Números 6:2 - Bible in Tzeltal Bachajón

² Halbeya te snich'nab Israel: Te winic o ants te ya schap sc'op te ya yac' sba ta nazareo, yu'un parte ya yac' sba ta stojol te Jehová,

Bible in Tzeltal de Oxchuc y Tenejapa

² —Albeya te israeletique: “Teme ay jtul winic, o ants, te ya xchap sc'op te ya yac' sba ta abatinel cu'un te Ajwalilon, ja' te ya sc'an yac' sba ta nazareo,

Números 6:2 ပူးပေါင်းရင်းမြစ်များ

Éxodo 33:16

¿Bin ut'il ya xchicnaj teme lec c'ohemon ta atojol soc te pueblo awu'une? ¿Ma bal ha'uc ya xchicnaj yu'un te ha'at yac ajoquinon bahel, soc te bin ut'il te ho'on soc te pueblo awu'un parte ac'bilotcotic ta yohlil spisil te yantic pueblohetic ta swohlol bahlumilal? xchi.

Proverbios 18:1

Te mach'a t'ut' ha nax ya sle te bin ya sc'an yo'tan stuquel, soc ya scontrahin spisil lequil tojobtesel.

Jeremías 35:6

Pero la sjaq'uic: Ma ba ya cuch'cotic vino, como te Jonadab snich'an Recab, te jtatcotic hich la spasotcotic ta mandar: Ma me ayuc bin ora yac awuch'ic vino, ha'ex soc te ats'umbalique.

Levítico 20:26

Ch'ultesbiluquex me ta jtojol, como ho'on, Jehovahon, ch'ul Dioson, parte la jcaq'uex yu'un te yantic nacionetic scuenta yu'un ho'on cu'un ya xc'ohex.

Levítico 27:2

Halbeya te snich'nab Israel: Teme ay mach'a ay bin muc' sc'oblal ya schap ta stojol Jehová, ha te ya sman loq'uel mach'a a'botix te Diose, hich me yac awal te jayeb ya stoj:

Números 30:3

Teme ay ach'ix te ay to ta sna stat te ya schap sc'op ta stojol Jehová o te jc'axel ya yal ta jamal te ay bin ya spas,

Números 6:1

Te Jehová la yalbe te Moisés:

San Lucas 1:15

como muc' sc'oblal ya xc'oht ta stojol Dios. Ma me xyuch' vino o bin pajuben, soc ya xnoj ta yo'tan te Ch'ul Espíritu te c'alal wolbil to yu'un snan a.

Hechos 18:18

Bayel c'ahc'al halaj tey a te Pablo. Patil la sc'opon hilel te yermanotac, och ta barco, baht ta sq'uinal Siria, sjoquinej bahel te Priscila soc Aquila. Ta Cencrea te Pablo la yac' ta quits'el sjol yu'un ay bin schapoj ta stojol Dios.

Romanos 1:1

Pablo, a'bat yu'un Jesucristo, ic'bil ta jpuc-c'op soc tsahbil yu'un yalel te lec yach'il c'op yu'un Dios,

2 Corintios 6:16

¿Bin ut'il te jun ya schap sc'opic te templo yu'un Dios soc te loc'ombahetique? Ha'ex templohex yu'un te cuxul Dios, hich te bin ut'il yaloj te Diose: Ya xnahinon soc ya xbehenon ta yohlilic; ho'on Dioson yu'unic ya xc'ohon, soc ha pueblo cu'un ya xc'ohtic.

Gálatas 1:15

Pero Dios, te la stsahon te ma to x'ayinon a soc te la yic'on ta scuenta te yutsil yo'tan, c'alal lec la ya'iy

Hebreos 7:27

Ma hichuc ay te bin ut'il te yantic muc'ul sacerdotehetic te jujun c'ahc'al nahil ya ya'be milbil mahtaniletic scuenta stojel smulic, patil ya ya'be yu'un te pueblo; como te Jesús junax buelta la yac' milbil mahtanil scuenta sbahtel q'uinal te c'alal la yac' sba ta lajel.

Jueces 13:14

Ma me swe' te bintic ya xloc' ta ts'usub, ma me xyuch' vino o yantic bin pajuben, soc ma me swe' te bin bohloben sc'oblale. Ya me stsahtay ta pasel spisil te bin la jpas ta mandar, xchi.

Jueces 13:4

Ha yu'un ma me xawuch'ix vino o bin pajuben, soc ma xawe' te bin bohloben sc'oblal,

Jueces 13:5

yu'un ya me xhahch awal, ya x'ayin aquerem-al. Ma xhu' ta loq'uesbeyel stsotsel sjol, como te querem ha nazareo ta stojol Dios ya xc'oht c'alal ta yayinab to; ya me xhahch ta scoltayel loq'uel ta sc'ab filisteohetic te Israel, xchi.

Jueces 16:17

Hich la yalbe ya'iy spisil bin ay ta yo'tan: Mayuc bin ora yich'oj set'el jol, yu'un nazareohon ta stojol Dios c'alal ma to x'ayinon a. Teme ya yich' loq'uesel te stsotsel jol, ya xch'ay te quip, hich ya xc'ohon te bin ut'il yantic winiquetic, xchi.

1 Samuel 1:28

Ha yu'un hich nix ya ca'be te Jehová. Te jayeb c'ahc'al cuxul, ha me yu'un stuquel te Jehová, xchi. Tey la squejan sba ta sch'uhuntayel te Jehová.