Números 4:32 - Bible in Tzeltal Bachajón

³² te oyetic yu'un te amac' ta sjoyobal soc scajtajibic, te ts'apbil yich'o-ip, schuquilic soc spisil sbiluc soc spisil bintic ya xtuhun tey a. Ya me awa'be sna' jujutuhl bintic a te ya yich'ic bahele.

Bible in Tzeltal de Oxchuc y Tenejapa

³² te posteetic yu'un te corral ta sjoyobal te Nailpac' Templo soc snactijibic, te estacaetic, te xchujq'uilic, soc spisil te bitic ya sc'an yu'un te at'ele. Ja'at me ya awalbey juju-jtul te bitic mero ya yich'ic baele.

Números 4:32 ပူးပေါင်းရင်းမြစ်များ

1 Crónicas 9:29

Ay yantic te ay ta scuentahic te biluquetic soc spisil bintic ya xtuhun ta ch'ul awilal, te harina, vino, aceite, pom soc te bintic sumet yic'.

Éxodo 25:9

Spisil te bin ya ca'bat awil, hich me xapas te Nahilpac' Templo soc spisil te bintic ya xtuhun tey a.

Éxodo 27:9

Ha nix hich ya me apasbe yamaq'uil te Nahilpac' Templo. Ta stojol sur ya me yich' maquel bahel ta jalbil lino, ho'winic (100) xuhc'ubil snahtil te jlehbe.

Éxodo 38:17

Te scajtajib oyetic pasbilic ta bronce; te ganchohetic soc sc'atal-te'el pasbilic ta plata; soc te sjol te oyetic potsbilic ta plata; spisil te oyetic yu'un te amac' ay sch'ocowiletic pasbilic ta plata.

Éxodo 38:21

Hich ay yipal te bintic tuhun yu'un te Nahilpac' Templo, ha te nahilpac' yu'un te Testigo-c'op, te la yich' ahtayel ta scuenta smandar Moisés te la spasic te levitahetic te ha cuentahimbil yu'un Itamar snich'an te sacerdote Aarón.

Números 3:36

Ay ta scuenta te snich'nab Merari scanantayel te tablahetic yu'un te Nahilpac' Templo, te sc'atal-te'el, yoyal, scajtajibic soc spisil biluquetic yu'un, soc spisil te bintic ay ta pasel tey a,

Números 3:8

Ya scanantayic spisil te biluquetic yu'un te Nahilpac' Templo yu'un tahojibal, soc ya spasic spisil te bin a'botic spasic ta scuenta te snich'nab Israel ta banti te a'tel ta Nahilpac' Templo.

Números 4:31

Te bin ay ta scuentahic spasel ta Nahilpac' Templo yu'un tahojibal, ha te ya sq'uechic bahel te tablahetic yu'un te Nahilpac' Templo, te sc'atal-te'eletic, oyetic soc scajtajibic,

Números 4:33

Ha te ya'telic te jujuchahp sts'umbal Merari, spisil te bintic ya spasic ta Nahilpac' Templo yu'un tahojibal, te ay ta scuenta yilel te Itamar te snich'an sacerdote Aarón, xchi.

Números 4:49

La yich'ic ahtayel hich te bin ut'il la yal ta mandar te Jehová ta scuenta Moisés, jujutuhl ta scuenta te ya'tel yich'ojic soc te bin ya yich'ic bahele. La yich'ic ahtayel hich te bin ut'il pasot ta mandar.

Números 7:1

Te c'alal hu' yu'un stehc'anel te Nahilpac' Templo te Moisés, la smal ta aceite soc la sch'ultes soc spisil te biluquetic yu'une. Ha nix hich la smal ta aceite soc la sch'ultes te scajtajib ta chiq'uel mahtanil soc te biluquetic yu'un.

Números 7:8

la yac'ticlambe chaneb carreta soc waxac-coht j'a'tel-wacax te snich'nab Merari, ha chican te ya'telic te cuentahimbil yu'un Itamar te snich'an sacerdote Aarón.