Números 4:23 - Bible in Tzeltal Bachajón

²³ Ya me awahtay te mach'atic stahojic lajuneb scha'winic (30) ya'bilal c'alal lajuneb yoxwinic (50) ya'bilal, spisil te mach'atic ya xhu' ya spasic te a'tel ta Nahilpac' Templo yu'un tahojibal.

Bible in Tzeltal de Oxchuc y Tenejapa

²³ te ay lajuneb xcha'winic (30) ya'wilal c'alal ta lajuneb yoxwinic (50), te ya xju' yu'unic at'el ta abatinel ta Nailpac' te bay ya quich' c'oponele.

Números 4:23 ပူးပေါင်းရင်းမြစ်များ

1 Crónicas 23:24

Ha'ic te sts'umbal Leví ta jujuchahp sna sme'static, ha te jtsobawetic yu'un jujuchahp snahic, hich te bin ut'il la yich'ic ahtayel ta sbihilic, te ayiquix jtahb (20) ya'bilalic. Ha'ic te a'tejic ta sna Jehová.

1 Crónicas 23:27

Hich la yich' ahtayel te sts'umbal Leví te ayiquix ta jtahb (20) ya'bilalic, hich te bin ut'il te slajibal bin la yal te David.

1 Crónicas 23:3

La yich'ic ahtayel te levitahetic te ayix lajuneb scha'winic (30) ya'bilalic. Te jaytuhlic te la yich'ic ahtayel, ay chanpic soc ho'lajunbahc' (38,000) ta tuhl.

Números 4:22

Ha nix hich ahtaya te snich'nab Gersón ta jujuchahp te mach'atic ay yu'un te sme'statique.

Números 4:24

Hich ay te ya'telic te sts'umbal Gersón te ya spasic soc te ya yich'ic bahele:

Números 4:3

te stahojic lajuneb scha'winic (30) ya'bilal c'alal ta lajuneb yoxwinic (50) ya'bilal, spisil mach'atic te ya xhu' ya x'ochic ta a'tel ta Nahilpac' Templo yu'un tahojibal.

Números 8:25

yan teme stahojiquix lajuneb yoxwinic (50) ya'bilalic ya me xquehchanic spasel te ya'telic, ma ba ya x'a'tejiquix.

1 Corintios 9:7

¿Mach'a ya x'och ta soldadohil te ha nix ya stoj sba? ¿Mach'a ya sts'un sts'usubil te ma ba ya swe'be te site? ¿Mach'a ya scanantay wacaxetic te ma ba ya yuch'be te leche yu'une?

2 Corintios 6:7

ya xchicnaj ta scuenta te smelelil c'op ya calcotic soc ta scuenta te yu'el Dios, ta scuenta te quich'oj ca'tejibcotic yu'un te bin stojil ta pasel, te ay ta jwa'elcotic soc ta jq'uexamcotic;

Gálatas 5:17

como te bin ya sc'an te jpoco'-taleltic ha scontrahinej te Espíritu, soc te bin ya sc'an te Espíritu ha scontrahinej te jpoco'-taleltique. Scontrahinej sbahic ta schebalic, hich ma xhu' awu'unic spasel te bin yac ac'an yac apasique.

Gálatas 5:24

Como te mach'atic yu'unic Cristo, yac'ojiquix ta lajel ta cruz te spoco'-talelic te ya smulan spasel te bintic ya sc'an te sbaq'uetalique.

1 Timoteo 1:18

Jnich'an, Timoteo, ya ca'bat te mandar ini, te hich nix halbilix ac'oblal ta sc'op-jalwanej ta nahlilal, scuenta yu'un yac awac' te lequil tsaltamba ta scuenta te c'opetic ini,

2 Timoteo 4:7

La jca'beyix te lequil tsaltamba, hu'ix cu'un te ahnimal, jcanantayej te bin ay ta ch'uhunel.