Números 22:7 - Bible in Tzeltal Bachajón

⁷ Bahtic te mamaletic yu'un Moab soc Madián, yich'ojic bahel ta sc'abic te mahtaniletic scuenta na'ojel. C'ohtic ta stojol Balaam, la yalbeyic te bin la yal te Balac.

Bible in Tzeltal de Oxchuc y Tenejapa

⁷ Te mamaletic ich'bilic ta muc' yu'un Moab soc Madián bajt'ic. Yich'ojic bael taq'uin, swenta yu'un ya stojic a te sc'anel castigo ta stojol Israel. C'alal c'otic ta stojol Balaam, la yalbeyic te sc'op yaloj bael te Balac.

Números 22:7 ပူးပေါင်းရင်းမြစ်များ

Isaías 1:23

Te príncipaletic awu'un ha jtoybahetic soc smohlol j'eleq'uetic. Spisilic toyol yo'tanic ya schon sbahic soc ya st'unic bahel mahtaniletic; ma ba toj ya schahpanic te me'ba'etic, soc ma xc'oht ta stojolic te swocol te me'ba' antsetique.

Isaías 56:11

Ha ts'i'etic te ay bayel swi'nalic, ma xnoj sch'uhtic; ha jcanan-tuminchijetic te ma sna'beyic scuentahil, spisilic ya st'unic te be yu'unic, jujutuhl ya sle yutsil slequilic.

Ezequiel 13:19

La abohlobtesbonic jc'oblal ta stojol te pueblo cu'un ta scuenta cheb oxeb ta johp cebada soc xeht'elul pan, ha te yac amilic te mach'atic ma sc'oblaluc ya xlajic soc yac awac' cuxajuc te mach'atic sc'oblal ma ba cuxul ya xhilic, te yac alo'loybonic te pueblo cu'un te ya sch'uhunic te lotil c'ope.

Ezequiel 21:21

Como te ajwalil yu'un Babilonia ya stehc'an sba ta jet-be, ta shahchibal te cheb be, yu'un ya stuhun jna'ojel; la slihlin te a'tejibaletic yu'un t'ihmalte', la sjoc'obe te loc'ombahetic yu'une, soc la yilbe sehcub chambahlam.

Miqueas 3:11

Te jtsobawetic yu'un ya schahpanwanic ta taq'uin, te sacerdotehetic yu'un tojbil ya xnohpteswanic, te jalwanejetic yu'un ta scuenta taq'uin ya yalic bin ya sna'ic, soc yich'oj yipic ta Jehová, hich ya yalic: ¿Ma bal sjoquinejotic te Jehová? Mayuc bin chopol ya xtal ta jtojoltic, xchihic.

Números 22:8

Te Balaam hich la yalbe: Wayanic li'i ha ahc'abal ini, ya calbat bin ya yalbon te Jehová, xchi. Hich te príncipaletic yu'un Moab hilic soc te Balaam.

Números 23:23

Como mayuc bin ya xhu' yu'un jwoyaw ta scontrahinel te Jacob, o te na'ojel ta scontrahinel Israel. Como yo'tic hich ya yich' halbeyel sc'oblal Jacob soc Israel: ¡Ilawil bin spasoj te Diose!

Números 24:1

Te c'alal la yil te Balaam te lec yo'tan Jehová yu'un te ya ya'be bendición te Israel, ma ba la sle jwoyaw, hich te bin ut'il ta shahchibal soc ta schebal buelta, ha la yil bahel ta stojol te jochol taquin q'uinal.

Romanos 16:18

como te mach'atic hich ya spasic, ma ha'uc yac'oj sbahic ta a'batinel yu'un te Cajwaltic Jesucristo, ha nax ya spasic te bin ya sc'an yo'tanic stuquel. Ta scuenta t'ujbil c'opetic soc te bintic lec ta a'iyel ya slo'loybe yo'tanic te mach'atic ma sna'ic stsahtayel.

Tito 1:11

Ya sc'an ya yich' macbeyel yehic, como yac sjimbel nahetic, yu'un ta scaj sbic'sitayel taq'uin ya yaq'uic ta nopel te bin ma xtuhune.

Josué 13:22

Te snich'nab Israel ha nix hich la smilic ta espada te Balaam te jna'ojel, te snich'an Beor.

2 Pedro 2:15

Hilem yu'unic te stojil be, howiyemic ta st'umbeyel sbe te Balaam snich'an Beor, te ha c'ux ta yo'tan te stojol te bin chopole;

Judas 1:11

¡Ay me swocolic! como st'unojic te be yu'un Caín, howiyemic hich te bin ut'il Balaam ta slehel taq'uin te ma stojiluc; pajal lajic soc te toybahil yu'un Coré.