Números 26:11 - Bible in Tzeltal Bachajón

¹¹ Pero te snich'nab Coré ma ba lajic stuquel.

Bible in Tzeltal de Oxchuc y Tenejapa

¹¹ Ja'uc me to, te snich'nab Coré ma ba laj stuquelic.

Números 26:11 ပူးပေါင်းရင်းမြစ်များ

1 Crónicas 6:7

te Meraiot, ha snich'an te Amarías; te Amarías, ha snich'an te Ahitob;

1 Crónicas 9:19

Te Salum snich'an Coré, snich'an Ebiasaf, snich'an Coré, soc spisil te yermanotac te ha sts'umbal Coré, ay ta scuentahic scanantayel yochibal te Nahilpac' Templo, hich te bin ut'il la spasic ta namey te static, te la scanantayic te yochibal campamento yu'un Jehová.

Salmos 42:1

Hich te bin ut'il xtaston ta slehel yuch' ha' te chij, hich ya slehat te jch'uhlel, Dios cu'un.

Salmos 44:1

Dios cu'un, ca'iyej ta jchiquincotic, la yalbotcotic te me'iltatiletic cu'uncotic te bin la apas te c'alal cuxulic a, ha te bin la apas ta namey.

Salmos 45:1

Nojel t'ujbil c'op ta co'tan; ya xc'ayojinon ta stojol te ajwalil; te cac' ha c'uc'um c'ohem yu'un te mach'a mero ya sna' ts'ihbajel.

Salmos 46:1

Te Diose ha ahnibal cu'untic soc ha quiptic, ha ya scoltayotic ta ora te c'alal ay jwocoltic.

Salmos 47:1

¡Pac'a ac'abic apisilic, pueblohetic! ¡Soc yutsil awo'tanic halbeyahic yutsil sc'oblal te Diose!

Salmos 48:1

Muc' te Jehová, soc ha snuhp' te ya yich' halbeyel yutsil sc'oblal ta muc'ul pueblo yu'un te Dios cu'untic, ta ch'ul wits yu'un.

Salmos 49:1

A'iya awa'iyic ini, ta apisilic pueblohetic; a'iya awa'iyic ta apisilic te nahinemex ta bahlumilal,

Salmos 50:1

Te Dios yu'un yantic diosetic, te Jehová, ha c'opojix soc la yic'ticlanix tal te mach'atic ayic ta bahlumilal c'alal banti ya xloc' tal c'ahc'al ha to c'alal ta smahlib c'ahc'al.

Éxodo 6:24

Te snich'nab Coré: ha te Asir, Elcana soc Abiasaf. Ha te sts'umbalic te corehetic.

Números 16:27

Ha yu'un loq'uic bahel ta banti ay snahilpaq'uic te Coré, Datán soc Abiram. Te Datán soc Abiram loq'uic tal stehc'an sbahic ta yochibal te snahilpaq'uic soc yihnamic, snich'nabic soc tut alaletic yu'unic.

Números 16:32

la sjam sba te lum, la sbic'ticlan cohel soc snahic soc spisil smohloltac te Coré soc spisil bintic ay yu'unic.

Números 16:33

Ha'ic soc spisil bintic ay yu'unic cuxulic a cohic bahel ta yawil chamen ants-winiquetic; la smac xan sba te lum, hich ch'ayic bahel ta yohlil te pueblo.

Números 16:5

La yalbe te Coré soc spisil te mach'a sjoquinejic: Pajel te Jehová ya me yac' ta ilel mach'a a te ha yu'un soc te ch'ultesbil, ha ya yac' te ya xnohpoj tal ta stojol. Te mach'a tsahbil yu'un, ha ya yac' ya xnohpoj tal ta stojol.

Números 26:12

Te jujutsohb snich'nab Simeón: ta scuenta Nemuel, ha te nemueletic; ta scuenta Jamín, ha te jaminetic; ta scuenta Jaquín, ha te jaquinetic;

Deuteronomio 11:6

te bin la spasbe te Datán soc te Abiram snich'nab Eliab, te snich'an Rubén; bin ut'il la sjam sba te lum soc bic'otic cohel mach'atic ay yu'unic, te snahilpaq'uic soc spisil schansbahlamic, ta yohlil spisil Israel.

Deuteronomio 24:16

Te tatiletic ma me xlajic yu'un smul te al-nich'aniletic, soc te al-nich'aniletic ma me xlajic yu'un smul te tatiletique; jujutuhl ya xlaj yu'un te smule.