Números 22:5 - Bible in Tzeltal Bachajón

⁵ la sticon bahel winiquetic ta stojol Balaam snich'an Beor ta Petor, te ay ta nopol muc'ul-ha' Éufrates, te ha slumal nix, hich la yalbe: Ay jun pueblo te loq'uemic tal ta Egipto te ya snojesic te q'uinal soc ya xnahinic nopol ta banti ayon.

Bible in Tzeltal de Oxchuc y Tenejapa

⁵ La sticun ta iq'uel te Balaam snich'an Beor, ja' te mach'a ay ta lum Petor ta sts'eel te muc'ja' Eufrates, ta sq'uinal Amav. Te Balac la yalbey mandal te abatetic yu'une: —Baan albeyaic te Balaam: “Ta Egipto ay loq'uem tel jchajp lum te pujq'uemiquix bael ta spamal te q'uinale. Ora yo'tic ayiquix ta jtojoltic.

Números 22:5 ပူးပေါင်းရင်းမြစ်များ

Génesis 13:16

Hich yipal ats'umbal ya xc'oht cu'un te bin ut'il ts'ubil lum. Teme ay mach'a ya xhu' ya yahtay te ts'ubil lum, ha nix hich ya xhu' ya yahtay te ats'umbale.

Salmos 105:24

Te Jehová la yac' te bayel p'ohl te pueblo yu'un, c'ax hich yip la ya'be a te bin ut'il te scontratac.

Éxodo 10:15

La slim sbahic ta lum ta spahmal q'uinal, ihc'ub q'uinal yu'un; la slajinic spisil te ha'mal ta q'uinal soc spisil te sit te' te hilemic yu'un te bat. Mayuc hil syaxal te'etic o ha'maletic ta spahmal sq'uinal Egipto.

Miqueas 6:5

Pueblohat cu'un, na'a me yo'tic bin la snop te Balac ajwalil yu'un Moab, soc te bin jac'bot yu'un te Balaam snich'an Beor. Na'a me c'alal ayat ta Sitim, c'alal c'axat bahel ta Gilgal, yu'un yac ana'ticlanic te bintic toj la spas te Jehová.

Números 23:7

Te Balaam hich la yal ta sc'op-jalwanej: C'alal ta Aram la yic'on te Balac, te ajwalil yu'un Moab, c'alal ta witsiltic ta stojol banti ya xloc' tal c'ahc'al. La', bohlobtesbeya sc'oblal te Jacob, la', bohlc'optaya te Israel, xchi.

Números 31:8

Soc la smilic te Evi, Requem, Zur, Hur soc Reba, ha te ho'tuhl ajwaliletic yu'un Madián; soc la smilic ta espada te Balaam snich'an Beor.

Deuteronomio 23:4

ta scaj te ma ba loc' ya'beyex we'elil soc ha' ta be c'alal loq'uex tal ta Egipto, soc ta scaj te la stojic te Balaam snich'an Beor, te talem ta Petor ta Mesopotamia, scuenta yu'un ya sbohlobtesbeyex ac'oblalic.

Deuteronomio 23:5

Pero te Jehová te Dios awu'un ma ba la yich'be ta cuenta te sc'op Balaam. Te Jehová te Dios awu'un la sc'atp'umbat ta bendición te chopol c'oblalil c'anot ta atojol, como c'uxat ta yo'tan te Jehová te Dios awu'une.

Josué 13:22

Te snich'nab Israel ha nix hich la smilic ta espada te Balaam te jna'ojel, te snich'an Beor.

Josué 24:9

Patil hahch te Balac snich'an Zipor, te ajwalil yu'un te moabetic, la ya'be guerra te Israel. Ha la sticon ta iq'uel tal te Balaam te snich'an Beor, yu'un ya sc'an chopol c'oblalil ta atojolic.

Judas 1:11

¡Ay me swocolic! como st'unojic te be yu'un Caín, howiyemic hich te bin ut'il Balaam ta slehel taq'uin te ma stojiluc; pajal lajic soc te toybahil yu'un Coré.

Apocalipsis 2:14

Pero ay bintic ma lecuc co'tan awu'un: ay mach'atic sch'uhunejic te bin la yac' ta nopel Balaam, te la ya'be snop te Balac bin ut'il ya yac' c'ohchinojibal ta stojol te israeletic, ha te ya swe'ic te bin a'bibil ta milbil mahtanil ta stojol lotil diosetic soc te ya ya'iyic antsiwej.