Números 3:7 - Bible in Tzeltal Bachajón

⁷ Ha ya yac' sbahic ta a'batinel yu'un soc yu'un spisil te pueblo ta Nahilpac' Templo yu'un tahojibal, ta scuenta spasel a'tel ta Nahilpac' Templo.

Bible in Tzeltal de Oxchuc y Tenejapa

⁷ Ya me yac' sbaic ta abatinel ta stojol Aarón soc spisil te lum ta Nailpac' te bay ya quich' c'oponele. Ja' me ya x'och ta swentaic te abatinel ta ch'ul awilal.

Números 3:7 ပူးပေါင်းရင်းမြစ်များ

1 Crónicas 26:20

Ta yantic levitahetic, ay ta scuenta Ahías scanantayel te c'ulejalil yu'un te sna Dios soc te c'ulejalil yu'un te bin ch'uhltesbilic.

1 Crónicas 26:22

Te snich'nab te Jehiel, Zetam soc te yermano Joel, ay ta scuentahic scanantayel te c'ulejalil yu'un te sna Jehová.

1 Crónicas 26:26

Te Selomit soc te yermanotac ay ta scuentahic spisil te c'ulejalil te ch'ultesbil te ac'bil yu'un te ajwalil David, te jtsobawetic yu'un chahpalchahp sna sme'static, te capitanetic yu'un jujumil (1,000) soc ho'ho'winic (100), soc te jtsobawetic yu'un te soldadohetique.

Levítico 8:35

Ya x'ayinex huqueb c'ahc'al soc huqueb ahc'abal ta stojol te yochibal te Nahilpac' Templo yu'un tahojibal soc ya me ach'uhunic spasel te bin la yal ta mandar te Jehová, scuenta yu'un ma ba ya xchamex; como hich pasbilon ta mandar yu'un, xchi.

Números 1:50

ya me awa'be scuentahinic te levitahetic te Nahilpac' yu'un te Testigo-c'op soc spisil sbiluc soc bintic ya xtuhun tey a. Ha ya sq'uechic bahel te Nahilpac' Templo soc spisil sbiluc, ya scuentahinic soc ya yac' snahilpaq'uic ta sjoyobal te Nahilpac' Templo.

Números 1:53

Yan te levitahetic ha ya spasic snahilpaq'uic ta sjoyobal te Nahilpac' yu'un te Testigo-c'op, scuenta yu'un ma ba ya xtal ilimba ta stojol te pueblo yu'un te snich'nab Israel. Ha me te levitahetic te ya scanantayic te Nahilpac' yu'un te Testigo-c'op, xchi.

Números 3:32

Te jolal yu'un te jtsobawetic yu'un te levitahetic, ha te Eleazar snich'an te sacerdote Aarón; ha jtsobaw yu'un te mach'atic ay ta scuenta scanantayel te ch'ul awilal.

Números 3:8

Ya scanantayic spisil te biluquetic yu'un te Nahilpac' Templo yu'un tahojibal, soc ya spasic spisil te bin a'botic spasic ta scuenta te snich'nab Israel ta banti te a'tel ta Nahilpac' Templo.

Números 31:30

Ta j'ohlil yu'un te snich'nab Israel ya me aloq'ues jun ta lajuneb yoxwinic (50) yu'un te jchuqueletic, wacaxetic, burrohetic, tuminchijetic soc tentsunetic, spisil te chambahlametic, ha me yac awa'beyic te levitahetic te ya scanantayic te Nahilpac' yu'un Jehová, xchi.

Números 8:11

Te Aarón ya yac' ta stojol Jehová te levitahetic scuenta tuchilambil mahtanil yu'un te snich'nab Israel, hich ya spasbeyic a te ya'tel te Jehová.

Números 8:15

Ta patil te lecubtesbil sc'oblalic soc te ac'ticlambilic scuenta mahtanil, ya xtalic ta a'tel ta Nahilpac' Templo yu'un tahojibal.