Números 7:1 - Bible in Tzeltal Bachajón

¹ Te c'alal hu' yu'un stehc'anel te Nahilpac' Templo te Moisés, la smal ta aceite soc la sch'ultes soc spisil te biluquetic yu'une. Ha nix hich la smal ta aceite soc la sch'ultes te scajtajib ta chiq'uel mahtanil soc te biluquetic yu'un.

Bible in Tzeltal de Oxchuc y Tenejapa

¹ Te bi c'aalil ju' yu'un spasel te Nailpac' Templo te Moisés, la xjax ta aceite swenta xch'ultesel spisil a te sbiluquil te ch'ul awilal soc te sbiluquil te scajtijib ta chiq'uel majt'anile.

Números 7:1 ပူးပေါင်းရင်းမြစ်များ

Génesis 2:3

La ya'be bendición te shuquebal c'ahc'al soc la sch'ultes, yu'un tey la scux yo'tan yu'un spisil te ya'tele.

1 Reyes 8:64

Ha nix ta yorahil a, te ajwalil la sch'ultes te yohlil te amac' te ay ta stojol te sna Jehová, yu'un tey la ya'be a te scohtol chic'bil mahtaniletic soc te mahtanil harina soc te sjuhp'el te mahtanil scuenta lamal q'uinal, como tut te scajtajib smahtan Dios pasbil ta bronce te ay ta stojol Jehová, ma ba och tey a spisil te scohtol chic'bil mahtaniletic, te mahtaniletic harina soc te sjuhp'el te mahtaniletic scuenta lamal q'uinal.

Éxodo 13:2

A'bonic ta jtojol spisil te ba-alal queremetic. Ta yohlil te snich'nab Israel, spisil te ba-alal queremetic ho'on cu'un, ha nix hich te sba-quelmal chambahlametic, xchi.

Éxodo 29:36

Jujun c'ahc'al ya me awac' jcoht jcolel toro scuenta milbil mahtanil yu'un stojel mulil. Ya me alecubtes te scajtajib ta chiq'uel mahtanil ta scuenta yaq'uel mahtanil yu'un stojel mulil, soc ya me amalbe aceite scuenta ch'ultesel.

Éxodo 40:11

Ha nix hich ya me amal a te yawil ha' soc te scajtajib, ya me ach'ultes.

Números 17:2

Halbeya te snich'nab Israel te ac'a yich'ic tal snahbate'ic jujutuhl príncipaletic ta jujuchahp, lahchayeb nahbate'eletic hich te bin ut'il te sna sme'statique. Ya me ats'ihbabe sbihilic jujutuhl ta snahbate'ic,

Números 7:10

Te príncipaletic la yich'ic tal te mahtaniletic yu'un yaq'uel ta stojol Dios te scajtajib ta chiq'uel mahtanil te bin c'ahc'alil te la yich' malel ta aceite scuenta ch'ultesel. Te príncipaletic la yaq'uic hilel te mahtanil yu'unic ta stojol te scajtajib ta chiq'uel mahtanil.

Números 7:84

Hich ay te mahtanil la yaq'uic te príncipaletic yu'un Israel scuenta yaq'uel ta stojol Dios te scajtajib ta chiq'uel mahtanil, te c'alal la yich' malel ta aceite scuenta ch'ultesel: ha lahchayeb platohetic pasbil ta plata, lahchayeb jarrahetic pasbil ta plata, soc lahchayeb cucharahetic pasbil ta oro.

Números 7:88

Ta spisil te chambahlametic yu'un mahtanil scuenta lamal q'uinal, ha chaneb scha'winic (24) ta coht torohetic, oxwinic (60) ta coht tat tuminchij, oxwinic (60) ta coht tat tentsun, soc oxwinic (60) ta coht tat tuminchij te jujun ya'bilale. Ha te mahtanil la yich' aq'uel scuenta yaq'uel ta stojol Dios te scajtajib ta chiq'uel mahtanil ta patil te la yich' malel ta aceite scuenta ch'ultesel.

San Mateo 23:19

¡Ts'o'sitex! ¿binti a te tulan sc'oblal, ha bal te mahtanil o ha bal te scajtajib te ya sch'ultes te mahtanile?