Números 22:12 - Bible in Tzeltal Bachajón

¹² Pero halbot yu'un Dios te Balaam: Ma me xbahat soc, ma me xabohlobtesbe sc'oblalic, como yich'ojic bendición, xchi.

Bible in Tzeltal de Oxchuc y Tenejapa

¹² Jich yu'un te Dios la yalbey te Balaam: —Ma me xbaat, ma me x'ac'anbon te ya cac'bey castigo te lume, melel jo'on cac'ojbey bendición —xi' te Diose.

Números 22:12 ပူးပေါင်းရင်းမြစ်များ

Génesis 12:2

Muc'ul nación ya xc'ohat cu'un, soc ya ca'bat bendición ta atojol, muc' ya xc'oht abihil cu'un, soc ha'at bendición ya xc'ohat.

2 Crónicas 31:10

Te muc'ul sacerdote Azarías sts'umbal Sadoc, la sjac': Te bin ora hahch yich'ic tal te mahtaniletic yu'unic ta sna Jehová c'alal ora, we'otcotic soc noj jch'uhtcotic, soc bayel to hilem, como te Jehová ya'beyej bendición te pueblo yu'un, soc ay hilem hich yipal ini, xchi.

Salmos 144:15

¡Bayel me yutsil te pueblo te ay yu'un spisil ini! ¡Bayel me yutsil te pueblo te ha Dios yu'un te Jehová!

Salmos 146:5

Bayel me yutsil te mach'a ya xcoltayot yu'un te Dios yu'un Jacob, te ha smuc'ulinej yo'tan te Jehová te Dios yu'un,

Isaías 61:9

Te sts'umbalic ya xna'bot sbahic ta yohlil te nacionetic soc te spuhl ta yohlil te pueblohetic. Spisil te mach'atic ya yilic, ya me sna'ic te ha pueblo te yich'oj bendición yu'un Jehová.

Miqueas 6:5

Pueblohat cu'un, na'a me yo'tic bin la snop te Balac ajwalil yu'un Moab, soc te bin jac'bot yu'un te Balaam snich'an Beor. Na'a me c'alal ayat ta Sitim, c'alal c'axat bahel ta Gilgal, yu'un yac ana'ticlanic te bintic toj la spas te Jehová.

Números 22:11

Te pueblo te loc' tal ta Egipto ya snojesic te q'uinal. La' me ta ora, ya me abohlobtesbe sc'oblalic, hich wan ya xhu' cu'un te ya ca'be guerra soc ya jten loq'uel, xchi.

Números 22:13

Hahch ta sab te Balaam, hich la yalbe te príncipaletic ticombilic tal yu'un Balac: Suhtanic bahel ta alumalic, como te Jehová ma xyac' te ya joquinex bahel, xchi.

Números 22:6

Awocoluc, la' me ta ora, bohlobtesbeya sc'oblal te pueblo ini, yu'un c'ax hich yip a te bin ut'il te ho'one. Hich wan ya xhu' cu'un stsalel soc stenel loq'uel ta q'uinal. Ya jna' te mach'a yac ac'ambe bendición ta stojol ya yich' bendición, o te mach'a yac abohlobtesbe sc'oblal, bohloben sc'oblal ya xc'oht, xchi.

Números 23:23

Como mayuc bin ya xhu' yu'un jwoyaw ta scontrahinel te Jacob, o te na'ojel ta scontrahinel Israel. Como yo'tic hich ya yich' halbeyel sc'oblal Jacob soc Israel: ¡Ilawil bin spasoj te Diose!

Números 23:3

Te Balaam hich la yalbe te Balac: Hilan li'i ta banti ay te scohtol chic'bil mahtanil awu'un, ya xbohon ho'on; ya wan xtal stahon te Jehová. Ya calbat bin ya ya'bon jna', xchi. Hich baht ta wits te mayuc bin colem tey a.

Números 23:8

¿Bin yu'un ho'on ya jbohlobtesbe sc'oblal te mach'a ma ba bohlobtesbot sc'oblal yu'un Dios? ¿Bin yu'un ya jbohlc'optay te mach'a ma ba bohlc'optaybil yu'un te Jehová?

Números 24:9

Ya swuhts'an sba, ya spahcan sba hich te bin ut'il choj, hich te bin ut'il yantsilel choj, ¿mach'a ya stij hahchel? ¡Ayuc bayel bendición yu'un te mach'atic ya sc'ambat bendición, soc bohlobuc me sc'oblal te mach'a ya sbohlobtesbat ac'oblal! xchi.

San Mateo 27:19

Te c'alal hucul ta chahpajibal te Pilato, ticombot ta halbeyel yu'un te yihnam: Ma me ayuc bin xapasbe te mach'a toj yo'tan, como te naxe c'ax bayel jwocol la jca'iy ta jwayich ta scuenta te winique, xchi.

Romanos 11:29

como ma xhu' ta lajimbeyel sc'oblal te mahtaniletic soc te iq'uel yu'un Dios.

Efesios 1:3

Bayeluc me yutsil sc'oblal Dios te Stat te Cajwaltic Jesucristo, te ha ta scuenta Cristo ya'beyejotic spisil ta chahp bendicionetic te ayic ta ch'ulchan.

Deuteronomio 2:7

Como te Jehová te Dios awu'unic ya'beyejex bendición a ta spisil bintic apasojic; sna'oj te yaquex ta behel ta muc'ul jochol taquin q'uinal ini. Te cha'winic (40) ha'bil ini sjoquinejex te Jehová te Dios awu'unic, mayuc bin la spasex falta.

Deuteronomio 23:5

Pero te Jehová te Dios awu'un ma ba la yich'be ta cuenta te sc'op Balaam. Te Jehová te Dios awu'un la sc'atp'umbat ta bendición te chopol c'oblalil c'anot ta atojol, como c'uxat ta yo'tan te Jehová te Dios awu'une.

Deuteronomio 28:6

Bayel me awutsilal c'alal ya x'ochat tal soc bayel me awutsilal c'alal ya xloc'at bahel.

Deuteronomio 33:29

¡Bayel me awutsil, ha'at Israel! ¿Mach'a pajalat soc, ha'at pueblohat te coltaybilat yu'un Jehová? Te Dios ha amahquil te ya xcoltaywan, ha espada te yac awa'iy tsalaw yu'un. Hich peq'uel ya xc'oht te acontratac, ha'at yac atec'be te toyol q'uinal yu'unic, xchi te Moisés.

Deuteronomio 7:14

C'ax hich bendición yac awich' a te bin ut'il spisil te yantic pueblohetic; mayuc jtuhluc winic ta awohlil te ma xnich'naj soc mayuc jtuhluc ants te ma x'alaj, ha nix hich te chambahlametic awu'unique.