Números 22:6 - Bible in Tzeltal Bachajón

⁶ Awocoluc, la' me ta ora, bohlobtesbeya sc'oblal te pueblo ini, yu'un c'ax hich yip a te bin ut'il te ho'one. Hich wan ya xhu' cu'un stsalel soc stenel loq'uel ta q'uinal. Ya jna' te mach'a yac ac'ambe bendición ta stojol ya yich' bendición, o te mach'a yac abohlobtesbe sc'oblal, bohloben sc'oblal ya xc'oht, xchi.

Bible in Tzeltal de Oxchuc y Tenejapa

⁶ La', c'anbon castigo ta stojol, yu'un c'ax xan tulanic a te bit'ilotique. Jich wan ya xju' cu'un stsalel a te jichuque, te ya jnutstic loq'uel ta jlumaltic. Ya jna' teme bendición ya ac'anbey, o teme castigo ya ac'anbey, ya nix c'ot ta pasel a”, utaic me —xi'.

Números 22:6 ပူးပေါင်းရင်းမြစ်များ

Génesis 12:3

Ya ca'be bendición te mach'a ya ya'bat bendición, soc ya jbohlobtesbe sc'oblal te mach'a ya sbohlobtesbat ac'oblal. Soc ha'at ta acuenta ya me yich' bendición spisil ants-winiquetic ta bahlumilal, xchi sc'oblal.

Génesis 27:29

Ac'a yac' sbahic ta a'batinel awu'un tsobol ants-winiquetic, soc ac'a snijan sbahic ta atojol te nacionetique. Ac'a yajwalinat awermanotac, ac'a snijan sbahic ta atojol te yalatac te anane. Bohlubuc me sc'oblal te mach'a ya sbohlobtesbat ac'oblal, soc lecuc me sc'oblal te mach'a ya ya'bat bendición, xchi.

1 Reyes 22:13

Te a'bat te c'oht yic' tal Micaías, hich la yalbe: Te jalwanejetic junax sc'opic yac yalbelic te ajwalil te bin lec. Junuc me ac'op soc, lecuc me bin yac awalbe, xchi.

1 Reyes 22:6

Ha yu'un te ajwalil yu'un Israel la stsob jalwanejetic, ay wan jbahc' ta tuhl, hich la sjoc'obe: ¿Ya bal ca'be guerra te Ramot yu'un Galaad, o ma'uc? xchi. Bahan, te Jehová ya me ya'be ta sc'ab te ajwalil, xchihic.

1 Reyes 22:8

Te ajwalil yu'un Israel la yalbe te Josafat: Ay jtuhl winic te ya xhu' ya joc'obetic Jehová ta scuenta, ha te Micaías snich'an Imla, pero ya quihlay, como mayuc bin ora ya yalbon te bin lec, puro ma lecuc, xchi. Pero la yal te Josafat: Ma lecuc hich ya yal te ajwalil, xchi sc'oblal.

Nehemías 13:2

como ma ba loq'uic ta stahel te snich'nab Israel ta ya'beyel swe'el yuch'elic, ha la ya'beyic taq'uin te Balaam yu'un ya sbohlc'optay. Pero te Dios cu'untic la sut ta bendición te bohlc'optayel.

Salmos 109:28

Ac'a yalic chopol c'oblalil, pero ha'at yac awac' bendición. Ac'a hahchuquic, pero ac'a stahic q'uexlal, yan te a'bat awu'un tse'eluc me yo'tan.

Proverbios 26:2

Hich te bin ut'il ha'mal mut te bayuc ya xbaht, o ulich te yac ta wihlel, ha nix hich te chopol c'oblalil te mayuc scuentahil, ma xc'oht ta banti sc'oblal ya xc'oht.

Ezequiel 13:6

Yilojic lotil nahalsitil soc lotil jna'ojel. Hich ya yalic: Hich yaloj te Jehová, xchihic, pero ma ha'uc ticombilic yu'un Jehová. Pero yac smahliybelic te ya xc'oht ta pasel te bin ya yalique.

Miqueas 6:5

Pueblohat cu'un, na'a me yo'tic bin la snop te Balac ajwalil yu'un Moab, soc te bin jac'bot yu'un te Balaam snich'an Beor. Na'a me c'alal ayat ta Sitim, c'alal c'axat bahel ta Gilgal, yu'un yac ana'ticlanic te bintic toj la spas te Jehová.

Números 22:12

Pero halbot yu'un Dios te Balaam: Ma me xbahat soc, ma me xabohlobtesbe sc'oblalic, como yich'ojic bendición, xchi.

Números 22:17

yu'un bayel ya cac'at ta ich'el ta muc' soc ya jpas spisil te bin yac awalbon. La' me hiche, bohlobtesbeya sc'oblal te pueblo ini, xchihic.

Números 23:13

La yal te Balac: Awocoluc, la' joquinawon bahel ta yan lugar te banti ya xhu' yac awil xan; ha nax ya xhu' yac awil te mach'a nopol ayic, ma xhu' yac awil spisilic. Tey to me yac abohlobtesbe sc'oblalic a, xchi.

Números 23:27

Te Balac la yalbe te Balaam: Awocoluc, la' me, ya quic'at bahel ta yan lugar; ha wan lec ya ya'iy te Dios teme tey yac abohlobtesbe sc'oblalic a, xchi.

Números 24:9

Ya swuhts'an sba, ya spahcan sba hich te bin ut'il choj, hich te bin ut'il yantsilel choj, ¿mach'a ya stij hahchel? ¡Ayuc bayel bendición yu'un te mach'atic ya sc'ambat bendición, soc bohlobuc me sc'oblal te mach'a ya sbohlobtesbat ac'oblal! xchi.

Hechos 16:16

Ay jun buelta te c'alal yacotic ta bahel ta banti ya jc'opontic Dios, loc' tal stahotcotic jtuhl ach'ix te ay espíritu yu'un na'ojel ta yo'tan; bayel ya spasic ganar te yajwalic te ach'ix yu'un te bin ya sna'e.

Deuteronomio 23:4

ta scaj te ma ba loc' ya'beyex we'elil soc ha' ta be c'alal loq'uex tal ta Egipto, soc ta scaj te la stojic te Balaam snich'an Beor, te talem ta Petor ta Mesopotamia, scuenta yu'un ya sbohlobtesbeyex ac'oblalic.

Josué 24:9

Patil hahch te Balac snich'an Zipor, te ajwalil yu'un te moabetic, la ya'be guerra te Israel. Ha la sticon ta iq'uel tal te Balaam te snich'an Beor, yu'un ya sc'an chopol c'oblalil ta atojolic.

1 Samuel 17:43

Te filisteo hich la yalbe te David: ¿Yu'un bal ts'i'on te tal awa'bon te'? xchi. Hich la sbohlc'optay te David ta scuenta te diosetic yu'une.