Números 28:2 - Bible in Tzeltal Bachajón

² Pasa ta mandar te snich'nab Israel: Ya me awil te yac awa'bonic ta mero yorahil te mahtaniletic cu'un, ha te mahtaniletic scuenta sumet yic' te ya yich' chiq'uel ta jtojol.

Bible in Tzeltal de Oxchuc y Tenejapa

² —Pasa ta mandal te israeletique: “Ma me scom sbaic ta yaq'uel ta mero yorail te we'elil soc te milbil majt'aniletic, te ya yich' chiq'uel ta jujun q'uin, ja' te majt'aniletic te bujts'an yic' ta jtojole.

Números 28:2 ပူးပေါင်းရင်းမြစ်များ

Génesis 8:21

Te Jehová c'alal la ya'iy te sumet yic', la yal ta yo'tan: Ma xcaq'uix xan bohlobuc sc'oblal te lumq'uinal ta scaj te ants-winiquetic, como ta scolel sch'ihyelic to ya snopticlan ta yo'tanic te bintic chopol. Ma ba ya jlajinix spisil bintic cuxajtic hich te bin ut'il la jpasixe.

1 Crónicas 23:31

soc yaq'uel spisil te scohtol chic'bil mahtaniletic ta stojol Jehová ta sc'ahc'alel cux-o'tan, ta yach'il u, soc yantic q'uinetic te bayel sc'oblalic; ha chican jayebic soc te bintic ya spasic ta spisil ora ta stojol Jehová.

2 Crónicas 23:18

Patil te Joiada la yac' ta canantayel yu'un sacerdotehetic soc levitahetic te sna Jehová, hich te bin ut'il chapal yu'un David ta sna Jehová yu'un ya yaq'uic scohtol chic'bil mahtaniletic ta stojol Jehová, hich te bin ut'il ts'ihbabil hilel ta ley yu'un Moisés, soc ta sc'ayojtayel c'ayojetic ta scuenta yutsil yo'tanic, hich te bin ut'il schahpanej hilel te David.

2 Crónicas 31:3

Te ajwalil la yac' te bintic ay yu'un scuenta scohtol chic'bil mahtanil ta sab soc ta tibiltic, soc yu'un te sc'ahc'alel cux-o'tan, yach'il u soc yantic q'uinetic, hich te bin ut'il ts'ihbabil hilel ta ley yu'un Jehová.

Esdras 3:2

Te Jesúa snich'an Josadac soc te yermanotac sacerdotehetic, soc Zorobabel snich'an Salatiel soc te yermanotac, hahch spasic te scajtajib ta chiq'uel mahtanil yu'un te Dios yu'un Israel scuenta yu'un ya yich' aq'uel scohtol chic'bil mahtanil tey a hich te bin ut'il ts'ihbabil hilel ta ley yu'un Moisés te winic yu'un Dios.

Esdras 3:3

Aunque la xi'ic te mach'atic tey ayic a, la spasic te scajtajib ta chiq'uel mahtanil ta banti ay ta nahilal, ta jujun sab soc ta jujun tibiltic la yaq'uic scohtol chic'bil mahtaniletic tey a ta stojol Jehová.

Nehemías 10:34

Soc te sacerdotehetic, levitahetic soc spisil te pueblo la jpastic seña ta na'el mach'a sna te ya yich' tal mahtanil yu'un si' yu'un te sna te Dios cu'untic ta yorahil ta jujun ha'bil, scuenta yu'un ya yich' chiq'uel mahtaniletic ta scajtajib ta chiq'uel smahtan Jehová te Dios cu'untic, hich te bin ut'il ts'ihbabil ta Ley.

Salmos 81:3

Oq'uesinahic te corneta ta yach'il u, te c'alal ya sta yorahil ya sehp sba, ta sc'ahc'alel te muc'ul q'uin cu'untique;

Éxodo 23:15

Ya me apas te Q'uin yu'un Pan te ma ba yich'oj levadura. Hich te bin ut'il la jcalbat, huqueb c'ahc'al yac awe' pan te ma ba yich'oj levadura, ta yorahil te u yu'un Abib, como ha yorahil te loq'uex tal ta Egipto. Ma me ayuc mach'a jochol sc'ab ya xtal ta jtojol.

Éxodo 29:18

Ya me achic' scohtol te tat tuminchij ta scajtajib ta chiq'uel mahtanil; ha scohtol chic'bil mahtanil ta stojol Jehová te sumet yic', ha chic'bil mahtanil ta stojol Jehová.

Ezequiel 16:19

Ha nix hich te we'elil te la jca'bat, te lequil harina, aceite soc chab te la jmac'linat a, la awac' ta stojolic scuenta sumet yic'; hich ay, xchi te Jehová, te Ajwalil.

Ezequiel 20:41

Lec ya xc'ohex ta jtojol hich te bin ut'il pom te sumet yic', te c'alal ya jloq'uesex tal ta yohlil te pueblohetic, te c'alal ya jtsobex tal ta q'uinaletic te banti puhquemex bahele; soc ya cac' ta ilel ta stojol te nacionetic te ho'on Ch'ul Dioson ta awohlilic.

Ezequiel 45:17

Yan te príncipal ay ta scuenta yaq'uel te scohtol chic'bil mahtaniletic, mahtanil harina soc te malbil mahtanil ta yorahil te muc'ul q'uinetic, ta yuhninal u, ta sc'ahc'alel cux-o'tan soc ta spisil te q'uinetic yu'un Israel. Ha me ya yac' te milbil mahtaniletic yu'un stojel mulil, mahtaniletic harina, scohtol chic'bil mahtaniletic, soc te mahtaniletic yu'un lamal-o'tanil yu'un ya xpasbot perdón yu'un smul a te sna Israel.

Levítico 1:13

Ya yich'ic poquel ta ha' te sbiquil soc te ya'; te sacerdote ya schic' spisil ta sba te scajtajib ta chiq'uel mahtanil; ha scohtol chic'bil mahtanil, ha chic'bil mahtanil te sumet yic' ta stojol Jehová.

Levítico 1:17

Ya sjepbe ta xic', pero ma ba ya sloq'ues cheb a. Te sacerdote ya schic' ta scajtajib ta chiq'uel mahtanil ta sba te si' yac ta tihlel; ha scohtol chic'bil mahtanil, ha chic'bil mahtanil te sumet yic' ta stojol te Jehová.

Levítico 1:9

Ya yich'ic poquel ta ha' te sbiquil soc te ya', te sacerdote ya schic' spisil ta sba te scajtajib ta chiq'uel mahtanil. Ha scohtol chic'bil mahtanil, ha chic'bil mahtanil te sumet yic' ta stojol Jehová.

Levítico 21:6

Ch'uhltesbilic me ta stojol te Dios yu'unic, ma me xyac' bohlobuc sc'oblal te sbihil te Dios yu'unic, como ha ya yaq'uic te chic'bil mahtaniletic ta stojol Jehová, ha te we'elil yu'un te Dios yu'unique. Ha yu'un ya sc'an te ch'ultesbilique.

Levítico 21:8

Ch'ultesbiluc me ya xc'oht awu'un, como ha ya yac' te we'elil yu'un te Dios awu'une. Ch'ultesbiluc me ta atojol, como ho'on, Jehovahon, ch'ul Dioson te ya jch'ultesex.

Levítico 3:11

Te sacerdote ya schic'ticlan ta scajtajib scuenta mahtanil we'elil te ya yich' chiq'uel ta stojol Jehová.

Malaquías 1:12

Pero ha'ex yac abohlobtesbe sc'oblal te c'alal hich yac awalic: Bohloben sc'oblal te mesa yu'un te Jehová, te xchihex, soc te c'alal yac awalic te p'ajbil te we'elil yu'une.

Malaquías 1:7

Ha te yac awaq'uic ta scajtajib jmahtan te we'elil te bohloben sc'oblale. Pero ya to awalic: ¿Bin a te ma ba quich'ojatcotic ta muc' yu'un? xchihex. Ha te yac awalic te p'ajbil te mesa cu'une.

Números 15:24

teme ma yolojuc a te hich ya spas te pueblohe, spisil te pueblo ya me yaq'uic jcoht toro scuenta scohtol chic'bil mahtanil te sumet yic' ta stojol Jehová, soc mahtanil harina soc malbil mahtanil yu'un, hich te bin ut'il ay ta pasel, soc ya me yaq'uic jcoht tat tentsun scuenta stojel mulil.

Números 15:3

soc c'alal yac awa'beyic chic'bil smahtan te Jehová, teme scohtol chic'bil mahtanil, milbil mahtanil yu'un toro, tuminchij o tentsun, mahtanil yu'un bin la yich' chapel, mahtanil scuenta sc'anojel awo'tan, o teme yac awac' bin sumet yic' ta stojol Jehová ta yorahil q'uinetic awu'unic,

Números 15:7

soc te vino yu'un te malbil mahtanil ya me awac' jun ta yoxebal hin, scuenta sumet yic' ta stojol Jehová.

Números 28:1

Te Jehová hich la yalbe te Moisés:

Números 29:39

Ha te mahtaniletic yac awa'beyic Jehová ta yorahil te q'uinetic awu'unic, soc te mahtaniletic yu'un te bin achapojic soc te ta sc'anojel awo'tan yac awaq'uic, te scohtol chic'bil mahtaniletic, mahtaniletic harina, malbil mahtaniletic, soc mahtaniletic yu'un lamal q'uinal awu'unic, xchi te Jehová.

Números 9:13

Yan te mach'a lec sc'oblal soc te ma namaluc yac ta behel, teme ma ba ya spas te Q'uin Pascua, ya me yich' loq'uesel ta yohlil te slumale. Ha ya scuch smul ta scaj te ma ba la ya'be smahtan te Jehová ta yorahil.

Números 9:7

hich la yalbeyic: Te ho'otcotic ma lecuc jc'oblalcotic ta scuenta te mach'a chamen. ¿Bin yu'un te ma xhu' te pajal ya ca'becotic smahtan Jehová soc te yantic snich'nab Israel ta yorahil? xchihic.

2 Corintios 2:15

Como ta stojol Dios ha sumet yic' Cristo c'ohemotic ta stojol te mach'atic ya xcolic soc te mach'atic ya xch'ayique.

Efesios 5:2

C'ux me xawa'iy abahic spisil ora, hich te bin ut'il c'ux la ya'iyotic te Cristo soc te la yac' sba ta lajel ta jcuentatic, te ha milbil smahtan Dios te sumet yic' c'ohem ta stojol.

Filipenses 4:18

Yo'tic ts'acal la jquich'ix, ayix bayel bin ay cu'un; lequix ayon, te bin ut'il la jquich'beyix ta sc'ab te Epafrodito te bin la aticonic tal, ha mahtanil te sumet yic', ha milbil mahtanil te lec yo'tan Dios yu'une.