Números 28:4 - Bible in Tzeltal Bachajón

⁴ Jcoht yac awac' ta sab, jcoht ta xtibiltay;

Bible in Tzeltal de Oxchuc y Tenejapa

⁴ Jcojt' me ya yich' milel ta sab, soc jcojt' ta mal c'aal.

Números 28:4 ပူးပေါင်းရင်းမြစ်များ

1 Reyes 18:29

C'ax ta ohlil c'ahc'al, tey noc'olic ta aw a c'alal ta yorahil yaq'uel te milbil mahtanil, pero mayuc chicnaj sc'op, mayuc mach'a la sjac', mayuc mach'a la yich' ta cuenta.

1 Reyes 18:36

C'alal la sta yorahil te ya yich' aq'uel te scohtol chic'bil mahtanil, te jalwanej Elías nohpoj bahel, hich la yal: ¡Jehová, Dios yu'un Abraham, Isaac soc Israel, ac'a ta na'el yo'tic te ha'at Diosat ta Israel soc te ho'on awa'baton, soc te ta scuenta amandar te hich yacon ta spasel!

1 Crónicas 16:40

yu'un spisil ora ya yaq'uic scohtol chic'bil mahtaniletic ta stojol Jehová ta scajtajib yu'un, ta sab soc ta tibiltic, hich te bin ut'il ts'ihbabil hilel ta mandariletic yu'un Jehová, te la ya'be te Israel.

Salmos 141:2

Ac'a mohuc bahel ta atojol hich te bin ut'il pom te bin ya calbat; te jc'ab te jachoj mohel ta atojol hich ac'a c'ohtuc te bin ut'il milbil mahtanil ta tibiltic.

Éxodo 12:6

Ya me acanantayic ha to c'alal ta schanlajunebal (14) c'ahc'al te u ini, ha yorahil a te spisil te pueblo Israel ya smilic te chambahlam ta stibiltayel q'uinal.

Daniel 9:21

c'alal yacon to ta sc'oponel Dios a, te Gabriel, te winic te la jquil ta nahalsit ta nahil, ahnimal tal ta wihlel ta banti ayon ta yorahil aq'uel te milbil mahtanil ta tibiltic.

Joel 1:13

Lapahic pac' yu'un mel-o'tan, oc'anic, sacerdotehetic, ahcanajanic, ha'ex te ya x'a'tejex ta scajtajib ta chiq'uel mahtanil; la'ic, wayanic ta pac' yu'un mel-o'tan, ha'ex te ya x'a'tejex ta stojol te Dios cu'une; como loq'uemiquix ta sna te Dios cu'untic te mahtanil harina soc te malbil mahtanil.

Levítico 3:7

Teme ya yac' jcolel tuminchij scuenta mahtanil, ya me yac' ta stojol Jehová.

Números 28:3

Soc hich me xawalbe: Ha ini te chic'bil mahtanil te yac awa'beyic te Jehová: cha'coht tuminchijetic te jujun ya'bilal te mayuc bin jihnem yu'unic, scuenta scohtol chic'bil mahtanil jujun c'ahc'al.

Números 28:5

soc jun ta slajunebal efa lequil harina wots'bil soc jun ta schanebal hin aceite yu'un pits'bil oliva.

Números 9:3

Ya me apasic ta schanlajunebal (14) c'ahc'alel ta shahchibal u ini, ta yihc'ubel q'uinal, ta mero yorahil; hich me yac apasic te bin ut'il spisil bintic ya sc'an pasel soc hich te bin ut'il spisil te mandariletic yu'une, xchi.