soc spisil yo'tanic te c'alal oq'uic ta swayibic; la stsob sbahic ta scuenta trigo soc vino, la stoy sbahic ta jtojol.

Oseas 7:15

Aunque ho'on la jnohptes soc la jca'be yip sc'abic, la schahpanic bin chopol ta scontrahimbelonic.

Malaquías 1:12

Pero ha'ex yac abohlobtesbe sc'oblal te c'alal hich yac awalic: Bohloben sc'oblal te mesa yu'un te Jehová, te xchihex, soc te c'alal yac awalic te p'ajbil te we'elil yu'une.

Malaquías 1:13

Soc hich awalojic: C'axix co'tan yu'un ini, xchihex, soc yac ap'ajonic, xchi te Jehová te scuentahinej spisil. La awich'ic talel te bin elc'ambil, te coxo', o te ay ta chamel, ha yac awa'bonic jmahtanin. ¿Ya bal jtsacbeyex ta ac'abic? xchi te Jehová te scuentahinej spisil.

Malaquías 1:9

C'ambeyahic Dios te lecuc yo'tan ta atojolic, scuenta yu'un yacuc sna' yo'bolil jbahtic. Pero ¿bin ut'il lec yo'tan ya xc'oht ta atojolic teme hich yac apasique? xchi te Jehová te scuentahinej spisil.

Deuteronomio 33:26

Mayuc mach'a pajal soc te Dios yu'un Jesurún, te cajal ta cawu ya xbehen tal ta ch'ulchan yu'un ya scoltayat, te ya xtal soc yutsilal ta sba tocal.

Deuteronomio 33:29

¡Bayel me awutsil, ha'at Israel! ¿Mach'a pajalat soc, ha'at pueblohat te coltaybilat yu'un Jehová? Te Dios ha amahquil te ya xcoltaywan, ha espada te yac awa'iy tsalaw yu'un. Hich peq'uel ya xc'oht te acontratac, ha'at yac atec'be te toyol q'uinal yu'unic, xchi te Moisés.