Oseas 10:2 - Bible in Tzeltal Bachajón

² Cheb yo'tanic, yo'tic ya xtahbot smulic. Te Jehová ya sjin cohel te scajtajib ta chiq'uel mahtaniletic soc ya sjinticlambe te loc'ombahetic yu'unique.

Bible in Tzeltal de Oxchuc y Tenejapa

² Chebajem yo'tan te Israele, ta ora yo'tic ya me stoj te smule. Te Cajwaltic ya sjinbey te scajtijib majt'aniletic yu'une, soc ya me sjinbey te tonetic yac ta xch'uunele.

Oseas 10:2 ပူးပေါင်းရင်းမြစ်များ

1 Reyes 18:21

Te Elías nohpoj tal ta stojol te pueblo, hich la yal: ¿Jayeb xan ora te xyahl xmo awo'tanic te cheb bin anopojic? Teme ha Dios te Jehová, t'unahic; teme ha te Baal, t'unahic bahel hiche, xchi. Ma ba la sjaq'uic te pueblo.

Éxodo 23:24

Ma xaquejan aba ta stojol te diosetic yu'unic, ma xawac' aba ta a'batinel yu'unic, ma xapas te bin ya spasic, jc'axel me xalajinlan soc jc'axel me xawuyticlan te bahlal tonetic tec'ajtic yu'unique.

Proverbios 11:18

Te mach'a chopol yo'tan, ya sta stojol ya'tel te ma stojiluc, yan te mach'a ya sts'un bin stojil ta pasel, ya me yich' smahtan.

Isaías 44:18

Ma sna'ic q'uinal, ma xc'oht ta yo'tanic; como macal sitic scuenta yu'un ma xyilic q'uinal, soc macal te yo'tanic scuenta yu'un ma sna'beyic scuentahil.

Jeremías 43:13

Ya me swuyticlan te bahlal tonetic yu'un Heliópolis te ay ta sq'uinal Egipto, soc ya me ya'be sc'ahc'al te templohetic yu'un te diosetic yu'un Egipto, xchi.

Ezequiel 14:5

Hich ya jpas scuenta yu'un ya jcha'cuentahimbe xan yo'tan te sna Israel, te bin ut'il spisilic yihquitayejonic hilel ta scaj te loc'ombahetic yu'unique.

Oseas 12:11

¿Chopol bal te Galaad? mero mayuc scuentahilic: Ta Gilgal la yaq'uic ta chiq'uel torohetic, ha yu'un te scajtajib ta chiq'uel mahtaniletic yu'unic hich ya xc'ohtic te bin ut'il busambil tonetic ta sba te chahpambil q'uinale.

Oseas 13:16

Te Samaria ya me yich'be smul como la stoy sba ta stojol te Dios yu'une. Ya xlajic ta espada, te alaletic yu'un ya yich'ic majticlanel ta lum, soc ya yich'ic jamticlanel te antsetic te swoloj yalic.

Oseas 3:4

Como te snich'nab Israel bayel c'ahc'al te mayuc ajwalil, príncipal, chic'bil mahtanil, tehc'ambil ton, o loc'ombahetic yu'unic.

Oseas 7:8

Te Efraín la scap sba soc te jyanlumetic; hich c'ohem te bin ut'il pimil pan te jehch nax ta'ajem.

Levítico 26:30

Ya jlajimbeyex te toyol awilaletic awu'unic, ya jimbeyex te scajtajib ta chiq'uel pom awu'unic soc ya jbusambeyex te chamen-abaq'uetalic ta sba te chamen-sbaq'uetal loc'ombahetic awu'unic; ihlaybil ya xc'ohex ta co'tan.

Miqueas 5:13

Ya jimbat te bintic lop'talambil soc te tonetic ch'ultesbilic awu'une; mayuquix bin ora yac aquejan aba ta stojol te ya'tel ac'ab.

Sofonías 1:5

Ya jlajin te mach'atic ya squejan sbahic ta sba sna ta sch'uhuntayel te bayel eq'uetic ta ch'ulchan, te mach'atic ya squejan sbahic yu'un ay bin ya yalic ta jamal ta scuenta Jehová soc yu'un ay bin ya yalic ta scuenta Milcom;

Zacarías 13:2

Ta hich ora, xchi te Jehová te scuentahinej spisil, ya jloq'ues ta q'uinal te sbihilic te loc'ombahetic, ma ba ya xna'otix; soc ya jloq'ueslan ta q'uinal te jalwanejetic soc te snopel bintic chopol.

San Mateo 6:24

Mayuc mach'a ya xhu' ya yac' sba ta a'batinel yu'un cheb ajwaliletic; como ya me yihlay te jtuhle soc c'ux ta yo'tan te yane, o jun yo'tan ta stojol te jtuhle, soc ya sp'aj te yane. Ha nix hich, ma xhu' yac awac' abahic ta a'batinel yu'un Dios soc yu'un te c'uhlejalile.

San Lucas 16:13

Mayuc a'bat te ya xhu' te cheb yajwal ya yac' sba ta a'batinel yu'un, como ya sp'aj te jtuhle soc c'ux ta yo'tan te yane; o ay sc'oblal ta yo'tan te jtuhle soc mayuc sc'oblal ta yo'tan te yane. Ma xhu' yac awac' abahic ta a'batinel yu'un Dios soc yu'un te c'uhlejalil, xchi.

Santiago 1:8

Te mach'a xchebet yo'tan, ya sjelticlan spisil bintic ya spas.

Santiago 4:4

¡J'antsinelex soc j'antsiwejex! ¿Ma bal ana'ojic te ha scontrahinel Dios teme jun awo'tan abahic soc te bahlumilale? Te mach'a ya sc'an te jun yo'tan sba soc te bahlumilal, ha scontrahinej te Diose.

1 Juan 2:15

Ma me c'uxuc xawa'iy ta awo'tanic te bahlumilal o te bintic ayic ta bahlumilal. Te mach'a c'ux ya ya'iy ta yo'tan te bahlumilal, ma ba yich'oj te sc'uxul yo'tan te Jtatic Dios,

1 Samuel 5:4

Pero c'alal hahchic ta sab ta yan c'ahc'al pacal ta lum yan buelta te Dagón ta stojol te scaxahul te chapbil-c'op yu'un Jehová, soc te sjol te Dagón soc schebal sc'ab waq'uemic ta smarcohil te puerta; ha xanix wolol hilel smuc'ul te Dagón.