Números 5:8 - Bible in Tzeltal Bachajón

⁸ Teme mayuc mach'a ay yu'un te ya yich'be te sjelol, ha ya yich' a'beyel Jehová te sjelol, ha ya yich' te sacerdote, soc ya yac' te tat tuminchij te ya yich' aq'uel scuenta stojel mulil, te ha ya yich' tojbeyel smul a.

Bible in Tzeltal de Oxchuc y Tenejapa

⁸ Teme lajemix a te mach'a la yich' il-o'tantayel, soc teme ma'yuc mach'a mero jun nax sme'-stat soc te ya yich' te sjelole, ja' me ya xc'ot ta swenta te Cajwaltic te ya xtuun yu'un te sacerdote. Ja' ya sjoin sba soc te tat chij te ya yac' ta stojol Dios te sacerdote ta swenta stael perdón yu'un smul te mach'a la sta smule.

Números 5:8 ပူးပေါင်းရင်းမြစ်များ

2 Reyes 12:16

Te taq'uin yu'un te mahtaniletic yu'un stojel mulil soc yu'un te mahtaniletic yu'un stahel falta ma ba la yich'ic tal ta sna Jehová, como ha yu'unic te sacerdotehetique.

Levítico 5:16

Soc ya me stoj te bin stahoj falta a ta stojol te bin ch'ultesbil, soc ya yac' xan jun ta yo'ebal te stojole, ha ya ya'be te sacerdote. Te sacerdote ya spasbe te stojel mulil ta scuenta te tat tuminchij ya yich' aq'uel scuenta milbil mahtanil yu'un stahel falta, hich ya sta perdón a.

Levítico 6:5

o biluc a te la yal ta jamal ta lot. Ya me sutbe spisil ta stojol te yajwal, soc ya me yac' jun xan ta yo'ebal te bin ora ya yac' te mahtanil yu'un smul.

Levítico 7:7

Te bin ut'il ay te milbil mahtanil yu'un mulil, hich nix ay te milbil mahtanil yu'un stahel falta, junax mandaril ta schebal. Ha ya xc'oht ta scuenta te sacerdote te ya spas te stojel mulil.

Números 5:7

Ya me yal ta jamal te smul spasoj, ts'acal me ya ya'be sjelol te bin la sjin soc ya ya'be jun xan ta yo'ebal te mach'a la sta smul ta stojole.

Números 5:9

Spisil mahtanil yu'un te bintic ch'uhltesbilic te ya yaq'uic te snich'nab Israel ta stojol sacerdote, ha yu'un ya xc'oht.