Números 32:5 - Bible in Tzeltal Bachajón

⁵ Ha yu'un teme lecotcotic ta atojol, a'botcotic te q'uinal, ma me xawac'otcotic c'axel ta muc'ul-ha' Jordán, xchihic.

Bible in Tzeltal de Oxchuc y Tenejapa

⁵ Teme lec ya awaiyique, ac'botic jo'otic te q'uinale, jich ma xawac'otic c'axel ta muc'ja' Jordán —xiic.

Números 32:5 ပူးပေါင်းရင်းမြစ်များ

Génesis 19:19

Lec c'oht sc'oblal ta atojolic te a'bat awu'unic soc muc' te sc'uxul awo'tanic te bin ut'il cuxul a la awic'onic loq'uel tal; pero ma xhu' ya xbohon ta ahnel ta witsiltic, ya wan stahon te bin chopol, hich ya xlajon.

2 Samuel 14:22

Te Joab la squejan sba ta lum, la yich' ta muc', soc la ya'be bendición, hich la yal: Yo'tic c'ohtix ta yo'tan te a'bat awu'un te lecon ta asit, cajwal, como la spasix te ajwalil te bin c'ambot yu'un te ya'bate, xchi.

Ester 5:2

Te ajwalil, te c'alal la yil te ajwalil-ants Ester te ay ta amac', lec c'oht ta yo'tan, la shach ta stojol Ester te sbastón pasbil ta oro ay ta sc'ab. Ha yu'un te Ester nohpoj bahel, la spicbe sni'il te sbastón.

Jeremías 31:2

Hich yaloj te Jehová: Te pueblo te ma ba tahot yu'un te espada la sta yutsil-o'tanil ta jochol taquin q'uinal, c'alal la sle cux-o'tanil te Israel.

Números 32:4

te q'uinal te la yu'untay Jehová ta stojol te pueblo Israel, ha lequil q'uinal yu'un chambahlametic. Te a'batotic awu'un ay jchambahlamcotic.

Números 32:6

Pero te Moisés la sjac'be sc'op te snich'nab Gad soc te snich'nab Rubén: ¿Yu'un bal ya xhilex li'i te c'alal ya xbahtic ta guerra te awermanotac?

Deuteronomio 1:37

Soc te Jehová ilin ta jtojol ta acuentahic, hich la yalbon: Ha nix hichat ma ba ya x'ochat tey a.

Josué 7:7

Hich la yal te Josué: ¡Ay, Cajwal Jehová! ¿bin yu'un la awac' te c'ax ta Jordán te pueblo ini yu'un yac awac'otcotic ta sc'ab te amorreohetic yu'un ya slajinotcotic? ¡Ha lec te teyuc hilotcotic a ta jehch ha' Jordán!

Rut 2:10

Ha yu'un te Rut la snijan cohel sba ta lum, soc hich la yalbe: ¿Bin ut'il ay a te ay yutsil awo'tan ta jtojol, te yac ac'uxultayon te ho'on jyanlumon? xchi.

1 Samuel 20:3

Te David la scha'hal xan ta jamal: Te atat sna'oj te lec awo'tan cu'un, hich wan ya yal: Ma me x'a'bot sna' ini te Jonatán scuenta yu'un ma ba ya smel yo'tan a, xchi. ¡Yiloj Jehová, soc cuxulat! jihm xanix ta ocal quiloj jba soc te lajele, xchi.