Números 30:2 - Bible in Tzeltal Bachajón

² Teme ay mach'a ya schap sc'op ta stojol Jehová, o teme ay bin jc'axel ya yal ta jamal te ya spas, ma me sut sc'op; ya me spas spisil te bin yaloje.

Bible in Tzeltal de Oxchuc y Tenejapa

² te c'alal ay mach'a ya xchap sc'op ta stojol Dios, o teme ay bila jc'axel ya yal ta jamal te ya spase, ya me sc'an sc'otes te sc'ope, ya me spas spisil te bila yaloje.

Números 30:2 ပူးပေါင်းရင်းမြစ်များ

Job 22:27

Yac ac'opon, ha ya ya'iybat ac'op; soc yac apas te bin awaloj ta jamal.

Salmos 116:14

Ya jpas te bintic caloj ta stojol Jehová ta stojol spisil te pueblo yu'une.

Salmos 116:18

Ya jpas te bintic caloj ta stojol Jehová ta stojol spisil te pueblo yu'un,

Salmos 119:106

Ay bin caloj ta jamal, ya me jc'ohtes ta pasel, ha te ya jch'uhun spasel te bintic toj achapoje.

Salmos 15:3

ha te mach'a ma sle c'op, te mayuc bin chopol ya spasbe te spat-xuhc, soc te ma ba ya sbohlobtesbe sc'oblal;

Salmos 22:25

Ya xtal ta atojol te bin ya calbe yutsil sc'oblal yu'un ta yohlil te muc'ul tsoblej; te bin jchapoj ya cac' c'ohtuc ta pasel ta stojol te mach'atic ya yich'at ta muc'.

Salmos 50:14

Ha'uc me smahtan awu'un ta stojol Dios te yalbeyel wocol, soc pasa te bin awalbeyej ta jamal te Dios te mero toyol ay.

Salmos 55:20

Te mach'a chopol ya shach sc'ab ta scontrahinel te mach'atic pajal lamal yo'tan sbahic soc; ya slajimbe sc'oblal te chapbil-c'op yu'unique.

Salmos 56:12

Dios cu'un, ay ta jtojol te bintic calbeyejat ta jamal; ya ca'bat amahtan yu'un yalel wocol ta atojol,

Salmos 76:11

Chapa ac'opic soc Jehová te Dios awu'unic soc c'ohtesahic ta pasel; spisilic te ayic ta sjoyobal ac'a yich'ic tal mahtaniletic ta stojol te Mach'a ay ta xi'el.

Éxodo 20:7

Ma me xatojoltabe ta halel sbihil te Jehová te Dios awu'un, como te Jehová ma ba ya yal te mayuc smul te mach'a ya stojoltabe ta halel te sbihile.

Proverbios 20:25

Ha syacol ya xc'oht te winic teme ma ba nopbil yu'un te bin ya sch'ultes, teme patil ya snop ta lec.

Levítico 5:4

Teme ay mach'a ora nax ay bin jc'axel ya stojol lom ta halel te ya spas, teme lec o teme ma lecuque, biluc a te jc'axel ya yal ta ora nax, te ma nahiluc ya snop ta lec, teme ma ba ya sna' ta ora, pero teme patilix ya sna'e, stahojix smul, chican biluc a te ya slom ta halele.

Nahúm 1:15

¡Ilawil, tey ta sba witsiltic ay te yoc te mach'a ya yich' tal te lec yach'il c'op, te ya yalbe sc'oblal te lamal q'uinale! Pasa te q'uinetic awu'un, Judá, c'ohtesa ta pasel te bintic awaloj ta jamal, como mayuquix bin ora ya yochintayat te mach'a chopol yo'tan; jc'axel la yich'ix lajinel.

Números 21:2

Ha yu'un te Israel hich la yalbeyic ta jamal te Jehová: Teme yac awac'ticlan ta jc'abcotic te nación ini, jc'axel me ya jlajimbecotic te pueblohetic yu'une, xchihic.

Números 30:10

Teme ay ants te schapoj sc'op ta sna smamalal, o te jc'axel yaloj te ay bin ya spas,

Números 32:24

Pasahic pueblohetic yu'un te anich'nabic soc corraletic yu'un te tuminchijetic soc tentsunetic awu'unic, soc c'ohtesahic ta pasel te bin awalojic, xchi te Moisés.

San Mateo 23:16

¡Ay me awocolic, ts'o'sit jtojobteswanejex! te hich yac awalic: Teme ay mach'a ay bin ya yal ta jamal ta scuenta te Templo, mayuc sc'oblal c'ohem; yan teme ay mach'a ay bin ya yal ta jamal ta scuenta te oro yu'un te Templo, ya me sc'ohtes ta pasel, xchihex.

San Mateo 23:18

Soc hich yac awalic: Teme ay mach'a ay bin ya yal ta jamal ta scuenta te scajtajib ta chiq'uel mahtanil, mayuc sc'oblal c'ohem; yan teme ay mach'a ay bin ya yal ta jamal ta scuenta te mahtanil ay ta sba, ya me sc'ohtes ta pasel, xchihex.

Hechos 23:12

C'alal sacub q'uinal, ay la stsob sbahic judíohetic ta schapbeyel sc'oblal ta milel te Pablo, soc la yalic ta jamal ta scuenta chopol c'oblalil te ma ba ya xwe' x'uch'ic ha to teme la smilic te Pablo.

Hechos 23:14

Ha baht sc'oponic te principal sacerdotehetic soc te mamaletic, hich la yalic: Te ho'otcotic, calojcotic ta jamal ta scuenta chopol c'oblalil te ma ba ya xwe' x'uch'otcotic ha to teme la jmilcotic te Pablo.

Hechos 23:21

Pero ma me xach'uhumbe sc'opic, como c'axem ta cha'winic (40) ta tuhl winiquetic te ya xtal smacliyic ta be; yalojic ta jamal ta scuenta chopol c'oblalil te ma ba ya xwe' x'uch'ic ha to teme la smilic te Pablo. Chapaliquix, yac smahliybelic ya xloc' ac'op, xchi.

2 Corintios 1:23

Ya cac' ta testigo cu'un te Dios te ha ta scuenta sna'beyel yo'bolil abahic te ma to ba c'axemon ta Corinto.

Jueces 11:11

Ha yu'un te Jefté baht soc te mamaletic yu'un Galaad, te pueblo la yotsesic ta jtsobaw soc jcuentahinwanej yu'unic. Te Jefté la yal ta stojol Jehová ta Mizpa spisil te bintic la yalixe.

Jueces 11:39

C'alal ts'acay te cheb u, suht tal ta stojol te state. Ha la spas te bin jc'axel yaloj ta jamal te ya spase. Mayuc bin ora tahot ta winic te ach'ixe.