Números 24:9 - Bible in Tzeltal Bachajón

⁹ Ya swuhts'an sba, ya spahcan sba hich te bin ut'il choj, hich te bin ut'il yantsilel choj, ¿mach'a ya stij hahchel? ¡Ayuc bayel bendición yu'un te mach'atic ya sc'ambat bendición, soc bohlobuc me sc'oblal te mach'a ya sbohlobtesbat ac'oblal! xchi.

Bible in Tzeltal de Oxchuc y Tenejapa

⁹ C'alal ya smejts'an sba ta xcuxel yo'tanic, jich yilel te bit'il león-choj: ma'yuc mach'a ya xjelaw ta stijel. Jelawen yutsil te mach'a ya sc'anbat bendición, ya me yich' castigo te mach'a ya sc'anbat castigo —xi' te Balaam.

Números 24:9 ပူးပေါင်းရင်းမြစ်များ

Génesis 12:3

Ya ca'be bendición te mach'a ya ya'bat bendición, soc ya jbohlobtesbe sc'oblal te mach'a ya sbohlobtesbat ac'oblal. Soc ha'at ta acuenta ya me yich' bendición spisil ants-winiquetic ta bahlumilal, xchi sc'oblal.

Génesis 27:29

Ac'a yac' sbahic ta a'batinel awu'un tsobol ants-winiquetic, soc ac'a snijan sbahic ta atojol te nacionetique. Ac'a yajwalinat awermanotac, ac'a snijan sbahic ta atojol te yalatac te anane. Bohlubuc me sc'oblal te mach'a ya sbohlobtesbat ac'oblal, soc lecuc me sc'oblal te mach'a ya ya'bat bendición, xchi.

Génesis 49:9

Alal chojat, Judá; hahchat loq'uel ta stojol te bin atsacoj, jnich'an. La swuhts'an sba, la spahcan sba hich te bin ut'il choj, hich te bin ut'il yantsilel choj: ¿mach'a ya sc'an ya stij hahchel?

1 Reyes 10:20

Ay lahchaycoht (12) chojetic te cotajtic ta cajalcaj mohel, jujucoht ta jujujehch. Mayuc yan huctajibal te hich yich'oj pasel ta yantic nacionetic.

2 Crónicas 9:18

Te huctajibal ay wac-caj te smohibal soc scajtajib yoc pasbil ta oro te jun ay soc te huctajibal, ay scajtajib sc'ab ta jujujehch, soc cha'coht chojetic ta jujujehch.

Ester 6:13

La yalbe ya'iyic te Zeres te yihnam soc te yamigotac spisil bintic c'oht ta pasel. Hich halbotic yu'un te j'ac'-o'taniletic yu'un soc Zeres te yihnam: Teme ha sts'umbal judio te Mardoqueo, te hahchatix ta pehc'ajel ta stojol, ma ba yac atsal, ha'at me peq'uel ya xc'ohat ta stojol, xchihic.

Job 41:10

Mayuc mach'a te hich ay yip yo'tan te ya stij hahchel. Teme hiche, ¿mach'a c'an hu'uc yu'un te ya stehc'an sba ta jtojol hiche?

Salmos 122:6

C'opombeya Dios te ayuc lamal q'uinal ta Jerusalén; ¡te yacuc xp'ohl bintic ay yu'un te mach'atic c'uxat ta yo'tan!

Salmos 2:12

Ich'ahic ta muc' te Nich'anil scuenta yu'un ma ba ya x'ilin, te hich ya xlajex ta be yu'un; como ora nax ya xtihl yilimba. ¡Bayel me yutsil spisil te mach'atic ha smuc'ulinej yo'tanic te Diose!

Éxodo 23:22

Yan teme smelelil yac awa'iybe sc'op soc teme yac apas spisil te bin ya calbate, ha jcontra ya xc'oht te acontratac soc ya ca'be swocol te mach'atic ya ya'bat awocole.

Isaías 31:4

Hich la yalbon te Jehová: Hich te bin ut'il choj o tut choj te ya x'awon yu'un te bin stsacoj, ma ba ya xi' te sc'opic tsobol jcanan-tuminchijetic te ya stsob sbahic ta scontrahinel, ma ba ya xnihc yo'tan yu'un, hich te Jehová te scuentahinej spisil ya xco tal ta yaq'uel guerra ta wits Sión soc ta tsehl yu'un.

Miqueas 5:8

Te mach'atic yu'un Jacob te hilemic hich ya xc'oht ta yohlil te nacionetic, ta yohlil tsobol pueblohetic, te bin ut'il choj ta yohlil te ha'mal chambahlametic, hich te bin ut'il yal choj ta yohlil jtsohb tuminchijetic, te ya xtal, ya sts'o' ta teq'uel, ya sbutsticlan, mayuc mach'a ya scoltay bahel.

Números 22:12

Pero halbot yu'un Dios te Balaam: Ma me xbahat soc, ma me xabohlobtesbe sc'oblalic, como yich'ojic bendición, xchi.

Números 22:6

Awocoluc, la' me ta ora, bohlobtesbeya sc'oblal te pueblo ini, yu'un c'ax hich yip a te bin ut'il te ho'one. Hich wan ya xhu' cu'un stsalel soc stenel loq'uel ta q'uinal. Ya jna' te mach'a yac ac'ambe bendición ta stojol ya yich' bendición, o te mach'a yac abohlobtesbe sc'oblal, bohloben sc'oblal ya xc'oht, xchi.

Números 23:24

Te pueblo ini, hich ya xhahch te bin ut'il choj, hich ya stehc'an sba te bin ut'il choj. Ma ba ya spahcan sba ha to teme hu' yu'un sti'el te bin stsacoj soc te ya yuch'be sch'ich'el te bin smilticlanej, xchi.

Números 24:10

Ha yu'un te Balac bayel ilin ta stojol Balaam. La smajticlan sc'ab yu'un, hich la yalbe: La quic'at tal yu'un yac abohlobtesbe sc'oblal te jcontra, pero oxebix buelta la ac'ambe bendición.

San Mateo 25:40

Ya me xjac'botic yu'un te Ajwalil: Jamal ya calbeyex, te bin ut'il hich la apasbeyic te jtuhl quermano te peq'uel ay, ho'on me la apasbonic abi, xchi me sc'oblalic.

San Mateo 25:45

Hich me ya xhalbotic: Jamal ya calbeyex, te bin ut'il ma ba la apasbe te mach'a mero peq'uel ay, ho'on ma ba la apasbonic abi, xchi me sc'oblalic.

Hechos 9:5

La yal te Saulo: ¿Mach'ayat a, Cajwal? xchi. Ho'on Jesuson te yac acontrahimbelon; ay awocol yu'un te yac alom ta teq'uel te sni'il te stijojbil wacax, xchi.

Deuteronomio 30:7

Te Jehová te Dios awu'un ya me yac' c'ohtuc ta stojol acontra spisil te chopol c'oblaliletic ini soc ta stojol te mach'atic la sp'ajat soc la ya'bat awocol.