Números 5:22 - Bible in Tzeltal Bachajón

²² te ha' te ya xbohlobteswan ac'a c'ohtuc ta ach'uht soc ac'a yac' siht'uc ach'uht soc lewts'ujuc acub, xchi. Hich me ya sjac' te ants: Hichuc, hich ac'a c'ohtuc ta pasel, xchi.

Bible in Tzeltal de Oxchuc y Tenejapa

²² Ja' me castigo te jich ya spasbat te ya awuch' te ja' swenta castigo’, xi' me. Te antse ac'a me sjac' te c'ope: ‘Jichuc ac'a c'otuc ta pasel’, xiuc me.

Números 5:22 ပူးပေါင်းရင်းမြစ်များ

Salmos 109:18

Ha la slap chopol c'oblalil hich te bin ut'il sc'u'; och ta yutil sbaq'uetal hich te bin ut'il ha', hich te bin ut'il aceite ta sbaquel.

Salmos 41:13

¡Bayel yutsil te Jehová, te Dios yu'un Israel, ta spisil ora soc ta sbahtel q'uinal! Hichuc, hichuc.

Salmos 72:19

¡Bayel me yutsil te sbihil sbahtel q'uinal! ¡Spisil te q'uinal ac'a nojuc ta yutsilal! ¡Hichuc, hichuc!

Salmos 89:52

¡Bayeluc me yutsil sc'oblal sbahtel q'uinal te Jehová! ¡Hichuc!

Proverbios 1:31

hich ya me swe'beyic sit te be yu'unic soc ya xnojic ta bin chopol snopoj ta yo'tanic.

Ezequiel 3:3

Hich la yalbon: Snich'anat winic, we'a te balbil hun te ya ca'bat, nojesa ach'uht a, xchi. Hich la jwe', mero chi', pajal soc chab.

Números 5:23

Te sacerdote ya me sts'ihbay te chopol c'oblalil ini soc ya spoc loq'uel ta ch'ahal ha'.

Números 5:27

Teme melel te sbohlobtesej sc'oblal soc te ma junuc yo'tan ta stojol te smamalal, te ha' ya xbohlobteswan ya x'och ta sbaq'uetal soc ya xhahch ta uts'inel yu'un, ya me siht' sch'uht soc ya me slewts'uj scub; ha bohloben me sc'oblal ya xc'oht ta yohlil te pueblo yu'une.

San Juan 3:11

Tulan sc'oblal ya calbat, ha yac calbelcotic te bin jna'ojcotic, soc ha ya calcotic ta jamal te bin quilojcotic, pero ma xawich'ic ta cuenta te bin ya calcotique.

San Juan 3:3

Hich halbot yu'un te Jesús: Tulan sc'oblal ya calbat, te mach'a ma ba ya xcha'ayin xan, ma xhu' ya yil te cuentahinel yu'un te Diose, xchi.

San Juan 6:53

Hich halbotic yu'un Jesús: Tulan sc'oblal ya calbeyex, teme ma ba yac awe'beyic te sbaq'uetal te Nich'anil ay ta scuenta winic soc teme ma ba yac awuch'beyic te sch'ich'ele, mayuc acuxlejalic.