Números 5:21 - Bible in Tzeltal Bachajón

²¹ (te sacerdote ya me yal ta stojol te ants te bohlobtesbeyel c'oblalil ini): Te Jehová ac'a yac' te bohlubuc ac'oblal ya xc'ohat ta yohlil te pueblo awu'un, te Jehová ac'a yac' lewts'ujuc acub soc siht'uc ach'uht;

Bible in Tzeltal de Oxchuc y Tenejapa

²¹ jich yu'un te Cajwaltic ya yac'at ta seña ta stojol te lum te ya yac' sijt'uc te ach'ujt', soc ya xc'ax te awale.

Números 5:21 ပူးပေါင်းရင်းမြစ်များ

2 Crónicas 21:15

soc ha'at ya me xtal bayel chameletic ta atojol, ha tulan chamel ta abiquil te ha ya xloc' ta scaj te ya xhalaj te chamele, xchi te Elías ta carta.

Nehemías 10:29

spisilic la stsob sbahic soc te yermanotac soc te príncipaletic yu'unic, yu'un ya yalic ta jamal te ya st'unic te ley yu'un Dios te a'bot ta scuenta Moisés te a'bat yu'un Dios, soc te ya scanantayic soc ya sc'ohtesic ta pasel te mandariletic soc spisil bintic yaloj ta mandar te Jehová te Cajwaltique.

Proverbios 10:7

Ha bendición te sna'ojibal te mach'a toj yo'tan, yan te sbihil te mach'a chopol yo'tan, ya me xc'a'.

Isaías 65:15

Te mach'atic tsahbilic cu'un ya me stuhumbeyex abihilic ta scuenta sc'anel castigo. Te Cajwaltic Jehová ya me smilex, yan te a'batetic yu'un ya yac'ticlambe yan sbihilic.

Jeremías 29:22

Spisil te mach'atic ic'otic loq'uel ta Judá, te ayic ta Babilonia, ta scuenta te cheb winiquetic ini ya me yalic te chopol c'oblalil ini: Te Jehová ac'a spasbat hich te bin ut'il la spasbe te Sedequías soc te Acab, te chic'otic ta c'ahc' yu'un te ajwalil yu'un Babilonia, xchihic.

Números 5:27

Teme melel te sbohlobtesej sc'oblal soc te ma junuc yo'tan ta stojol te smamalal, te ha' ya xbohlobteswan ya x'och ta sbaq'uetal soc ya xhahch ta uts'inel yu'un, ya me siht' sch'uht soc ya me slewts'uj scub; ha bohloben me sc'oblal ya xc'oht ta yohlil te pueblo yu'une.

San Mateo 26:74

Te Pedro hich hahch yalbe chopol sc'oblal soc ta yalel ta jamal: ¡Ma jna'be sba te winique! xchi. Hich ora oc' te tat mute.

Josué 6:26

Ha yorahil a te Josué hich la yal ta jamal: Ma lecuc sc'oblal ya xc'oht ta stojol Jehová te winic te ya scha'pas xan ha'i pueblo Jericó ini. Ta scuenta stojol scuxlejal te sba-nich'an ya me ya'be hahchel te yich'o-ip; ta scuenta stojol scuxlejal te ihts'inal ya me yotsesbe te puertahetic yu'une, xchi.

1 Samuel 14:24

Pero te winiquetic yu'un Israel ay swocolic ta hich ora, como te Saúl la yac' te ay bin ya yalic ta jamal te winiquetic, hich la yal: Bohlobuc me sc'oblal mach'ayuc a te ay bin ya swe' te ma to x'ihc'ub q'uinal a, te c'alal ma to ba ca'beyej spacol a te jcontrahe, xchi. Hich spisil te winiquetic mayuc bin la swe'ic.