Números 8:14 - Bible in Tzeltal Bachajón

¹⁴ Hich parte yac awac' te levitahetic ta yohlil te snich'nab Israel, ha cu'un ya xc'ohtic te levitahetique.

Bible in Tzeltal de Oxchuc y Tenejapa

¹⁴ Jich me parte ya awaq'uix te levitaetic ta yolilic te yantic israeletic, swenta yu'un jich me cu'un ya xc'otic.

Números 8:14 ပူးပေါင်းရင်းမြစ်များ

Malaquías 3:17

Te bin ora ay bin ya xhahchon ta pasel ha c'ulejalil cu'un ya xc'ohtic te bayel sc'oblal ta co'tan, xchi te Jehová te scuentahinej spisil. Hich ya jc'uxultay te bin ut'il te tatil ya sc'uxultay te snich'an te ya yac' sba ta a'batinel yu'une.

Números 18:6

Ho'on la jtsa te awermanotac levitahetic ta yohlil te snich'nab Israel scuenta amahtanic yu'un Jehová, yu'un ya spasic te a'tel ta Nahilpac' Templo yu'un tahojibal.

Números 3:12

Ho'on la jquic' te levitahetic ta yohlil te snich'nab Israel scuenta sjelol spisil te ba-alaletic, ha te queremetic te nahil ya x'ayinic yu'un te snich'nab Israel. Ha cu'un ya xc'ohtic te levitahetic,

Números 3:45

Tsaha te levitahetic scuenta sjelol spisil te ba-alaletic yu'un te snich'nab Israel, soc te schansbahlam te levitahetic scuenta sjelol te schansbahlam te snich'nab Israel; ho'on cu'un ya xc'oht te levitahetic. Ho'on Jehovahon.

Números 3:9

Ya me awac'ticlambe te levitahetic ta stojol te Aarón soc te snich'nabe, como ta yohlil te snich'nab Israel ha'ic te jc'axel a'botic ta stojol.

Números 6:2

Halbeya te snich'nab Israel: Te winic o ants te ya schap sc'op te ya yac' sba ta nazareo, yu'un parte ya yac' sba ta stojol te Jehová,

Números 8:13

Yac atehc'anlan te levitahetic ta stojol Aarón soc snich'nab, yac awac'ticlan scuenta tuchilambil mahtanil yu'un Jehová.

Números 8:17

Como ho'on cu'un spisil ba-alaletic yu'un te snich'nab Israel, teme winic o chambahlam. C'alal la jcac' lajuc te ba-alaletic ta sq'uinal Egipto tey ch'ultesbil c'ohtic cu'un a.

Romanos 1:1

Pablo, a'bat yu'un Jesucristo, ic'bil ta jpuc-c'op soc tsahbil yu'un yalel te lec yach'il c'op yu'un Dios,

Gálatas 1:15

Pero Dios, te la stsahon te ma to x'ayinon a soc te la yic'on ta scuenta te yutsil yo'tan, c'alal lec la ya'iy

Deuteronomio 10:8

Ha yorahil a te Jehová parte la yac' te jchahp yu'un Leví, yu'un ha ya yich'ic bahel te scaxahul te chapbil-c'op yu'un te Jehová, scuenta yu'un ayic ta stojol Jehová soc ya yac' sbahic ta a'batinel yu'un, soc yu'un ya yaq'uic bendición ta scuenta sbihil, hich te bin ut'il c'alal ora.

Hebreos 7:26

Ya xtuhun cu'untic te muc'ul sacerdote te ch'ultesbil, te mayuc smul, parte ay yu'un jmulawiletic soc c'ax hich toybot sc'oblal a te bin ut'il te ch'ulchane.