Números 27:16 - Bible in Tzeltal Bachajón

¹⁶ Jehová, Diosat yu'un scuxlejal spisil bintic cuxajtic, tsaha jtuhluc winic te ya scuentahin te pueblo,

Bible in Tzeltal de Oxchuc y Tenejapa

^16-17 —Te Diosat te Ajwalilat cu'untique, te ya awac'bey xcuxlejal spisil te ants-winiquetic, ja'at me ya ale jtul winic te ya stejc'an sba ta stojol te lum awu'une. Ja' me ya yic' bael ta spisil ta bayuc, swenta yu'un ma jichuc nax ya xpujq'uic bael, jich bit'il chijetic te ma'yuc mach'a ya xcanantayotic yu'une —xi' te Moisese.

Números 27:16 ပူးပေါင်းရင်းမြစ်များ

1 Reyes 5:5

Ha yu'un jnopoj te ya jpas na yo'tic yu'un te sbihil te Jehová te Dios cu'un, hich te bin ut'il halbot yu'un Jehová te jtat David, te hich la yal: Te anich'an te ya cac' huhcajuc ta ahuctajib ta ajelol, ha ya spas na ta scuenta yich'el ta muc' te jbihile, te xchihe.

2 Reyes 11:8

Yac ajoy abahic ta sjoyobal te ajwalil, tuhlultuhl atsacoj ta ac'abic te awa'tejibic yu'un guerra. Mach'ayuc a te ya sc'an ya x'och bahel banti acholoj abahic, ya me xlaj. Ya me ajoquinic te ajwalil c'alal ya xloc' bahel soc te c'alal ya x'och talel, xchi.

Eclesiastés 12:7

o te ya suht xan bahel ta lumq'uinal te ts'ubilum, hich te bin ut'il ay ta nahil to, soc te ch'uhlelal ya suht xan bahel ta stojol Dios te ha nix a'bibil yu'une.

Jeremías 3:15

Ya ca'beyex jcananetic te lec co'tan yu'unic, te ya stojobtesex bahel soc sp'ijil yo'tanic soc ta scuenta bintic ay ta na'el.

Jeremías 32:27

Ho'on Jehovahon, te Dioson yu'un spisil te bintic cuxajtic. ¿Ay bal bin wocol ta pasel cu'un?

Jeremías 38:16

Pero te ajwalil Sedequías muquen la yal ta jamal ta stojol Jeremías: ¡Yiloj Jehová te la ya'botic jcuxlejaltic, ma ba ya jmilat soc ma ba ya cac'at ta sc'abic te winiquetic te ya slehbelat acuxlejal! xchi.

Ezequiel 18:4

Ho'on cu'un spisil ch'uhlelal: te scuxlejal te me'iltatil soc te scuxlejal te al-nich'anil. Te mach'a ya sta smul, ha me ya xlaj.

Ezequiel 34:23

Ya ca'beyic jtuhl jcanan te ya scanantay, ha te ca'bat David; ya scanantay, ha jcanan yu'unic ya xc'oht.

Ezequiel 37:24

Ha ajwalil yu'unic ya xc'oht te ca'bat David, jtuhl nax jcanan ay yu'unic spisilic. Ya st'unic te mandariletic cu'un soc ya sch'uhunic spasel te chapbil mandariletic cu'une.

Números 16:22

Pero te Moisés soc Aarón la spahcan sbahic c'alal ta lum, hich la yalic: ¡Diosat, Diosat yu'un te scuxlejal spisil ch'ich'-baq'uet! ¿ma bal jtuhluc nax winic te la sta smul? ¿Bin yu'un ilinat ta stojol spisil te pueblo? xchihic.

Números 27:15

Te Moisés la yalbe te Jehová:

San Mateo 9:38

Ha yu'un c'ambeyahic te Yajwal awal-ts'unubil te yacuc sticonlan j'a'teletic ta stsobel, xchi.

San Juan 10:11

Ho'on te lequil jcanan-tuminchijon; te lequil jcanan-tuminchij ya yac' scuxlejal ta scuenta te tuminchijetique.

Hechos 20:28

Ha yu'un canantaya abahic soc canantayahic spisil te tuminchijetic te awich'oj awa'telic ta obispo ta scuenta te Ch'ul Espíritu, scuenta yu'un yac amac'linic te iglesia yu'un te Cajwaltic, te ha la sman ta scuenta sch'ich'el,

Deuteronomio 31:14

Te Jehová hich la yalbe te Moisés: Ilawil, nopolix yorahil te ya xchamat. Ic'a tal te Josué, mahliyahic ta Nahilpac' Templo yu'un tahojibal scuenta yu'un ya ca'be yich' ya'tel, xchi. Hich te Moisés soc Josué baht smahliyic ta Nahilpac' Templo yu'un tahojibal.

Hebreos 12:9

La jquich'tic tojobtesel yu'un te jtatic ta bahlumilal, soc la jquich'tic ta cuenta. ¿Bin yu'un ma ba c'ax hich ya quich'tic ta cuenta a te Jtatic ay ta ch'ulchan, te hich ya xcuxajotic ahe?

1 Samuel 12:13

Li' ayix te ajwalil te tsahbil awu'unic, te c'ambil awu'unique. Ilawilic, te Jehová la ya'beyex jtuhl ajwalil.