Números 31:2 - Bible in Tzeltal Bachajón

² Sutbeya spacol te bin pasbotic te snich'nab Israel yu'un te madianetic; patil ya xchamat, xchi sc'oblal.

Bible in Tzeltal de Oxchuc y Tenejapa

² —Sujt'esbeya spacol te madianetic te la yuts'inic te israeletique. Ta patil ya me xlajat —xi' sc'oplal te Moisese.

Números 31:2 ပူးပေါင်းရင်းမြစ်များ

Números 27:13

Teme la awilixe, ha nix hichat ya xchamat, hich te bin ut'il te abanquil Aarón.

Apocalipsis 6:10

Tulan hich yac yalbelic: Cajwal te toj awo'tan soc te smelelil te ac'ope, ¿bin to ora te yac awich' ta c'op soc te yac awa'be stoj te mach'atic ayic ta bahlumilal te la smal jch'ich'elcotic? xchihic.

Jueces 2:10

Soc ha nix hich chamic spisil te mach'atic pajal scolelic soc; pero te patil al-nich'anetic ma ba la sna'beyic sba te Jehová soc te bintic la spas ta stojol Israel.

Apocalipsis 19:2

como smelelil soc stojil te chahpanel yu'une. La ya'beyix castigo te muc'ul j'antsinel-ants te la sbohlobtes te bahlumilal ta scuenta te yajmule. La ya'beyix stoj te la smalbe sch'ich'el te a'batetic yu'une, xchihic.

Apocalipsis 18:20

¡Tse'elucat me yu'un, ha'at ch'ulchan, soc ha'ex te ch'ultesbilex, jpuc-c'opex soc jalwanejex, como Dios la ya'be castigo ta acuentahic!

Hebreos 10:30

Como ya jna'betic sba te mach'a hich yaloj: Ho'on ay ta jcuenta spaquel c'abal, ho'on ya ca'be stoj, xchi, soc te hich la yal xan: Te Cajwaltic ya me yich' ta c'op te pueblo yu'une, te xchihe.

1 Tesalonicenses 4:6

soc ma me ayuc mach'a ya spasbe te yermano te bin chopol o te hich ya slo'loy, como te Cajwaltic ha jpac-c'abal yu'un spisil ini, hich te bin ut'il la jcalbeyexcotic soc la jca'beyexcotic ana'ic.

Romanos 13:4

como ha a'bat yu'un Dios yu'un hich lec ya xc'ohat a. Yan teme yac apas te bin chopol, xiwan me yu'un, como ma tojoluc yich'oj te espada, como ha a'bat yu'un Dios, ha ya ya'be castigo te mach'a chopol bin ya spase.

Romanos 12:19

Quermanotac te c'uxex ta co'tan, ma me xapac ac'abalic, ac'a a'tejuc te yilimba Dios, como hich ts'ihbabil: Ho'on cu'un suhtesbeyel spacol; ho'on ya ca'be stoj, xchi te Cajwaltique.

Hechos 13:36

Melel te jayeb ha'bil te David la spas te bin lec yo'tan yu'un Dios ta stojol te jcaj ts'umbalil yu'un, cham, mucot ta banti mucul sme'stat, soc c'a' sbaq'uetal stuquel.

San Lucas 21:22

como ha yorahil castigo scuenta yu'un hich ya xc'oht ta pasel spisil te bin ts'ihbabil hilel.

Nahúm 1:2

Te Jehová, ha Dios te ay xut'et yo'tan soc te ya yac' spacol; te Jehová ya ya'be spacol soc ay bayel yilimba; ya ya'be spacol te mach'atic ya xcontrahinot yu'un soc ya yilintay te scontrataque.

Isaías 1:24

Ha yu'un hich ya yal te Cajwaltic, te Jehová te scuentahinej spisil, te Mach'a Tulan yu'un Israel: ¡Tiq'uix a! ¡Ya ca'be stoj te jcontratac, ya ca'be spacol te mach'atic ya scontrahinonic!

Jueces 16:24

Te c'alal la yilic te Sansón, te ants-winiquetic hahch yalbeyic wocol te dios yu'unic, hich la yalic: Te dios cu'untic la ya'botic ta jc'abtic te jcontratic, ha te mach'a la sjimbotic jq'uinaltic, te mach'a la smilbotic bayel te jlumaltique, xchihic.

Deuteronomio 32:35

Ho'on ay ta jcuenta sutbeyel spacol soc te ya ca'be stoj; ya me sta yorahil te ya xbilts'uj yoc, como nopolix ya xhahch swocolic, ahnimal ya xtal te bin chapal ya yich'ique.

Números 31:3

Ha yu'un te Moisés la yalbe te pueblo: Ac'a schahpan sbahic winiquetic ta awohlilic yu'un ya ya'beyic guerra te Madián, yu'un ya sutbeyic spacol ta scuenta Jehová te Madián.

Números 25:6

Ay jtuhl israel-winic te baht yic' tal jtuhl madianita-ants ta banti ay te yermanotac, ta sit Moisés soc spisil te pueblo Israel, te c'alal yaquic ta oq'uel a ta yochibal te Nahilpac' Templo yu'un tahojibal.

Números 20:26

Cholbeya sc'u' yu'un sacerdotehil te Aarón, ha xawa'be slap te Eleazar te snich'an, como tey ya xcham a te Aarón, xchi.

Números 20:24

Ya xchamix te Aarón. Ma ba ya x'och bahel tey ta q'uinal la jca'be te snich'nab Israel, como ha'ex la atoy abahic ta sc'axuntayel jmandar ta banti sloq'uib ha' Meriba.

Éxodo 2:16

Te sacerdote yu'un Madián ay huctuhl yantsil-nich'nab, tal sloq'uesic ha' yu'un ya snojesic te yawil ha', ya yac'ticlambe yuch'ic ha' te tuminchijetic yu'un te statique.

Génesis 25:17

Te Ismael huclajuneb shucwinic (137) ha'bil cuxaj; hich quehchaj yich'bel ic', cham, la sjoquin ta muquenal te sme'state.

Génesis 25:8

Quehchaj yich'bel ic', cham te Abraham, mamalubenix ta lec, bayelix ya'bilal a; la sjoquin ta muquenal te sme'state.

Génesis 15:15

Yan te ha'ate lamal awo'tan a yac atsob aba soc te chawinic ame'atat, mamalatix a yac awich' muquel.

Números 25:1

Te Israel c'alal ayic ta Sitim a hahch yic' yantsimbeyic te yantsil-nich'nab moabetic,

Números 31:1

Te Jehová la yalbe te Moisés:

Deuteronomio 4:22

Ya xchamon hilel li' ta q'uinal ini, ma ba ya sohlonix bahel ta Jordán, yan te ha'exe ya me sohlex bahel, ya me awu'untayic te lequil q'uinale.