Números 3:9 - Bible in Tzeltal Bachajón

⁹ Ya me awac'ticlambe te levitahetic ta stojol te Aarón soc te snich'nabe, como ta yohlil te snich'nab Israel ha'ic te jc'axel a'botic ta stojol.

Bible in Tzeltal de Oxchuc y Tenejapa

⁹ Parte xawac' te levitaetic te ayic ta yolil te israeletic, swenta yu'un ya me yat'elinic abatinel ta stojol Aarón soc te sts'umbale.

Números 3:9 ပူးပေါင်းရင်းမြစ်များ

1 Crónicas 15:2

Hich la yal te David: Ha nax te levitahetic te ya yich'ic bahel te scaxahul te chapbil-c'op yu'un Dios, como ha tsahbilic yu'un Jehová yu'un ya yich'ic bahel te scaxahul te chapbil-c'op yu'un Jehová, soc ayic ta a'batinel yu'un spisil ora stuquelic, xchi.

1 Crónicas 6:33

Ha'ic te c'ayojinic soc te snich'nabic: Ta sts'umbal Coat, ha te jc'ayoj Hemán snich'an Joel, snich'an Samuel,

Esdras 2:43

Te a'batetic ta templo hich ay: te sts'umbal Ziha, Hasufa, Tabaot,

Esdras 6:18

La schahpanic te sacerdotehetic te ya sjelticlan sbahic ta chahpalchahp, soc te levitahetic ta chahpalchahp yu'un ya spasic ya'telic ta stojol Dios ta Jerusalén, hich te bin ut'il ts'ihbabil ta libro yu'un Moisés.

Esdras 8:20

Soc te a'batetic yu'un te Templo te otsesotic ta a'tel yu'un te David soc te príncipaletic te ya scoltayic ta a'tel te levitahetic, ha buhluchwinic (220) ta tuhl te ts'ihbabil sbihilic. Spisilic loc' sbihilic ta tuhlultuhl.

Números 16:9

¿Yu'un bal ma tic'uquex a te la stsahex te Dios yu'un Israel ta yohlil te pueblo yu'un te snich'nab Israel, te la yiq'uex tal ta stojol yu'un yac apasic te a'tel ta nahilpac' yu'un Jehová soc te ya xtehc'ajex ta stojol te pueblo ta scoltaylanel?

Números 18:2

Ic'ticlana tal ta atojol te awermanotac, ha te jchahp sts'umbal atat Leví, yu'un ya scoltayex te c'alal yaquex ta a'tel ta stojol te Nahilpac' yu'un te Testigo-c'op.

Números 3:8

Ya scanantayic spisil te biluquetic yu'un te Nahilpac' Templo yu'un tahojibal, soc ya spasic spisil te bin a'botic spasic ta scuenta te snich'nab Israel ta banti te a'tel ta Nahilpac' Templo.

Números 8:14

Hich parte yac awac' te levitahetic ta yohlil te snich'nab Israel, ha cu'un ya xc'ohtic te levitahetique.

Números 8:16

Jc'axel ac'bilic ta jcuenta te levitahetic ta yohlil te snich'nab Israel scuenta sjelol spisil ba-alal queremetic; la jquiq'uix scuenta sjelol te ba-alal queremetic yu'un spisil te snich'nab Israel.

Números 8:18

Ha quic'oj te levitahetic scuenta sjelol spisil te ba-alal queremetic yu'un te snich'nab Israel.

Números 8:19

Ho'on la jtsa te levitahetic ta yohlil te snich'nab Israel, la jcac'ticlambe scuenta smahtan te Aarón soc snich'nab yu'un ya x'a'tejic ta Nahilpac' Templo yu'un tahojibal ta scuenta te snich'nab Israel, soc te ya yaq'uic te stojel mulil yu'un te snich'nab Israel, scuenta yu'un mayuc tulan chamel ya xc'oht ta stojolic te c'alal ya xnohpojic tal ta ch'ul awilal, xchi.

Efesios 4:11

Ha nix te la yac' te ay jpuc-c'opetic, jalwanejetic, te mach'atic ya yalic te lec yach'il c'op, pastoretic soc p'ijubteswanejetic,

Efesios 4:8

Ha scuentahil te hich ya yal: C'alal mo bahel ta toyol, la yic' bahel jchuqueletic, soc la yac'ticlambe mahtaniletic te winiquetic, te xchihe.