Números 8:22 - Bible in Tzeltal Bachajón

²² Ta patil ochic bahel te levitahetic ta spasel te ya'telic ta Nahilpac' Templo yu'un tahojibal ta stojol Aarón soc te snich'nabe. Hich la spasbeyic te bin ut'il pasot ta mandar yu'un Jehová te Moisés sc'oblal te levitahetique.

Bible in Tzeltal de Oxchuc y Tenejapa

²² Ta patil, te levitaetic la xch'uunic spasel te bila c'ot ta swentaic ta Nailpac' te bay ya yich' c'oponel te Cajwaltique. Te Aarón soc snich'nab la swentainic yilel te levitaetique. Jich la spas soc levitaetic te bit'il mandal albot Moisés yu'un te Cajwaltique.

Números 8:22 ပူးပေါင်းရင်းမြစ်များ

2 Crónicas 30:27

Patil te sacerdotehetic soc te levitahetic la stehc'an sbahic, la ya'beyic bendición te pueblo; a'iybot sc'opic yu'un Dios, te bin la yalic ta sc'oponel Dios c'oht c'alal ta ch'ulchan, ta ch'ul awilal yu'un.

2 Crónicas 31:2

Te Ezequías la schahpan te sacerdotehetic soc te levitahetic bin ut'il ya sjel sbahic ta a'tel, ha chican bin ya'telic jujutuhl, ta yaq'uel scohtol chic'bil mahtaniletic soc milbil mahtanil scuenta lamal q'uinal, ta spasel ya'telic ta puertahetic yu'un te amaq'uetic yu'un Jehová, ta yalbeyel wocol soc ta sc'ayojtaybeyel yutsil sc'oblal.

Éxodo 12:50

Hich la spasic spisil te snich'nab Israel te bin ut'il pasotic ta mandar yu'un Jehová te Moisés soc Aarón.

Números 1:50

ya me awa'be scuentahinic te levitahetic te Nahilpac' yu'un te Testigo-c'op soc spisil sbiluc soc bintic ya xtuhun tey a. Ha ya sq'uechic bahel te Nahilpac' Templo soc spisil sbiluc, ya scuentahinic soc ya yac' snahilpaq'uic ta sjoyobal te Nahilpac' Templo.

Números 8:15

Ta patil te lecubtesbil sc'oblalic soc te ac'ticlambilic scuenta mahtanil, ya xtalic ta a'tel ta Nahilpac' Templo yu'un tahojibal.

Números 8:21

Te levitahetic la slecubtes sbahic soc la sac' sc'u'ic; hich te Aarón la yac'ticlambe scuenta tuchilambil mahtanil ta stojol Jehová, soc la yac' te stojel mulil yu'unic scuenta lecubtesbeyel sc'oblalic.

Números 8:23

Patil te Jehová hich la yalbe te Moisés: