Números 22:4 - Bible in Tzeltal Bachajón

⁴ Ha yu'un hich la yalbeyic te mamaletic yu'un Madián: Te tsobol winiquetic ini ya me slec'ticlan spisil bintic ay ta joyobaltic hich te bin ut'il ya swe' ac te wacaxe, xchihic. Ha yu'un te Balac snich'an Zipor, te ajwalil yu'un Moab ta hich ora,

Bible in Tzeltal de Oxchuc y Tenejapa

⁴ Jich yu'un te yajwal Moab la yalbey yaiyic te mamaletic ich'bilic ta muc' yu'un Madián: —Spisilic te ants-winiquetic ya me slajinbotic jq'uinaltic jich nix bit'il wacaxetic te ora nax ya slajin te aquile —xi'. Ja' yorail a te ay ta muc' ajwalil yu'un Moab te Balac.

Números 22:4 ပူးပေါင်းရင်းမြစ်များ

1 Reyes 11:18

Patil loq'uic ta Madián, c'ohtic ta Parán ta banti la yiq'uic sjoquin winiquetic. C'ohtic ta Egipto, ta stojol faraón te ajwalil yu'un Egipto, te la ya'be sna, swe'el yuch'el soc sq'uinal.

Éxodo 15:15

Ha yu'un te jtsobawetic yu'un Edom bayel ya xc'opoj yo'tanic yu'un; te mach'atic ay yipic ta Moab ya xhahchic ta nihquel, ya xlaj yip yo'tanic spisil mach'atic nahinemic ta Canaán;

Jeremías 48:38

Ta spisil te ba nahetic yu'un Moab soc ta spisil te callehetic yu'une, puro oq'uel, como la jwuy te Moab hich te bin ut'il oxom te mayuc mach'a ya sc'an, xchi te Jehová.

Números 22:2

Te Balac snich'an Zipor, la yil spisil te bin la spasbe te amorreohetic te Israel.

Números 22:7

Bahtic te mamaletic yu'un Moab soc Madián, yich'ojic bahel ta sc'abic te mahtaniletic scuenta na'ojel. C'ohtic ta stojol Balaam, la yalbeyic te bin la yal te Balac.

Números 24:17

Ha ya quil, pero ma ta orahuc; ha ya jna'ulan, pero ma nopoluc ay; ya xloc' tal ec' ta Jacob, ya xchicnaj bastón ta yohlil Israel; ya me swuybe sti'ba te Moab, soc ya me slajinlan spisil te sts'umbal Set.

Números 25:6

Ay jtuhl israel-winic te baht yic' tal jtuhl madianita-ants ta banti ay te yermanotac, ta sit Moisés soc spisil te pueblo Israel, te c'alal yaquic ta oq'uel a ta yochibal te Nahilpac' Templo yu'un tahojibal.

Números 31:1

Te Jehová la yalbe te Moisés:

Números 31:8

Soc la smilic te Evi, Requem, Zur, Hur soc Reba, ha te ho'tuhl ajwaliletic yu'un Madián; soc la smilic ta espada te Balaam snich'an Beor.

Jueces 11:25

¿C'ax bal hich yac acuy aba a te bin ut'il Balac snich'an Zipor, te ajwalil yu'un Moab? ¿La bal scontrahin Israel o la bal ya'be guerra?

Jueces 6:1

Te snich'nab Israel la spasic te bin chopol ta stojol Jehová. Ha yu'un te Jehová la ya'be ta sc'ab Madián huqueb ha'bil.