Números 27:18 - Bible in Tzeltal Bachajón

¹⁸ Te Jehová la yalbe te Moisés: Ic'a tal te Josué snich'an Nun, te jtuhl winic te ay yip yo'tan, cajambeya ac'ab ta sjol.

Bible in Tzeltal de Oxchuc y Tenejapa

¹⁸ Te Cajwaltic la sjac'bey sc'op te Moisese: —Ja' te Josué te snich'an Nun te yich'oj te espíritue, ja' x'awic' ta atojol, cajanbeya ac'ab ta sjol.

Números 27:18 ပူးပေါင်းရင်းမြစ်များ

Génesis 41:38

Ha yu'un te faraón la yalbe te a'batetic yu'un: ¿Banti c'an jtatic te mach'a hich yo'tan te bin ut'il te winic ini, te yich'oj te espíritu yu'un te Diose? xchi.

1 Crónicas 7:27

Nun soc Josué.

Éxodo 17:9

Te Moisés la yalbe te Josué: Tsaha winiquetic, bahan a'beya guerra te Amalec. Pajel ho'on ya jtehc'an jba ta ba tsehl soc ya jtsacbe te snahbate' te Diose, xchi.

Daniel 5:14

La jca'iybat ac'oblal te ay ta awo'tan te espíritu yu'un te ch'ul diosetic, te yac ana' q'uinal, ay bin yac ana' soc te ay bayel sp'ijil awo'tan.

Números 11:17

Ya xcohon tal soc ya jc'oponat tey a; ya quich'bat j'ohliluc te espíritu awich'oj, ya ca'be te mamaletic, hich ya scoltayat ta scuchel te pueblo te al ta cuchel, scuenta yu'un ma atuqueluc yac acuch a.

Números 13:16

Ha sbihilic te winiquetic la sticon bahel te Moisés ta stsahtayel te q'uinale. Te Oseas snich'an Nun, a'bot sbihil Josué yu'un te Moisés.

Números 13:8

ta jchahp yu'un Efraín, ha Oseas snich'an Nun;

Números 27:23

La scajambe sc'ab ta sjol, la ya'be yich' ya'tel, hich te bin ut'il pasot ta mandar yu'un Jehová te Moisés.

San Juan 3:34

como te mach'a ticombil tal yu'un Dios, ha ya yal te sc'op te Diose, como ma p'isbiluc nax ya yac' te Espíritu te Diose.

Hechos 13:3

Hich, te c'alal laj scombel swe'elic soc sc'opombelic Dios yu'un, la scajambe sc'abic ta sjolic soc la sticonic bahel.

Hechos 19:6

C'alal te Pablo la scajanlambe sc'ab ta sjolic, hul ta stojolic te Ch'ul Espíritu; hahchic ta c'op ta yantic c'opiletic soc la yalic sc'op-jalwanej.

Hechos 6:3

Ha yu'un quermanotac, lehahic huctuhl winiquetic ta awohlilic te lec sc'oblalic, te nojel ta yo'tanic te Ch'ul Espíritu soc te ay sp'ijil yo'tanic, ha me ya ca'betic scuentahinic te a'tel ini.

Hechos 6:6

La stehc'ambeyic ta stojol te jpuc-c'opetic, te ha la sc'opombeyic Dios soc la scajanlambe sc'abic ta sjolic.

Deuteronomio 1:37

Soc te Jehová ilin ta jtojol ta acuentahic, hich la yalbon: Ha nix hichat ma ba ya x'ochat tey a.

Deuteronomio 3:21

Soc ha yorahil a te hich la jpas ta mandar te Josué: Ta asit nix la awil spisil te bintic la spasticlambe te cheb ajwaliletic te Jehová te Dios awu'unique; hich ya spasticlambe te yantic ajwaliletic te banti ya xc'axate.

Deuteronomio 3:28

Pasa ta mandar te Josué, a'beya smuc'ul yo'tan soc yip yo'tan, como ha ya yic' bahel te pueblo ini soc ha ya ya'be yich'ic te q'uinal yac awil yo'tic, xchi.

Deuteronomio 31:14

Te Jehová hich la yalbe te Moisés: Ilawil, nopolix yorahil te ya xchamat. Ic'a tal te Josué, mahliyahic ta Nahilpac' Templo yu'un tahojibal scuenta yu'un ya ca'be yich' ya'tel, xchi. Hich te Moisés soc Josué baht smahliyic ta Nahilpac' Templo yu'un tahojibal.

Deuteronomio 31:23

Patil te Jehová hich la spas ta mandar te Josué snich'an Nun: Ac'a me fuersa soc ayuc me yip awo'tan, como ha'at yac awic' ochel te snich'nab Israel tey ta q'uinal te jc'axel la jcalbeyic ta jamal te ya ca'beyique. Ho'on me ya joquinat, xchi sc'oblal.

Deuteronomio 31:3

Te Jehová te Dios awu'un ha me ya xnahilij bahel awu'un; ha ya slajinlan ta atojol te nacionetic ini, ya me awich'be te sq'uinalique. Ha ya xnahilij ta atojol te Josué, hich te bin ut'il la yalix te Jehová.

Deuteronomio 34:9

Te Josué snich'an Nun nojel ta yo'tan p'ijil-o'tanil, como te Moisés la scajambe sc'ab ta sjol. Te snich'nab Israel la sch'uhumbeyic smandar, hich la spasic te bin ut'il pasot ta mandar yu'un Jehová te Moisés.

1 Timoteo 4:14

Ma me xawac' pehc'ajuc te mahtanil awich'oj, te a'botat ta scuenta sc'op-jalwanej c'alal la scajambat sc'abic ta atojol ta schahpal te ancianohetique.

1 Timoteo 5:22

Ma me ayuc mach'a te ora nax yac acajan ac'ab ta stojol, soc ma me xawac' aba a te mach'a ay smul; tojuc me x'ayinat.

Hebreos 6:2

snopbeyel sc'oblal ich'-ha', scajanel c'abal ta stojol yan, te cha'cuxajel yu'un mach'atic chamenic, soc castigo scuenta sbahtel q'uinal.

Josué 1:17

Ya jch'uhumbatcotic ac'op hich te bin ut'il la jch'uhumbecotic sc'op te Moisés; ha nax ac'a sjoquinat te Jehová te Dios awu'un hich te bin ut'il la sjoquin Moisés.

Jueces 11:29

Hich te Jefté u'untayot yu'un te espíritu yu'un Jehová, hich c'ax bahel ta Galaad soc ta Manasés, soc c'ax xan bahel ta Mizpa te ay ta Galaad, baht ta stojol te amonetique.

Jueces 3:10

Te Otoniel u'untayot yu'un te espíritu yu'un Jehová, ha juez c'oht yu'un Israel soc loc' bahel ta guerra. Te Jehová la ya'be ta sc'ab Otoniel te Cusan-risataim ajwalil yu'un Siria, la ya'be stsal te Cusan-risataim.

1 Samuel 16:18

Ha yu'un ay jtuhl ya'bat te hich la yal: Ay quiloj jtuhl snich'an Isaí ta Belén te ya sna' stijel te arpa, ay yip yo'tan soc ya sna' yaq'uel guerra, lec ya xc'opoj, t'ujbil soc joquimbil yu'un Jehová, xchi.